يوتيوبيات البناء .. مقاطع تثقيفية متجددة

[معماري قطري]

اللي حاب يشوف نظام التمديدات الأمريكية للصرف يدخل .. هنا زحمة مباني والارتداد قليل لذلك دخلها تحت البيت لكن عندنا مع الارتدادات الموجودة النظام أسهل

[معماري قطري]

حقن التربة بالاسمنت والرمل لتقويتها ولسد الفجوات والدحول داخلها .. الدحول منتشرة عندنا في قطر ويواجهونها في الطرق والأنفاق .. الطريقة بسيطة وسهلة تبدو لي وغير مكلفة ( يفترض) وأكيد مهمة لبعض الأراضي الضعيفة بناءً على تقرير التربة .. الفيديو طويل بس مهم للمقدمين على بناء بيسمنت

[معماري قطري]

[معماري قطري]

[معماري قطري]

بعض الناس يفتون فتاوي خاطئة مثل هذا كلامه صحيح جزئياً بس أكيد هذي الوصلة تحتاج نعاملها كجزء طاير حتى لو ثبتناها من الجنبين نقدر نفترض إن التثبيت يكون تجميلي فقط للشكل والا الحديد الطولي ممكن نقصه وأكيد كله بحسابات هندسية

التقوية المفروض تعتبر حديد علوي لأن التقوس لو حصل بيكون من الطرف الغير متصل لأسفل لذلك نقوي الجزء المشدود واللي بيكون أعلى الخرسانة المصبوبة والمحملة على الجسر الجانبي .. ضروري نكشف حديد الجسر ونلحم معاه الحديد الجديد وأكيد كله بحسابات انشائية

[معماري قطري]

[معماري قطري]

ما شفنا المخططات ولا عرفنا الصورة الشاملة .. تفسيرها في رأيي فتحة معينة لغرض نافذة أو فتحة تمرير خدمات ومؤكد محتاج لها المقاول وفي التصميم أساساً .. مرة عملت قبة خرسانية وركبت فلين مكان فتحات النوافذ

[معماري قطري]

شيء مهم أول مرة اعرفه وهو إن التركيب للصرف الصحي بالرابر جوينت أفضل .. يبي لي اتعمق فيه أكثر

[معماري قطري]

طريقة حلوة لمعرفة الميلان ( السلوب ) حق أي تمديد نحتاج فيه لسلوب معين

[معماري قطري]

في الفيديو السابق يتكلم عن التجمد وهو غير مهم لنا وغالبية الوصلات ملصوقة بغراء وأعتقد اللي تابعناه بالوصلة الربر فوق يعتبر تسويقي أكثر منه أساسي