هذا تصميم أمريكي هدية لولد عمي أحمد بن ثامر هو يحب هذي التصاميم
هذا بيت فخم وكبير في لاس فيغاس للبيع لكن يهمني نركز على بعض التفاصيل المعمارية مثل الدرابزين فيه متجانس ومبني مع البيت وكذلك نقاش المسوق للميزانية وكيف تدبيرها وهو شيء قريب من اللي عندنا
2709 أقدام مربعة تساوي تقريباً 252 متر مربع وسعر المتر المربع مبني مثل ما هو وهم يبيعونه بشوية أثاث أساسي يطلع لنا حول 5000 ريال وأكيد شامل التكييف والارض
في قطر بيتي مكلفني حول 3000 وشوي زيادة بدون تكلفة الأرض في 2004 ولو باضيف تكلفة الأرض ذاك الوقت بحدود 150 ريال للفوت = 1600 تقريباً وعلى مساحة 1200 تعطينا قيمة اضافية قريب المليونين كتكلفة أرض نوصل لسعر 5000 ريال وشوي أكثر للمتر المربع
الوقت الحالي أكيد الأرض وايد أغلى وبحدود الضعف وأكثر والبنيان كذلك أغلى يطلع لنا المتر المربع مبني وخالص بين 7000 و10000 ريال كمتوسط تشطيب وسطي جيد
أهمية عمل فحص نفاذية الماء للنوافذ والمناور الزجاجية السقفية
منزل صغير ومدروس وتنفيذ عتبات الدرج بالبورسلان
بعض النصائح المهة وانا لي رأي في تركيب البلاط 0 جوينت .. كل نوع من البلاط له معامل تمدد وانكماش ينكتب في المواصفات .. ويقدر يحسبها المهندس على أساس تمدد كل بلاطة .. نفترض عندنا بلاطة 60 في 60 سم ومعامل تمددها لنفترض 0.1 ملم في العشر درجات فرق من 20 درجة مئوية .. هذي ال 0.1 ما لها تأثير خصوصاً درجة الحرارة في الداخل في الغالب قريبة من ال 20 صيف وشتاء ولو أثناء السفر ارتفعت الحرارة ل 40 درجة مئوية بنحصل التمدد 0.2 ملم في كل بلاطة
الفاصل الغير مرئي بين البلاطات الزيرو جوينت يكون أوقات بحدود 0.5 ملم وهذا يستحسن ينملي بمونة شفافة ومرنة أو يترك ببساطة بدون شيء حتى يتحمل أي ضغوط حرارية وبالعكس أفضل من فراغ مليان مونة قوية ويابسة غير قابلة للانضغاط
رأي خاص عوامل أُخرى تؤدي لتقشع البلاط وليست الزيرو جوينت أو كذلك تكسر الأطراف
أكيد نحتاج لجوينت في الأطراف وتحت النعلة ونحتاجها في الحوش لأن الضغوط الحرارية أكبر بكثير لكن للداخل وللمساحات الصغيرة ما نحتاج
شيصير في المساحات الكبيرة؟
اللي يصير إن الضغوط الحرارية تكون تراكمية وتجمعية على مساحات كبيرة وفي كل الاتجاهات وبدل ما يزيد الطول 0.1 ملم مثلاً أو حولها حسب نوعية البلاط يتراكم وتستوي الزيادة 2 أو 3 ملم بسبب وجود الفواصل الصلبة اللي تساهم كذلك في هذي الزيادة وانتقال الضغوطات للبلاطة اللي تليها .. لذلك ضروري نحط فاصل بمادة مرنة تنضغط لتسمح بالتمدد ولو انكمش البلاط تكون لاصقة وتتمدد .. حتى الرخام ينطبق عليه هذا الكلام وهو يتركب زيرو جوينت والجوينت صلبة ومليانة مونة لكن للمساحات الكبيرة نحتاج فواصل تمدد مطاطية وكذلك للخارج نحتاج الفواصل أقرب .. اللي يحب يشوف على أرض الواقع قبل ليدخل بوابة المطاعم في فيلاجيو يشوف الرخام أو الغرانيت شصاير فيه
مشاهدة عروض المطورين تعطينا فكرة عن بعض التفاصيل وكذلك الأسعار في العالم بحاول اشوف في دول ثانية وارحب بأي مشاركة منكم أو تعليق
المهندس عبدالغني يوتيوباته سريعة ومفيدة