صفحة 1 من 2 12 الأخيرةالأخيرة
النتائج 1 إلى 10 من 18

الموضوع: مكيفات الكاسيت .. مزايا وعيوب؟

  1. #1
    عضو نشط
    رقم العضوية
    6706
    تاريخ التسجيل
    Jan 2006
    المشاركات
    944

    مكيفات الكاسيت .. مزايا وعيوب؟

    تحية طيبة الأخوة والأخوات أعضاء المنتدى

    أود الاستفسار من أصحاب الخبرة والتجارب .. فيما يخص مكيفات الكاسيت .. وخصوصا من الأعضاء الذين جربوا هذا النوع بشكل فعلي .. أو يعرفون أحد ركبهم وأخذ نصيحته.

    ما رأيكم بهذا النوع؟
    أيضاً الماركات الجيدة .. ماهي؟
    وهل يوجد منه واحد طن، وطن ونصف؟

    أفكر بتركيبه في بعض الأماكن في الفيلا .. مثل غرف ملابس مغلقة .. المطبخ لحرية توزيع العناصر .. وبعض الغرف مجبراً نظراً لمكان السرير.

    مع الشكر مقدماً لكل من يدلو بدلوه.

  2. #2
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,555
    من أيام شفت واحد في مجلس ومريح والله نسيت أي شركة كأنه متسوبيشي أو غري .. معاي بالصدفة صاحب شركة تكييف ومدح لي فيه يقول هذا وايد جيد .. شوفه في بندروزا الدفنة صار لهم عمر معتمدين هالنوع

  3. #3
    عضو نشط
    رقم العضوية
    6706
    تاريخ التسجيل
    Jan 2006
    المشاركات
    944
    أنا بعد شفت كذا مكان .. مجمعات مركبين منه .. يعني أنا دايماً أشوفه في الأماكن العامة ..
    في الفلل ما شفته إلا في مجلس واحد من الربع من زمان (قبل 20 سنة تقريباً) وما يمدحهم .. على ما أذكر مشاكل في الصيانة .. ما أدري تسريب الماي .. المهم يقول إنه ندم .. بس هذا من زمان .. اكيد الحين تغير الوضع .. علشان جذي بغيت أسأل حد مجربهم يعطينا انطباعه ..

    المجمعات والشركات اتوقع هناك تعاقد دوري مع شركة صيانة ... الخ.
    لكن في المنازل الخاصة ما اعرف .. هل في حد جرب يعطينا رأيه مع الشكر الجزيل مقدماً.

  4. #4
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    3,545
    وقت البناء قبل خمس سنوات تعمقت كثير في المكيفات . الكاسيت اذكر يجي فقط اطنان كبيره تقريبا من 3 وطالع ولا ينصح فيه في غرف انوم لانه يدفع الهواء في اربع جهات . وله مشاكل من اشهرها تسريب الماي
    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

  5. #5
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,555
    ركب قطعة تحت حديد مناسبة قصدي معدنية أو حتى بلاستيكية وركب بايب أوسع شوي حتى ما ينسد وامنع الغبار يدخل بغطاء جيد

  6. #6
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    3,545
    اقتباس المشاركة الأصلية كتبت بواسطة سعود. مشاهدة المشاركة
    وقت البناء قبل خمس سنوات تعمقت كثير في المكيفات . الكاسيت اذكر يجي فقط اطنان كبيره تقريبا من 3 وطالع ولا ينصح فيه في غرف انوم لانه يدفع الهواء في اربع جهات . وله مشاكل من اشهرها تسريب الماي
    اعتذر عن المعلومه الخاطئة . بخصوص حجم الاطنان خربطت بين الكاسيت والاستاند
    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

  7. #7
    عضو نشط
    رقم العضوية
    6706
    تاريخ التسجيل
    Jan 2006
    المشاركات
    944
    من فترة سألت وكيل مكيفات جري عن الكاسيت .. أذكر إنه قال لي أقل حجم طن للكاسيت هو 3 طن وطالع .. مافي أقل.
    أخبر من زمان كان فيه ماركات ثانية لقيت 1.5 طن و 2 طن .. بس الحين ما أدري .. لازم نسأل

  8. #8
    عضو نشط
    رقم العضوية
    6706
    تاريخ التسجيل
    Jan 2006
    المشاركات
    944
    اقتباس المشاركة الأصلية كتبت بواسطة سعود. مشاهدة المشاركة
    وله مشاكل من اشهرها تسريب الماي
    بالنسبة لهذه المشكلة .. حسب كلام شركة مكيفات جري .. إن الموديلات اللي عندهم تدفع الماي، ولما تنسد المواسير يطفي المكيف بشكل آلي ولا يعمل حتى يتم صرف الماي .. بمعنى فيه حساس داخل المكيف، من يلامس الماي يوقف التشغيل، ولا يتم التشغيل إلا بعد الضغط على زر معين داخل المكيف نفسه .. يعني مش من الريموت.

    اقتباس المشاركة الأصلية كتبت بواسطة سعود. مشاهدة المشاركة
    الكاسيت اذكر يجي فقط اطنان كبيره تقريبا من 3 وطالع ولا ينصح فيه في غرف انوم لانه يدفع الهواء في اربع جهات
    هذه النقطة اللي تخلي الواحد يفكر أكثر من مرة قبل لا يشتري هذا النوع .. خصوصاً أن الأطنان من 3 وطالع .. يعني دفع الهواء بيكون قوي طبعاً .. أنا لما فكرت في هذا النوع كان بسبب خطأ في التأسيس بموقع المكيف في غرفة النوم، وللأسف لم ألحظ هذا الشيء إلا متأخراً، الحل أمامي هو وضع السرير بجهة الشباك، وبهذه الطريقة ابتعد عن مواجهة هواء المكيف، لكن الشباك سيكون غير مفيد، باعتبار الوصول له صعب إلا من خلال الوقوف على السرير.

    لهذا فكرت في الكاسيت، لأنه يمكن وضعه فوق السرير مباشرة، وبما أنه في السقف، ما راح يهفني هواء المكيف بشكل مباشر ..
    لكن في صعوبة في تنظيف الفلاتر .. باعتبار المكيف فوق السرير مباشرة .. لكن يمكن حل الموضوع من خلال وضعه في موقع قريب من السرير .. وليس فوقه مباشرة ..

    لكن النقطة المتخوف منها هو تسريب الماي .. يعني تخيل وأنا نايم ينقط المكيف ماي عليك !!!
    لو إني نايم وأنا أحلم بمطر .. ممتاز .. راح يمشي الحلم بشكل واقعي .. مع الإحساس الحقيقي !!

    لهذا وضعت السؤال في المنتدى أشوف في حد جرب ماي المكيف .. العفو .. قصدي في حد جرب مكيف الكاسيت في غرفة النوم أو لا ..
    التعديل الأخير تم بواسطة asulaiti ; 22-02-2024 الساعة 11:04 AM

  9. #9
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    3,545
    لا تغامر في بيتك

    ركبت سبيلت وريح مخك . ولا تنسى تظلل الوحدات الخارجية . هذي نصيحة معماري قطري ( ابو عبدالله) قالها لي قبل 6 سنوات والحين ساكن من 5 سنوات تقريباً مرتاح جدا
    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

  10. #10
    عضو نشط
    رقم العضوية
    6706
    تاريخ التسجيل
    Jan 2006
    المشاركات
    944
    أعتقد خلاص .. غضيت النظر عن مكيفات الكاسيت .. باركب سبليت مع حاجز يمنع تدفق الهواء مباشرة .. يمكن يكون حل لمشكلة مكانه.
    اضغط على الصورة لعرض أكبر. 

الإسم:	deflector001_split_white_002.jpg 
مشاهدات:	5 
الحجم:	44.2 كيلوبايت 
الهوية:	104517

    ويمكن أركب كاسيت في بعض الممرات عندي في البيت .. والمطبخ الخارجي أفكر في الكاسيت، لكن ارتفاع المطبخ حول 3.30 تقريباً .. ما أعرف كم أنزل في السقف المستعار علشان أقدر أركب كاسيت هناك .. أفيدونا في ذلك.

    اقتباس المشاركة الأصلية كتبت بواسطة سعود. مشاهدة المشاركة
    ولا تنسى تظلل الوحدات الخارجية . هذي نصيحة معماري قطري ( ابو عبدالله) قالها لي قبل 6 سنوات والحين ساكن من 5 سنوات تقريباً مرتاح جدا
    فكرة حلوه .. اعتقد سمعته من بو عبدالله قبل .. أقدر أظلل الوحدات الخارجية اللي في السطح .. لكن أغلب الوحدات في البنتهاوس الصراحة .. ما أعرف شلون أظللهم !!
    أحس البيت من بعيد بيكون شكله غريب !

    عموماً أنا حالياً وحدات المكيفات الموجودة في البيت الحالي كلها غير مظللة .. لكن سنوياً مابين شهر 4 و 5 .. أجيب شركة تغسل المكيفات .. والحمد لله حالياً 9 سنوات ما اشتكي منهم في مسألة التبريد .. مكيفاتي كلها جري .. ما عدا لغرفة النوم الماستر .. حطيت فوجي .. لأن طنين ونص .. وفيه خاصية السايلنت .. مكيفات جري (قبل) ما كان منزلين هذه الخاصية في الطنين ونص .. فاضطريت أبدله بفوجي وحطيت الجري في الصالة.

    شرفني مروركم أخواني وشاكر لكم تفاعلكم مع الموضوع.

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •