كلام انشائي زبدته واللي ممكن أغفلوا الكلام عنه إن التصميم يفرض الإرتفاع ومتطلبات التصميم ومتطلبات المالك المبدئية .. بعض الملاك يغفلونها أو يترددون في البداية فيعمل الاستشاري حسابه على ارتفاع متعارف عليه وهو 3 متر وحولها .. وفي أمريكا بارتفاع لوح الخشب 2.44 متر حتى ما يصير تقطيع كثير وهالك وعملية متعبة
عندنا وصل الارتفاع المسموح ل 15 متر وهذا كافي لإرتفاع صافي لكل دور لو بنرفع الحوش 30 سم وأرضية الدور الارضي 30 بيعطينا باقي 14.4 لسور سقف البنتهاوس من الشارع .. ال 14.4 نشيل منها سمك الأسقف للأرضي والأول والبنتهاوس ولنفترضها 25 سم بمجموع 75 تعطينا الباقي 13.65 ولو حبينا نستغلها بالكامل وبالتساوي بتعطينا لكل دور 4.55 .. ممكن نقرر تكييف البنتهاوس سبلت عادي وارتفاع 3 متر صافي تبقى عندنا 1.55 نضيفها للدورين الأرضي والأول لو حبينا والا نرفع أرضية الأرضي لو حابين نتعب لدخول البيت بعتبات زيادة كل يوم
خلونا نفترض بنزيد الارضي والأول من ال 1.55 بنقول للارضي 5.55 بنحط متر زيادة و55 سم بنخليها للأول بيعطينا 5.1 متر .. وبتكون عندنا حرية نسوي جبس طبقات وتكييف دكت سبلت أو مركزي ويبقى لنا صافي ارتفاع مريح وشرح .. نسيت حاجة مهمة وهي سور سقف البنتهاوس أقل شيء يبي له 40 سم وممكن نمشيه ب 20 سم وهذي ننقصها من صافي ارتفاع أي دور نحب
|
رد مع اقتباس
المشاركة الأصلية كتبت بواسطة معماري قطري
