نقاش مهم حول مشاكل البناء
انا مقتنع بهذي الطريقة في الصرف وفي تصريف المطر البايبات كلها مخفية في الجدار ومخفية تحت الأرض بس عندنا في قطر خايفة البلدية على الشوارع وتفضل حفر حفرة امتصاصية يتحول عليها ماي المطر ويغرق أرضية البيت مع العلم بعض المناطق سووا فيها تصريف أمطار
هذا سؤال مهم وبالنسبة لبلاد مثل السعودية ممكن الإجابة مناسبة لكن لنا في قطر رأيي إن إستغلال الأرض أفضل إستغلال هو الأهم لغلاء سعر الأراضي وندرتها ولأن الملاحظ أن العائلات الصغيرة تعيش سعيدة فيما يسمى بيت العمر إلى أن تكبر العائلة قليلاً .. اللي يصير العيال والبنات كلٍ يبغي غرفة مستقلة .. السيارات تزيد ونحتاج لمواقف كافية لها وداخلية أكيد أفضل من خارجية لتغير الظروف وكثرة السرقات .. لو عاملين بنتهاوس ما نستفيد منه ممكن أحد الأبناء أو البنات المتزوجين حديثاً يستغله كسكن له لفترة قد تكون طويلة
لذلك اللي بيبني يركز لو يقدر يعمل بنتهاوس يكفي لشقتين لإبنين أفضل من واحد والتكلفة تكون بسيطة لأن ممكن يخلي تشطيب البنتهاوس بسيط .. البيسمنت حل قد ما نقدر نتفاداه بس أوقات لو ما فيه مفر منه مضطرين نعمله بتخطيط بعد مناسب
تبرير المهندس وعنوان الفيديو شوي مستفز .. رأيي اللي تقدر تسويه اليوم بمليون تسويه بعد كم سنة ممكن بمليونين وهذا ينطبق على أي مشروع والفارق هو الإدارة الهندسية الناجحة .. وهذا حتى عندهم في السعودية .. بالنسبة للبنيان إن بنيان اليوم ممكن غير هذا صحيح بس البنيان سهل تجديده في أي وقت لو كان مبني بطريقة مناسبة وجيدة وعمره الإفتراضي طويل