يوتيوبيات البناء .. مقاطع تثقيفية متجددة

[معماري قطري]

وهذي الحلقة الثانية

[معماري قطري]

طريقة أفضل والجزء السفلي يتغطى بعازل مناسب ويابس أكثر هذي .. وكلها عروض لشركات مختصة .. بنفس الطرق ذي وحتى بطرق التركيب إحنا نقدر نركب ألواح السيبوريكس وهي صلبة كفاية وممكن ننعم سطحها ونستعمل برايمر مباشرة وصبغ بدون بلاستر

[معماري قطري]

تغطية للواجهات بمواد بلاستيكية مقاومة وقوية واللون ما يتغير

تعطي نسبة عزل معقولة وممكن ينحط العازل تحتها لو نحب ونركب قواطع تثبيت خشبية أعمق

في بعض الدول تنعمل نفس الطريقة بالخشب والمسامير بس بيكون مكلف وما يناسب لكل الأجواء

[معماري قطري]

منازل حديثة عجبتني .. أتساءل فقط حول كثرة استخدام الزجاج حتى لسور السطح لكنه عنصر جمالي وساتر مع السماح لمرور أشعة الشمس ويكون ممكن لنا نزرع فوق السطح

[معماري قطري]

وهذا لتصميم غرفة المكياج .. ومن رأيي عمل هذي الغرفة كممر تنفتح عليه غرفة ملابس بباب ويوصل للحمام أفضل .. صحيح هنا كبيرة وفيها أماكن تخزين كثيرة بس نحتاج للسعة الأكبر في غرفة الملابس وغرفة المكياج ممكن تكون أصغر بحدود ربع مساحة غرفة الملابس المغلقة لأن المجوهرات تكون هناك ومقفول عليها أو الباب ببصمة أو رقم سري حتى يقفل وقت التنظيف .. تبقى منطقة التسريحة أصغر وملمومة ببعض القطع اللي تحتاجها صاحبة البيت

هذي ببساطة طلعت كثير وكأنها محل بيع مكياج

[معماري قطري]

تصميم بسيط ناقشنا شبيه له في موضوع مراجعة التصاميم المعمارية .. بس فكرة السكايلايت والحديقة تحت والفتحة في أرضية الأول بتضيق الممر كثير خصوصاً لو عرفنا بأن البنيان هذا اقتصادي وعرض الدرج فيه بحدود مترين صافي .. يمكن نحتاج أقل شيء لمترين ونص لثلاث أمتار كعرض للمحور الوسطي وبتكون الحديقة الداخلية ليست الممر الرسمي والممر بيكون من خلال صالة الطعام المفتوحة في اليمين .. صراحة ما بين لي عرض الممر بس أكيد نحتاج مساحات زجاجية خصوصاً للمدخل ونحتاج 3 أمتار صافية لصالة التلفزيون فوق لذلك نوازن بين تصغير الغرف حتى تكون مناسبة قدر الامكان لسرير وممر جدامه وتكبير الممر لحدود 3 متر

[معماري قطري]

قريت عن الفرق من خلال قراءتي لكتاب تصميم داخلي وشرح المهندسة وافي وكامل ما قصرت .. فني أو من يطلقون على أنفسهم مهندسين ديكور ذيلا مختصين في شغلة معينة بس وتركيزهم في اتجاه واحد .. لكن مهندس التصميم الداخلي يجي دوره من بدايات تصميم الحيز المعماري ويتدخل في حيثيات تصميم الاضاءة والتأثيث ومجال الحركة واتجاهات الرؤية .. حتى نقدر ندخل في النظام السمعي والعزل الصوتي ونظام التكييف

[معماري قطري]

تعديل لتصميم سيء .. كنت اتمنى يكون منقول بوضوح أكثر من كمبيوتر وبرسم واضح لكن الفكرة حلوة وزاد موقفين للسيارات وكان ممكن يزيد ثالث جنب اللي صوب المجلس

[معماري قطري]

عرض لتصميم حلو وصغير .. عندنا يمكن الارتداد يفرق كثير لكن الأرض هذي صغيرة ومستطيلة

المهندس المعماري المتمكن يقدر يسوي هذا السكتش السريع والواضح في خلال ساعة حسب قدرته واتقانه للرسم اليدوي وهذا ما يجي الا بتدريب متواصل

حبيت المقطع السريع والعرض والتصميم

[معماري قطري]

عرض لنوعيات بورسلان حديثة مع أسعارها وهذي غالبيتها متوفرة في سوقنا المحلي وبعضها أكثر جودة ونوعيات أرقى .. يبقى التركيب هو الأهم



بالنسبة للفل بودي والكلر بودي هو وضح نقطة مهمة لكن الأهم معامل الكحت أو Mohk دغري وهي درجة تتدرج من 0 الى 10 صفر للطبشور و10 للألماس .. لأن مشكلة البورسلان الصيني غالبيته الشيفة شيفة والمعاني ضعيفة .. تجي طبقة التزجيج أو الطلاء بسيطة ومن مواد تتغير وتنكحت وبعضها ضارة وسامة وغبارها يسبب مشاكل خطيرة

طبعاً القصة المستقيمة جيدة حق زيرو جوينت لكن تركيبها يتطلب خبرة كبيرة ودقة في وزن مستوى البلاطة .. 1 ملم ارتفاع من طرف تحس به أثناء المشي وتحتك الزاوية القائمة في أي شيء يضرب فيها .. المشطوفة 45 درجة هذي تركب بفاصل خفيف غير مرئي وممكن نعبي الفراغ بنوعية قراوت مرن حتى يسمح بالتمدد والانكماش أو نستخدم فواصل تمدد أو نخلي فواصل التمدد في الأطراف تحت النعلات لو عندنا مساحات صغيرة .. على سبيل المثال 6 في 6 الفواصل في الأطراف تمشي حتى لو 6 في 8 لكن لو عندنا 6 في 12 يستحسن نسوي فاصل تمدد ربر في وسط الطول 12 يقسم البلاط لكتلتين

طبعاً الأرضية دوم انا اعتبرها مؤسسة صح وعبارة عن خرسانة