صحيح اخوي ساوث كي
المهندس اللي يهتم لتفاصيل المساحات كلها وخصوصاً مداخل الحوش ومحتوياته .. يصمم الخارج والداخل يكون فاهم ومسوي اللي عليه .. بعضهم رسامين ينقلون تصميم جاهز بدون تعديل لأرض بدون اهتمام بالواجهات ولا بالمداخل ولا بتوزيع الحوش .. انا اهتم حتى لمساحة وقوف السيارة لو قل الطول عن 6 متر بتكون كافية لسيارة متوسطة ولو قل عن 5 متر بتكون لسيارات صغيرة ولسيارات سوبر طويلة نحتاج لحدود ال 7 متر .. البنتلي الكبيرة والرولز طولها 6.75 متر وتعد الأطول ولو بتقتنيها تحتاج لحدود 8 متر .. اللكزس فورويل شوي أقل من 6 متر .. بعض المصممين الإقتصاديين يسوون موقف لسيارة بحدود 4 متر ويغش بتصغير حجم السيارة في الرسم وفي الواقع تنصدم .. لذلك لو تشوف موضوع مراجعة المخططات بتحصل فيه مثل هذي الأُمور ما فاتت علي ووضحتها لأصحاب التصاميم وعدلت عليها لأن المقاس يوضح عندي على الاوتوكاد
هذا التصميم بالذات فيه قياسات صغيرة وغير مناسبة واقدر اثبتها لو عندي المخطط .. كذلك يحتاج حلول لخزان المياه وللصرف الصحي وأكيد كل شيء ممكن وممكن يتطور أكثر للأفضل
كشكل مع الأرض المحاطة بثلاث جهات مناسب جداً وأكيد لو انا بابنيه لي باسوي عزل حراري للحوائط وباغير مكان الاستوديو مع الغرفة واحتمال اضيف موقف لسيارة ثالثة مع التأكد من طول وعرض الموقف ما يقل عن 6 والعرض 3