ما ممكن نستخدم h بيم لتدعيم السقف ؟
مجرد سؤال و من خبرتك نستفيد اخوي معماري
اعتقد الطريقة اللي في الفيديو مكلفة و تحتاج دراسة و عمالة فنية عالية للتنفيذ
|
ما ممكن نستخدم h بيم لتدعيم السقف ؟
مجرد سؤال و من خبرتك نستفيد اخوي معماري
اعتقد الطريقة اللي في الفيديو مكلفة و تحتاج دراسة و عمالة فنية عالية للتنفيذ
ممكن وبليت حديد وحتى خشب لبعض السلابات البسيطة وشبكها ببراغي قوية أو حديد ملحوم مع الأبيام بس المشكلة الشكلالمشاركة الأصلية كتبت بواسطة Aozomblue
مهم أثناء صب الخرسانات أن تصب قدر الإمكان على دفعة واحدة .. يعني للأساس يصب الأساس مرة وحدة وممكن صب كل أساس على حدة لكن ما نصب نص أساس ونكمل الصب ثاني يوم وكذلك العمود .. الأرضيات تصب مع الجسور خلال دفعة واحدة وبدون اضافة ماء وباستعمال الرجاج وبطريقة متوازية فلا نصب زاوية ونملأَها فيختل توازن الفورمات فتسقط الصبية
زيادة الماء تضعف الخرسانة كثيراً وأهم عامل هو نسبة الماء للاسمنت تطلع لنا 0.45 وحولها وتوجد جداول تتبعها شركات الردي مكس لكل نسبة وتضبطها ولو العمال أظافوا ماء أو ثلج كثير لتبريد الخرسانة يخربون هذي النسبة .. ونعرف تماسك الخرسانة مبدئياً من اختبار القمع وباحاول احط له فيديو
هذا فيديو لعملية الصب
لمعرفة كيف نشأت عمارة الطرق وتخطيطها الجيد اليكم هذا الفلم الوثائقي من سنة 1969 .. كنت وقتها توني 5 سنين في أول ابتدائي في مدرسة عين خالد وكان طريق سلوى مسار في كل اتجاه بدون رصيف بينهم
استملكوا أراضي ومباني ب 9 ملايين وقتها واستعانوا بمهندسين من أمريكيا والطريق في استراليا
أحد الإخوان سئلني عن طريقة تركيب غرانيت خارجي للحوش .. الغرانيت صحيح صلب لكن التمددات الحرارية تخليه يتكسر وينقشع من مكانه لو ما عملنا فواصل تمدد .. واللي يشوف ساحة مدخل فيلاجيو صوب المطاعم فيها هذي المشكلة .. وحسبة فواصل التمدد سهلة ناخذ سمك البلاطة بالمليمتر وبما يساويه بالمتر نسوي فواصل تمدد في الاتجاهين
لو عندنا سمك الخرسانة تحت البلاط 12 سم نحتاج لطول حول 12 متر .. لكن البلاط قطع صغيرة وتقاوم التغيرات الحرارية أكثر لذلك ال 1.2 سم نحتاج لها 12 متر طولي في الاتجاهين
هذي طريقة ازالة واعادة تركيب فاصل التمدد في الخرسانة وبالنسبة للبلاط نفس الشيء .. يستحسن الفاصل يكون واحد للبلاط وللتأسيس تحته ويكون فيه واير ربر قابل للانضغاط وفوقه العازل المطاطي حتى شكله يطلع جيد .. هذي الفواصل تحتاج لتصميم وصعب تنعمل بسهولة وتكون 100% فعالة وبعض الاستشاريين يجيدونها ومهمة للحوائط الخارجية ( أسوار البيوت ) وللمباني اللي يزيد طولها عن 30 متر نحتاج نقسمها بفاصل بناء وتمدد بحيث يكون المبنى متكون من قطع منفصلة تماما بفاصل التمدد وفي هالحالة يسمى كونسترآكشن جوينت أو فاصل بناء ويعمل في نفس الوقت عمل التمدد .. يكون الفاصل أعرض وتتم تغطيته بطريقة غير
للحوش هذا الفاصل
الكثيرون يسئلون عن طريقة تركيب البورسلان وهي كذلك مناسبة لتركيب كل الأرضيات .. وهي على أرضية خرسانية وتكون موزونة باستواء البلاطة تحتها وهنا زيادة في الاحتياط نشوف كليبات بلاستيك تقص بعد التركيب تساوي سطح البلاطات
إخواني وأخواتي مقاطع اليوتيوب وايد وكثير منها دعائية ومب شرط صح
أختار الأفضل مع الشرح والتوضيح على سبيل المثال هذي الطريقة المنقولة هنا خاطئة ولا لها داعي .. نستعمل لزقة جيدة وبالمشط المربع وما فيه داعي نحط مونة من طبقتين واسمنت عادي والقصة اللي يذكرها الباشمهندس كلها .. هو الله يهداه دخل القديم في الحديث .. وبما إن الأرض مستوية واللاصق اللي بنحطه معروف سمكه فالبلاط تلقائياً يكون مستوي والفرق يتضبط بسهولة بالمطرقة المطاطية .. الفروقات على طريقته تكون أكبر والمونة اسمنت عادي ما فيه قوة ليمسك البلاطة مع الأرضية
شرح مبسط عن طريقة فاصل التمدد وشلون نحسبه .. وفي النهاية المساحات الغير منتظمة نقدر نسوي الفاصل في نقاط اتصالها .. وبعض البلاطات أصلاً الفاصل يكون موجود بين بلاطة وبلاطة
أُعجوبة هندسية صارت في مكتبة الاسكندرية وما ادري المهندسين اللي صمموها مصريين أو غيرهم .. كانت في عمل هذا المبنى الضخم بدون أي فاصل تمدد
مكتبة الاسكندرية شيدت من قبل المقاولون العرب وشركة ايطالية
لكن التشطيبات كانت من شركة بالفور بيتي الانجليزية ..
غـفـوت بـأمـان وحــولــي رفــاقــي . . واســتـيـقــظــت، فـلـم أجــد حــولــي سـوى الــذّئــاب.. لا أعــلم هــل أكــلـت الـذّئــاب رفــاقــي، أم أنّ رفــاقــي تـحـوّلـوا إلــى ذئــاب ..!.
مشكور اخوي بن غيث على المعلومات الطيبة .. بس الاستشاري المصمم هو المهم وهو اللي مصمم المبنى بهذي الطريقة .. ولازم فيه سر أو فيه وصلات خاصة والاعتقاد المنتشر خاطيء .. ببساطة يستحيل مبنى ضخم ينبني كتلة وحدة لازم فواصل بناء ولازم فواصل تمدد ولا بتحصل الشلوخ فيه على مستوى
مرة شفت صالة رياضية فيها منتشر النمل الأبيض وماكل بلاستيك الأرضيات وكان في الموقع مهندس استشاري شيبة انجليزي .. هو راواني من وين تدخل الأرضة لأن لازم هذي الوصلات ينعمل لها اغلاق وصيانة دائمة بالمواد الضرورية .. البريد عندنا مبناه مقسم لعدة قطع بفواصل بناء + فواصل تمدد بس ما سووا له صيانة سنين واستوت تسرب ماي ووصل الماي لحديد التسليح وسوى صدأ وكراكات كبيرة .. عندي احساس إنهم بيهدمونه قريب
ضوابط المشاركة
رد مع اقتباس