اللي ما يعرف الجسر المقلوب هو ضروري لأسوار السطح حتى ما تنفصل ويستوي كراك عرضي قبيح بين الخرسانة والطابوق وهذا الحديد ينصب عليه خرسانة ويكون هو الجسر المقلوب
|
اللي ما يعرف الجسر المقلوب هو ضروري لأسوار السطح حتى ما تنفصل ويستوي كراك عرضي قبيح بين الخرسانة والطابوق وهذا الحديد ينصب عليه خرسانة ويكون هو الجسر المقلوب
جزاك الله خير يبو عبدالله.. مقطع قصير وصور اللي يرش ماي اكثر من الجسر ومواصفاته.. الحين باقي لك كرت وتنحرم من المباراة القادمة
اللهــــــم ارحم أخي فايز واسكنه فسيح جناتك وسائر أموات المسلمين
قلت أعرفكم على الجسر المقلوب .. حق بيتي ركبنا قطع حديد رأسية بعد الصب والخرسانة ما نشفت وسوينا الجسر بدون حديد بالعرض بس الحديد المغروس والحمد لله ما صار فيه شيء .. الملحق ما سويت له نفس الطريقة مع إن سوره قصير صار فيه كراك بس بسيط وقت الصبغ تعالج وألحين ما يبينالمشاركة الأصلية كتبت بواسطة سالم الزهران
جزاك الله خير يبو عبدالله.. مقطع قصير وصور اللي يرش ماي اكثر من الجسر ومواصفاته.. الحين باقي لك كرت وتنحرم من المباراة القادمة
عقود البناء وجميع العقود الهندسية لو تبغي تحلها الحكومات تعمل مكاتب تدقيق وتوثيق لهذي العقود ولا تمشي بدون التوثيق .. وأثناء التوثيق يتم وضع البنود العامة كمتطلبات للدولة ويتم التأكد من صلاحية رخصة المقاول وقدرته على التنفيذ .. كذلك يتم حصر المشاريع اللتي ينفذها المقاول في الوقت الحالي ولو زادت عن حد معين لا يتناسب مع العمالة الموجودة لديه يمنع من الرخصة لهذا العقد
العملية تحتاج تقنين ومتابعة من الحكومة وهذا اللي مخلي الشغل يمشي صح في الدول الغربية وعندنا لا لأن العملية محكومة بناس تهمهم تجارتهم ولا يهمهم اعطاء كل ذي حق حقه
الطريقة الصحيحة لبناء القواعد مع رؤوس الأعمدة
1) لازم توزيع الحديد يكون بطريقة مقاربة لهذي لكن قطر الحديد وعدده يحدده التصميم الانشائي
2) الكانات أو ما يسمى ب Stirrups توضع متقاربة كلما اقتربنا من الثلث الأخير قرب العمود وتتباعد كلما اتجهنا للمنتصف وتزيد في النهايات
أترككم مع بقية التفاصيل وأعتقد سهلة
كل عقدة ولها حلال.. بعض المقاولين استوى لهم سمعة طيبة في التنفيذ وهذيلا مكسب للقطاع العام. عاد تقوله كم مشروع عندك (جاري العمل) ومدري شنو... تلقاك انت كحكومة مشغلة.. وكلام المهندس صحيح.
بس شرايك اني اشوف توفر المال والرقابة اهم شيئين للمشاريع.. لان تحصل شركة صينية عندها الف عامل ولكن انت تأخر دفعاتهم.. يضطر المقاول يسفرهم.. شهرين ثلاث حتى يتوفر المبلغ؟
نفترض فيه مقاول اخر العمل دون سبب فهذا تسحب منه المشروع ودائماََ البديل موجود حتى اثناء طرح المناقصة تحصل قائمة مقاولين هم الأقرب ويتفاوضون معهم وينفذون. والله وتالله ان مشكلتنا إدارية. يا كم مقاول زين خسروه القطاع العام.. وياكم مقاول وهمي تعاقدوا معاه بمكانه. اعط الخبز خبازه (بعض الناس عياله مدراء كل واحد بصوب) وما عليه اذا وصل بخدمته وانجازه.. لكن اذا بالكتب الخاصة هذي مشكلة. لا زلت اذكر يوم قام وزير بانهاء خدمات 4 او 5 موظفين قياديين عششوا بذيك الوزارة ولا صار شيء في الدنيا.. الا تحسنت وانصرفت مستحقات موظفين كانوا موقفينها.
خرجت ع موضوع القواعد و وصلت السطح لا تواخذوني اول اليوم لازم نغسل عدل.
اللهــــــم ارحم أخي فايز واسكنه فسيح جناتك وسائر أموات المسلمين
المشكلة يا اخوي سالم العملية قانونية هندسية إدارية وهذي كلها مفاصلها عند الدول مب عند الشخص العادي والحكومات تحكمها .. من يملك اعطاء تراخيص عمل محددة وبعد فحوصات وتدقيق غير الحكومة؟
الكلام سهل وحتى العقد بينك وبين شخص يمثل نفسه سهل وما له سند قانوني السند القانوني للشركات وحسب تراخيصها وأوقات الملاك يدورون الرخيص والسهل في التعامل والسهل موجود ومتوفر وبدون وضع قانوني وهذا غلط ولازم تحاسب عليه الجهات المختصة في الحكومة .. هشكل العملية سايبة وتضيع الحقوق حقوق العامل المتمرس الفاهم لشغلة وحقوق المالك اللي دخل في نظام غلط والنظام الغلط هذا مسؤولة عنه الدول وقوانينها مب مسؤول عنه انا كشخص
الحكومات تحاول تاخذ حقها كامل وتستعين بمقاولين مرخصين وعمالة ماهرة ولا تسمح في مشاريع كثيرة حسب متابعتي الا بعامل معاه صورة جوازه واقامة سارية ومختومة أو إعارة قانونية للمقاول اللي يسوي الشغل وبنفس الوقت تترك عمالة سايبة تشتغل وممكن تخرب أكثر منها تصلح للمواطنين والموجودين على أرضها
هندسياً عندك المواصفات والمواد وطرق وحيثيات البناء المفروض محددة بدقة وأي شخص يخالف فيها ويكون مختص سواء كان مهندس أو مقاول يعتبر غش المالك وعليه مسؤولية .. لذلك ضروري مكاتب تدقيق وحفظ العقود للرجوع لها والعقود تحتوي مخططات وتفاصيل كاملة والمفروض تدقيقها يعني اضافة الناقص عليها لتكون مقبولة حسب مواصفات الدولة .. ببساطة محد يقدر يلعب ويكون اشراف عام ومتابعة من هذي المكاتب فوق اشراف الاستشاريين ولو لاحظوا تقصير أو تلاعب من الإستشاري أو المقاول يكون حسابهم له عسير ويفترض مسرع قضائياً
إدارياً .. إدارة العملية كلها على مستوى الدولة مختصين مخضرمين في العملية وتكون فايدتهم النهوض بعملية البناء في الدولة مب بس قضاء وقت وتمشية مصالح
لو هذي كلها تحددت صح بتحصل حتى المقاولين يحترمون شغلهم وبيجي وقت تسوي الشغل حتى بدون استشارات لو كل شيء مضمون حسب القانون
يقول لي أحد الإخوان بناء بيت في ألمانيا وكيف تخليصه عن طريق مكتب محاماة قانوني مختص هو ينسق بين الإستشاري والمقاول والمالك والجدول الزمني يكون محدد وكل تفاصيل البناء والدفعات تكون محددة ويكون معروف شاللي له وعليه .. وإحنا ما ينقصنا شيء لنوصل لهالمستوى ويمكن أكثر
ضوابط المشاركة
رد مع اقتباس