هذي طريقة بسيطة لعمل ميلان للأسقف بسيط جهة قناة تصريف المياه بدون عمل سكريد وشغل زيادة وأثناء صب السقف .. عيبها صعوبة ضبط الميلان .. وبنفس الوقت ممكن نحتاج نسوي عدة سلوبات ومجاري للمياه وفي عدة إتجاهات
|
هذي طريقة بسيطة لعمل ميلان للأسقف بسيط جهة قناة تصريف المياه بدون عمل سكريد وشغل زيادة وأثناء صب السقف .. عيبها صعوبة ضبط الميلان .. وبنفس الوقت ممكن نحتاج نسوي عدة سلوبات ومجاري للمياه وفي عدة إتجاهات
شي جيد انهم يضبطون ميل الصبية نفسها، لكن البلاط نفسه (الطبقة النهائية) لازم تضبط ميولها والا بيضيع هذا الشغل اللي اشوفه (تسهيل على المبلط فقط).
والمساحة اذا واسعة الافضل يكون فيه أكثر من ميول ولا ادري اذا كان وجود اكثر من ميول ايجابي او سلبي رغم اننا نسويها على طول.
اللهــــــم ارحم أخي فايز واسكنه فسيح جناتك وسائر أموات المسلمين
ايجابي اخوي بو زيد .. إنتوا طريقتكم تحطون بلاط وأعتقد أفضل وأضمن إحنا سكريد إسمنت وفيه طريقتين اللي في الغالب ماشين عليها دبل سكريد وسنغل سكريد الدبل سكريد أفضل وشوي أغلى .. أول شيء ينحط سكريد حسب السلوبات وبسمك يبدأ من 4 سم في أنزل نقطة ويرتفع حسب السلوب هذا السكريد يكون برمل ناعم وبدون أي شوائب تثقب العازل .. بعدين تنعمل طبقات الرول ويعالج مكان الأطراف معالجة غير مع جزء يكون مرمل حتى يقاوم الشمس ويكون الجزء الطالع في أعلى التقاء سور السقف مع السقف وينعمل له حفر بسيط في البلاستر يدخل فيه أو يتثبت ببراغي وقطعة ألمنيوم
وفوق العازل تجي مادة حامية مثل الغشاء الأبيض يمرر الماي ويكون ناعم حتى ما يتأثر العازل وفوقه يجي العازل الحراري وفوقه بلاستيك حماية وبعدين السكريد الأخير ياخذ سلوب السكريد الأول
السنغل سكريد غير وما يسوى ولا اشجع عليه .. ينظفون الأرضية من المسامير والحجارة البارزة ويحطون فوقها البتومين والرول ويكملون الطبقات بس يركبون طبقة أخيرة بسلوب
المشاركة الأصلية كتبت بواسطة معماري قطري
والله خوش
منها بعد انه يخفف الاحمال ع الصبه .
صراحه لايك كبير اوى
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
الأحمال ولا شيء إخوي سعود وطريقتهم في السعودية حتى لو سووا السلوب بصبية السقف بعده يركبون الرول العازل ويحطون دفان وسكريد وبلاط يعني الحمل بيكون موجود .. عندنا وعندهم بيخف شيء بسيط في حال كنا مقررين نستعمل نظام الدبل سكريد بيكون سكريد الميلان من ضمن الصبية ولو اللي يشتغلون فنانين ما استبعد يقدرون يسوونه في كم اتجاه وبعدة سلوبات .. ضروري تكون الخرسانة ناعمة أو تنعمها بعدين أو تحط عليها طبقة أساس ناعمة تغطي أي خشونة فيها وتعمل باقي السلوبات في الأطراف الجزء المثلث وقرب فتحات التصريف بطريقة يدوية وبلاستر أو خلطة خرسانية يدوية .. العملية كلش مب صعبة سهلة بس تحتاج تفاصيل كثيرة
حتى لو تبغي تسوي تبليط وتسويه بدون أي سلوب تقدر تركب قواعد فيه معدنية وفيه ربر يركب البلاط عليها والمطر يتصرف بين البلاط والعوازل تحت محمية ويمر الماي لين فتحات التصريف اللي هي أنزل شيء ويكون عندك سقف جميل تمشي عليه والميلان 0 وتكون عندك طبقة مهواة ومغطاة ومفصولة عن عوامل الطبيعة وتعطي عزل إضافي وتكون عندك سهولة عمل الصيانة وفتحات الصرف مغطاة كذلك ما تبين
كذا السالفه !!!
عجل ليش يسون صبيه مايله وبعدها سكريد
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
ما فهمت سؤالك ولا اعتقد يسوون صبية مايلة وفوقها سكريد .. الأسقف المايلة في العادة ينحط عليها قرميد وهو بنفسه يصرف الماء وغير منفذ له وتحته يحطون بيتومين صبغ
ضوابط المشاركة
رد مع اقتباس