يوتيوبيات البناء .. مقاطع تثقيفية متجددة

[معماري قطري]

لا هنت ان شاء الله ارجع له في الصباح والمخ رايق لانه الحين متنح

صعب ينفهم بو زيد للي ما درس أساسيات الهندسة بس باشرحه لك بشرح مبسط .. أي عنصر انشائي له انحناء متوقع قبل يفشل أما على فوق أو تحت حسب موقعه والثقل اللي مأثر عليه .. لو حنيت قطعة بلاستيك أو حديد الجزء الخارجي تستوي فيه استطالة وشد لسطح الحديد والجزء الداخلي تستوي فيه تقصير وضغط على سطحه .. الخرسانة المسلحة تتكون من خلطة الاسمنت واللي هي قوية في الضغط وفي الشد قوتها بسيطة جداً .. ومن الحديد اللي هو قوي في الشد .. حسابات الانشاء دوم تكون مبنية على هذي النظرية تحط الحديد وين ما يكون فيه شد في العنصر

[معماري قطري]

في حالة الجسر البسيط فوق العمدان مثبتينه وقرب العمود يتعرض لشد من فوق لمسافة تقدر بربع المسافة تقريباً بين العمودين .. الجزء الوسطي ينحني لأسفل لذلك يحتاج تقوية من أسفل حسب حسابات بعد تسمى العزم أو العزوم .. من القوى المهمة بعد قوة القطع .. شير فورسز Shear forces وهذي تكون مركزة قرب العمود ولها احتياطات وتقوية بما يسمى الكانات أو Stirrups وهذي اللي تحوط الحديد ويكون حديدها اقل سمك بكثير .. الحسابات ألحين تسهلت بحاسبات خاصة صغيرة مبرمجة بكل القوانين أو برامج كمبيوتر .. وأكيد كسل منا ما تعمقنا في هذا المجال ويمكن ولا قطري متخصص ويشتغل فيه مع إنه مع الممارسة يستوي سهل جداً

[معماري قطري]

شغل رفيجنا ممتع واحنا متأخرين وراه .. هنا يحدد مكان الحوائط بالضبط حسب المخططات على الطبيعة

[معماري قطري]

[سالم الزهران]

صعب ينفهم بو زيد للي ما درس أساسيات الهندسة بس باشرحه لك بشرح مبسط .. أي عنصر انشائي له انحناء متوقع قبل يفشل أما على فوق أو تحت حسب موقعه والثقل اللي مأثر عليه .. لو حنيت قطعة بلاستيك أو حديد الجزء الخارجي تستوي فيه استطالة وشد لسطح الحديد والجزء الداخلي تستوي فيه تقصير وضغط على سطحه .. الخرسانة المسلحة تتكون من خلطة الاسمنت واللي هي قوية في الضغط وفي الشد قوتها بسيطة جداً .. ومن الحديد اللي هو قوي في الشد .. حسابات الانشاء دوم تكون مبنية على هذي النظرية تحط الحديد وين ما يكون فيه شد في العنصر

جزاك الله خير. دايم تقدم لنا المفيد.. لاهنت يا ابا عبدالله

[معماري قطري]

جزاك الله خير. دايم تقدم لنا المفيد.. لاهنت يا ابا عبدالله

ولا تهون يا اخوي

كل قوانين الانشاء بسيطة وكثيرين يمارسونها بالحس وبالفطرة .. شيابنا قبل كانوا ما يبنون في وادي ولا في أرض طينية ودوم يوجهون بيوتهم جنوب وقليل شرق وقصدي ببيوتهم غرفهم واطلالتها للاستفادة من الشمس والابتعاد عن التيارات الهوائية القوية .. التأسيس في العالم كله كان بقطع حجر كبيرة وصلبة واللي زار مدن اوروبا القديمة لازم لاحظ القطع الحجرية الصلبة اللي في أسفل الجدران وبروزها قليل جهة الشارع وفوقها حجارة أخف وجيرية في الغالب لتخفيف الوزن ولعدم الحاجة للصلابة الصلابة مطلوبة تحت وفي اتصال المبنى مع الارض والرطوبة والثلج .. كانت العمارة تعتمد كثير على الفن والخبرة والمهارة اليدوية

في تركيا القديمة بنوا قصور ومساجد قبب فوق قبب بدون اسمنت وبدون حديد .. معتمدين قليل من الحسابات وكثير من الفن والتقدير الهندسي .. الكنائس كانت تبنى بجدران سميكة وبعضها بأقواس خارجية أو أنصاف أقواس تدعم الجدران السميكة أصلاً حتى توازن ثقل السقف ودفع الأقواس النص دائرية الجانبي وهذي كثير تطيح وانهيارات مفاجئة .. المسلمين طوروا الأقواس المسننة اللي تنزل الوزن لعمود ضعيف بدال ما نص الوزن يروح جانبي في حالة القوس الدائري .. قدروا يسوون أعمدة معصقلة مقارنة بالأعمدة الضخمة اللي يسوونها الغرب وابهروهم بهالشيء وكله بحسابات هندسية وبعلم أكثر منه فن وممارسة

مع مرور الوقت وأخذ راية العلم من قبل ذيك الدول استووا كل وقت يطلعون لنا بشيء جديد يبهرنا احنا .. حتى القزاز سووا منه جسور ينمشي عليها .. حتى الخرسانة حسنوا منها نوعيات للاستخدام النووي ولتحت الأرض بدون عزل ولا تسريب والحديث أكيد يطول

[معماري قطري]

شغل غير مقبول ببساطة

[معماري قطري]

[معماري قطري]

[معماري قطري]

هنا التصميم فيه كثير نواقص .. لا تأثيث ولا انارة صناعية ولا كهرباء ولا تصميم سقف .. السقف والحوائط والأرضية نفس الشيء وفي الواقع ما يصير وصعب أو مستحيل يتطبق نفسه .. بس يراوينا الفراغات وتأثير النور الخارجي والحديقة