يوتيوبيات البناء .. مقاطع تثقيفية متجددة

[معماري قطري]

أخبر الماي اللي ينزل من السطح و عادة يكون ماي مطر ينزل لكن ممكن يستغل بانه ينزل في جورة المطر اللي حاليا مفروضة ضمن اشتراطات البلدية .. مسألة اني اسوي خزان مفتروح و اخرب بيتي هذا تخلّف!!

صحيح ونزوله يعني خصوصاً للأراضي الصغيرة اللي ارتدادها الأمامي 5 متر والجانبي أوقات متر ونص وملحق وراء وشوية فراغ حول 6 متر ما تسوي شيء .. المنطقة المحفورة والمزروعة الزراعة تشفط الماء والرطوبة ويكون حوض زراعي محمي من الجوانب بطابوق معزول وبعمق كبير ينبني مع التأسيس وعملتها في بيتي بس تصريف ماي المطر ما يكون عليها لأن القوانين قبل غير والتصريف بسلوبات للخارج .. تستوي نقعة كبيرة لأن جدام بيتي أرض منخفضة ويسحبونها بالدناكر .. أما لو سويت اللي يطلبونه ألحين بتغرق أساسات البيت بالمياه وبتستوي عندي هبوطات ومشاكل انشائية كثيرة

للبيت الجديد محدد حوض زراعي طويل حول 60 متر في عرض 6 متر وبيكون بعمق ومحاط بسور طابوقي بارتفاع بسيط بحدود طابوقة وباحول عليه بايبات مياه المطر من تحت الأرض .. بنفس الوقت باركب خزان ماي تحت الأرض يخزن هذي المياه لإستعمالها للزراعة .. الزايد لو انترس الخزان تماتيك يتم سحبه بمضخة وملأ الحوض الخارجي به .. القدرة التخزينية للحوض الزراعي 360 متر مكعب مب شوي وتخزين التانكي حول 5 متر مكعب .. الطريقة هذي شفتها على أرض الواقع ولمساحة كبيرة وكانت حل منطقي ورخيص بس ما انعملت بالترتيب اللي ناوي أسويه .. كانت قنوات مفتوحة مب بايبات مخفية تحت الأرض وكانت حفرة بشيول شكلها مقزز مب حوض زراعي مرتب .. هذي نبتت فيها نباتات عشوائية وبدون تربة زراعية وبدون عناية وكانت كثيفة النباتات

الحوض الزراعي بيبعد عن أساسات البيت حول 15 متر وأكثر

[معماري قطري]

مهندسو البلدية انت تخبرهم أكثر من غيرك اخوي معماري .. انهم لا يستمعون للقول فيتبعون احسنه!

أخبر ناقشت مدير الطرق في موضوع الحواجز اللي يرزونها حول الإشارات وإنها خطرة وعائق اصطدام مباشر .. رد علي من قال للسائق يدعم وكأنه يدعم قاصد وتسلية

[SouthK]

أخبر ناقشت مدير الطرق في موضوع الحواجز اللي يرزونها حول الإشارات وإنها خطرة وعائق اصطدام مباشر .. رد علي من قال للسائق يدعم وكأنه يدعم قاصد وتسلية

الظاهر هالمهندس يلعب نيد فور سبيد وايد!

[SouthK]

صحيح ونزوله يعني خصوصاً للأراضي الصغيرة اللي ارتدادها الأمامي 5 متر والجانبي أوقات متر ونص وملحق وراء وشوية فراغ حول 6 متر ما تسوي شيء .. المنطقة المحفورة والمزروعة الزراعة تشفط الماء والرطوبة ويكون حوض زراعي محمي من الجوانب بطابوق معزول وبعمق كبير ينبني مع التأسيس وعملتها في بيتي بس تصريف ماي المطر ما يكون عليها لأن القوانين قبل غير والتصريف بسلوبات للخارج .. تستوي نقعة كبيرة لأن جدام بيتي أرض منخفضة ويسحبونها بالدناكر .. أما لو سويت اللي يطلبونه ألحين بتغرق أساسات البيت بالمياه وبتستوي عندي هبوطات ومشاكل انشائية كثيرة

للبيت الجديد محدد حوض زراعي طويل حول 60 متر في عرض 6 متر وبيكون بعمق ومحاط بسور طابوقي بارتفاع بسيط بحدود طابوقة وباحول عليه بايبات مياه المطر من تحت الأرض .. بنفس الوقت باركب خزان ماي تحت الأرض يخزن هذي المياه لإستعمالها للزراعة .. الزايد لو انترس الخزان تماتيك يتم سحبه بمضخة وملأ الحوض الخارجي به .. القدرة التخزينية للحوض الزراعي 360 متر مكعب مب شوي وتخزين التانكي حول 5 متر مكعب .. الطريقة هذي شفتها على أرض الواقع ولمساحة كبيرة وكانت حل منطقي ورخيص بس ما انعملت بالترتيب اللي ناوي أسويه .. كانت قنوات مفتوحة مب بايبات مخفية تحت الأرض وكانت حفرة بشيول شكلها مقزز مب حوض زراعي مرتب .. هذي نبتت فيها نباتات عشوائية وبدون تربة زراعية وبدون عناية وكانت كثيفة النباتات

الحوض الزراعي بيبعد عن أساسات البيت حول 15 متر وأكثر

في مجال نزور البيت اخوي؟؟ طبعا بوجودك!

[معماري قطري]

في مجال نزور البيت اخوي؟؟ طبعا بوجودك!

ما عندي مشكلة إخوي حياك بس انا شرحت لك الحالي تصريفه سطحي وللخارج والمستقبلي فكرة التصريف ببايبات تنزل من السقف وتمر تحت الطريق الداخلي لين حوض الزراعة وحاط مخططات في موضوع مراجعة المخططات المعمارية

[سالم الزهران]

جدول لساوث زيارة في نفس الوقت اللي تحط فيه طائرتي في حمد انترناشونال ايربورت، نبيه الشيخ ساوث.

[معماري قطري]

الظاهر هالمهندس يلعب نيد فور سبيد وايد!

من القدامى وقبل وجود أشغال تقاعد من زمان بس كان رئيس قسم الطرق مب شخص عادي ورده لي تسكيت بس مثل اللي يقول انت شدخلك .. المشكلة من ذاك الوقت وهم ماشيين على هذي البدعة

حماية الإشارات أقدر أركب بايبات عريضة وبعيدة عن مسار السيارات مثل اللي نشوفها في بعض التقاطعات والبايب لو منه شوية خطورة ينحط حوله حديد ماص للصدمة ويكون قابل للانطعاج بنسبة كبيرة .. بعض الإشارات مستوردة وتجي بمواصفات تصنيع صح وبعضها لا يحطون حولها بايبات حماية وحول كاميرات الرادار وشكلها مقزز وغير حضاري واللي يصطدم بها لا ارادياً تكون الصدمة خطيرة جداً

مر شوف الأنفاق الحديثة صوب كتارا وصوب اللؤلؤة وصوب لوسيل رصيف في الطرف ضيق ونازل وجنبه جدار النفق وعلى الرصيف حاطين عدتهم وحولها ذي البايبات الحديد المركوزة .. من ضمن الحلول الرخيصة رفع الرصيف وعمله حاجز صد متصل لو اصطدمت به السيارة يكون اصطدام جانبي يحمي السيارة المصطدمة من اصطدام مباشر وبنفس الوقت بيحمي أي شيء وراه ويخفيه نوعاً ما .. بايب الإطفاء بيبقى أعلاه يبين أو تركب لافتة تقول إطفاء لسهولة وصول المطافي هذا اذا وصلوا ولحقوا على الحريق

[معماري قطري]

جدول لساوث زيارة في نفس الوقت اللي تحط فيه طائرتي في حمد انترناشونال ايربورت، نبيه الشيخ ساوث.

حياك الله إخوي بو زيد تشرفني

[سالم الزهران]

خيرك سابق يبو عبدالله جعلك تحيا وتدوم وايضاََ اخونا ساوث والكثير من الزملاء في المنتدى اللي نتشرف بلقاهم

[معماري قطري]

اللي صمم هذي الأنفاق فاهم إن خطر الحريق مستبعد ولو صار مثل أي شارع النفق قصير وواسع والسيارات كلها فيها طفايات .. الأهم يحطون كاميرات سرعة لضبط المخالفين ولضبط المتجاوزين للخط المتصل الممنوع قطعه شكلهم ما يدرون إنها تصير سباقات في الأنفاق وحرق تواير

مستعد أجزم إن هذي البايبات محد بيستعملها حتى لو صار حريق بيجون وبيطفون بمعداتهم اللي في سياراتهم ونفس الوضع في الفرجان