تصميم وبناء عالي التقنية في كندا يستحق المتابعة
|
تصميم وبناء عالي التقنية في كندا يستحق المتابعة
حل رخيص ومفعوله بسيط ما يسوى .. تكنولوجيا الزجاج وطبقاته هي اللي تعطي عزل مناسب وبحسابات المفروض ودراسات وضمانات محددة .. بعض الزجاج المزدوج يجي مطلي بمادة شفافة من داخل لا تسمح بدخول بعض أطياف الأشعة الحارة .. الغاز لو حقنت بنوع خامل منه له تأثير قوي في العزل الحراري والصوتي كذلك ويعطينا ضمان إن الفراغ بين الزجاج ما فيه رطوبة وبخار ماء ممكن يتكثف من التكييف أو وقت البرد
للأمان ممكن نوعيات البلاستيك السميكة تكون فعالة بس بشرط منتج جيد ما يخترب مع مرور الوقت
ما ادري اذا هالمقطع موجود في الموضوع واحياناََ ما ودنا نقطع سياق الفيديو إذا تعلق بموضوع واحد.. لكن بصركم
اللهــــــم ارحم أخي فايز واسكنه فسيح جناتك وسائر أموات المسلمين
سبقتني كنت فاتحه باشوفه وباعلق عليه وباحطه .. بالعكس حتى لو موجود وتكرر ما يضر يا بو زيد وباشوف شفيه وباعلق لو عندي تعليق وأتوقع كلامه صحيح .. يمكن اضافتي إن البلاستر منه نوعيات كثيرة وحتى تشكيلات كثيرة ولها عدة تسميات وخلطات وأوقات بمواد خاصة وأصباغالمشاركة الأصلية كتبت بواسطة سالم الزهران
اللي ذكرها كلها طرق وزن البلاستر أو اللياسة لكن ما تعتبر أنواع
لا ينصح بالنوع المعزول كهذا لسبب وجود جسور حرارية كثيرة تمثلها مونة التركيب وكذلك الجسور الخرسانية سريعة نقل الحرارة خلالها والمفروض في العزل كنظام يكون العازل متصل ومغلف الخرسانات والطابوق .. تبقى الفتحات من نوافذ وابواب وهذي طرق معالجتها تكون بالطبقات الزجاجية والتجويفات ونوعية الفريم وسمكه والحجرات أو الفراغات فيه وسمك جدرانها وإذا وجد فوم في الفريم أو أي مادة عازلة .. من عوازل النوافذ كذلك طبقات الستائر تعتبر هي الأقوى وكذلك نظام الاغلاق وعدم نفاذية الهواء
معك حق وكون المواد مالت اللياسة محددة عندهم فهو يتكلم عن انواع طرق التنفيذ.. انا بختصرها في خطوتين (جودة مواد وتحضيرها ومنها نوع الماي، ومهارة عامل اللياسة). باقي ما بقي تعتبر مشاكل وحلول ربما ما تكون واردة.
ادري كلامي يشبه كلام المقاولين هههه مب هندسي
اللهــــــم ارحم أخي فايز واسكنه فسيح جناتك وسائر أموات المسلمين
شكلك متابع جيد هنا وعلى اليوتيوب هذي الكلمة أمس كتبتها في اليوتيوب وكتبت دجل هندسي وكنت صادق لأن البعض يغتشون خصوصاً في مسئلة العزل الحراري والعوامل اللي تدخل فيه
شفايدة إني استعمل قطعة طابوق عزلها كوحدة وحدة مسكت في المختبر لكن عزلها في نظام الجدار فيه فجوات كثيرة تمثل ممرات حرارية سهلة مثل المونة بين الطابوق تقطع العازل ومثل الجسور والارضيات اللي تكون مثل الرديتر الحار تنقل الحرارة والبرودة وقت الشتاء للداخل
لو تحسبها كمساحة بتحصلها وايد أكبر من الداريش والدرايش لها طرق عزلها اللي تعادل نفاذيتها للحرارة والبرودة من أهمها طبقات الستاير وكذلك إغلاقها المصمت بربلات جيدة وما تنفذ الهواء للداخل
في الدول الباردة لاحظوا تعفن الزاوية العلوية قرب السقف سواء سقف جبسي أو عادي والسبب وقت البرد البرودة تسري في الجسور والزاوية هذي تكون أبرد شيء يتكثف عليها بخار التنفس وتنبت طحالب فطرية على الجدار من الرطوبة .. هذا ممكن يحصل عندنا بدرجات أقل عندي تستوي هذي المشكلة من التكييف تبرد الدرايش من داخل وتتكثف عليها الأبخرة وتنزل على شكل رطوبة بسيطة وقليلة على قاعدة الدريشة أو الجدار أسفلها وتسبب نفس السواد هذا خصوصاً في غرف النوم الليل الدرايش تبرد من داخل ونكون أوقات مبندين مكينة شفط الهواء في دورة المياه وما يتجدد الهواء بس استوينا نخليها شغالة طول الليل نبندها شوي بعد الفجر والصبح نرجع نشغلها
ألحين فيه أجهزة بسنسرات تتحكم في مستوى الرطوبة في المباني وتزيل الرطوبة الزايدة .. الموضوع معقد بس متصل بالعزل الحراري
ضوابط المشاركة
رد مع اقتباس