يوتيوبيات البناء .. مقاطع تثقيفية متجددة

[معماري قطري]

اشتغلت 25 سنة في الانشاءات لكن عمرنا ما سوينا اختبارات للدفان مع كل طبقة .. صحيح الدك على طبقات ودفان في الغالب مستخرج من ناتج الحفر بعد الغربلة وازالة الأحجار الكبيرة والاشراف والمتابعة تكفي وتضمن لنا إن الهبوط مستبعد .. والكلام عن منشأءات كبيرة وكانت الطبقات بارتفاع 15 سم كمبالغة بسيطة لضمان الجودة

في رأيي 30 سم كافية بشرط تنكتب واضحة في العقد ويشرف على تنفيذها .. يعني يحدد المقاول مستوى ال 30 سم ويدفن لهذا المستوى بعد ما يجيب شبك الغربلة ويغربل بشيول ميكانيكي .. ثم يدفن بشيول أصغر وممكن يمر على الجسور بدون ما يكسرها وهذي كذلك تحدد في العقد بوضوح .. بعضهم يستخدم الشيول الكبير ويكسر الجسور وروؤس الأعمدة

[معماري قطري]

شغالين في عمارة قديمة عمرها 200 سنة في بوستن وبوستن باردة وتحتاج عوازل جيدة .. القواطع الداخلية كلها خشبية وسهلة التعامل معاها خصوصاً في التمديدات

[سالم الزهران]

اشتغلت 25 سنة في الانشاءات لكن عمرنا ما سوينا اختبارات للدفان مع كل طبقة .. صحيح الدك على طبقات ودفان في الغالب مستخرج من ناتج الحفر بعد الغربلة وازالة الأحجار الكبيرة والاشراف والمتابعة تكفي وتضمن لنا إن الهبوط مستبعد .. والكلام عن منشأءات كبيرة وكانت الطبقات بارتفاع 15 سم كمبالغة بسيطة لضمان الجودة

في رأيي 30 سم كافية بشرط تنكتب واضحة في العقد ويشرف على تنفيذها .. يعني يحدد المقاول مستوى ال 30 سم ويدفن لهذا المستوى بعد ما يجيب شبك الغربلة ويغربل بشيول ميكانيكي .. ثم يدفن بشيول أصغر وممكن يمر على الجسور بدون ما يكسرها وهذي كذلك تحدد في العقد بوضوح .. بعضهم يستخدم الشيول الكبير ويكسر الجسور وروؤس الأعمدة

عندنا زملاء شغلتهم ترجمة و اشوفهم احياناً يستخدمون عبارات بالعربي مثل مواد ردم ؟ مواد ردم مختارة ؟ فاذا سألته ليش تكتبون (مختارة) مثلاً، لأن العقد بشكله القانوني مسؤوليتنا،، لكن الترجمة يلتزمون أحياناً بالحرفية وكلمة (مختارة) تختلف عن (مختبرة) وتختلف عن (مستجلبة)، فعند الرجوع للمترجم يبين لك انه صار مهندس و عارف شلون ينبني المشروع بكافة تخصصاته ! صرت اقولهم يالربع انتم نظرياً استويتم مهندسين، في النهاية المقاول والاستشاري بيتفقون على شكل المشروع وبيتفقون على تعديلات معينة ولا فيه اكثر من اعذار المقاول .

تقدر تقول اللي يشتغل من ضمير قليلين جداً.

[معماري قطري]

عندنا زملاء شغلتهم ترجمة و اشوفهم احياناً يستخدمون عبارات بالعربي مثل مواد ردم ؟ مواد ردم مختارة ؟ فاذا سألته ليش تكتبون (مختارة) مثلاً، لأن العقد بشكله القانوني مسؤوليتنا،، لكن الترجمة يلتزمون أحياناً بالحرفية وكلمة (مختارة) تختلف عن (مختبرة) وتختلف عن (مستجلبة)، فعند الرجوع للمترجم يبين لك انه صار مهندس و عارف شلون ينبني المشروع بكافة تخصصاته ! صرت اقولهم يالربع انتم نظرياً استويتم مهندسين، في النهاية المقاول والاستشاري بيتفقون على شكل المشروع وبيتفقون على تعديلات معينة ولا فيه اكثر من اعذار المقاول .

تقدر تقول اللي يشتغل من ضمير قليلين جداً.

هي في الأساس مختارة .. ليش؟ لأنك تسوي لها غربلة وتختار الصالح منها وترمي الغير صالح كالحجارة الكبيرة والمواد العضوية كبقايا الخشب والأشجار والمواد الصناعية كالبلاستيك والمطاط لذلك تسمى مختارة أو Selective Earth Fill

[معماري قطري]

الإختبار شيء ثانوي وممكن ينشرط أو لا وله معايير أيضاً

عني انا مستحيل اتكلف واسوي اختبار لمعرفتي إن الشغل لو تم تحت نظري ما يحتاج اختبار وبيكون قوي كفاية

[معماري قطري]

أكيد الاختبار مهم لو عندنا ارضية مواقف كبيرة أو شارع له مواصفات خاصة وبتمر عليه شاحنات وتبغيه يبقى عمر طويل بدون هبوطات .. ذاك وضع يختلف .. مدرج مطار مثلاً هبوط سنتيمترات يعني كارثة .. وللمباني حتى نعوض ضعف التربة أو تخلل فجوات فيها نسوي خرسانة ثابتة عليها ونفتك حتى لو ضعفت التربة تبقى هي متماسكة وشايلة الحمل اللي عليها

[سالم الزهران]

هي في الأساس مختارة .. ليش؟ لأنك تسوي لها غربلة وتختار الصالح منها وترمي الغير صالح كالحجارة الكبيرة والمواد العضوية كبقايا الخشب والأشجار والمواد الصناعية كالبلاستيك والمطاط لذلك تسمى مختارة أو Selective Earth Fill

يعطيك العافية بو عبدالله ، فعلاً كلكم كمهندسين وتغلبونا هههههه

[معماري قطري]

يعطيك العافية بو عبدالله ، فعلاً كلكم كمهندسين وتغلبونا هههههه

التخصصات الهندسية دقيقة وحتى الكلمات اللي توصف بها عمل أو مادة لازم تكون دقيقة وبلغة مفهومة .. بعض اللهجات تخربها وتحولها للغة خاصة يفهمها القليلون ولها تأويلات كثيرة عند العامة

بدقة القياسات نقدر نعرف الشغل صحيح أو غلط وبمجرد النظر بس والحمد لله هذي خبرة اكتسبناها على مر السنين ودوم نحاول نتأكد حتى ما نظلم حد نرجع للكتب والمراجع شتقول ونرجع لبعض الممارسين شيقولون ونوصل لقرار

من أيام كلمني ولد عمي شاك في شغل الطابوق في بيته ورحت اشوف .. المقاول المالك صاحب الشركة من عيال عمي كذلك ومهتم ومتكلف في المواد بس اللي يشتغلون من قوم بص حضرتك مركبين الطابوق بمونة أُفقية بس بحدود 1 سم وهي قليلة وضروري تكون بين 1.5 و2 سم بالإضافة لمواصفاتها من رمل خشن بنسبة خلط اعتقد 1 اسمنت الى 2 أو 2.5 رمل خشن .. بعضهم يستخدم رمل طعوس أرخص وأسهل التعامل معاه وهذا كذلك غير مطابق .. في الراسي يركبون الطابوق بدون مونة نهائياً وبعد فترة يسوون تكحيل وهذي طريقة غش واضحة

كنت مراعي صاحب الشركة ومراعي كذلك المالك ومراعي الوصول للحقيقة وما اعتمدت على نظرتي بس .. اتصلت وشرحت الوضع لمهندس قديم مختص في الانشاءات قال لي واضح إنه غش من الشرح بس وبيتسبب في شروخ مستقبلية .. وطلبت المالك ينسق لزيارته وحتى يشوف معاه وشي المشاكل الثانية

الليلة التقيت اخو المقاول وهو مقاول ثاني مجتمع مع مهندسه وهو سوري قديم وكبير في السن بس حقاني وواضح وسئلته نفس السؤال .. قال شغل العرب سوريين ومصريين كله غش ويهمه يخلص سرعة .. أما الباكستانيين يحطون 2 سم مونة وأوقات أكثر وشغلهم هو الصح وأرسل لي فيديو لشغلة شركته تسويها عن طريق باكستانيين

[معماري قطري]

للمختصين اللي حابين يراجعون بعض التفاصيل الانشائية هذي للدرج وللي يبي يطلع ويستفيد كذلك

[معماري قطري]