عندنا فيه بيوت قديمة لها فوق 50 سنة بس بعضها ورثة قسموها وبعضها استغلوها لبناء عمارات .. عندنا بيت قديم للوالد رحمة الله عليه ما سكناه كلش تم مبني 27 سنة وبعدين عدلنا عليه وأجرناه بشوية إضافات .. عمره من عمري تقريباً 58 سنة ومساحته مب صغيرة حول 1700 متر بس مقسم ألحين لخمس بيوت وزايدين عليه بنيان وصورت صورة لطريقة الجسر القديم بدنجل واسمنت قبل الحديد .. البلدية طلبت هدم الجزء القديم لأنه بدون ارتداد على الشارع مباشرة وهذا بنيان قديم ما عندهم سالفة كلش
هذا الفيديو وطلعت ما علقت عليهالمشاركة الأصلية كتبت بواسطة معماري قطري
البلدية قوانينها من القرن السابق لحملة نابليون على مصر فلا تلومهم!
الله يبارك لكم .. ما شاء الله بيت كبير!
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
هذا البيت بنوه قبل ما تستقل امريكا عن بريطانيا!
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
لحاء الشجر اللي يركبونه على السقف اسمه شنغلز هذا أوقات يحرقون طبقة منه يستوي رمادي تعطيه قوة وحماية طويلة .. عندنا نهضة زراعية كبيرة ما ادري ليش ما يستفيدون من الأشجار بتجديدها وقطع بعض الأغصان والإستفادة منها في صنع العوازل الحرارية العضوية أو تستخدم في البناء والتكسية الخارجية داخل يكون طابوق والخارج يكون تشكيلة خشبية حتى لو قطع صغيرة مثبتة على الحائط وهذي نقدر نسوي لها أمثلة في بيوت البر والمزارع وحتى العزب وحتى للماشية
ردك خلاني ادور في قوقل عن تاريخ تأسيس الدوحة ..
طلع لي مكتوب من سنه 1904 يعني حول ال 114 سنه ..
معقوله ماعندنا بيوت بهالعمر ؟
عيل القرى اللي صوب الخور وبوظلوف والوكرة كم عمر البناء تقريبا ؟
تُنسى ، كأنَّكَ لم تَكُنْ ..
والله المفروض تستوي دراسة من مختصين وباحثين يدققون صح ويوثقون ويكون البنيان شكثر فيه أجزاء قديمة .. من المباني القديمة اللي زرتها ودرستها دراسة شخصية كان سور قلعة رميلة القديمة في الدوحة .. السور القديم غير عن اللي يبين للناس من الكورنيش واللي مبني بطابوق ذاك كان حجر من حزم رميلة قبل وارميلة أو رميلة تسمى برميلة ولا تسمى بالرميلة مثل ما حرفوها البعض
هذا السور القديم مخفي داخل باقية منه أجزاء بسيطة منها برج ما نمسك كلش واللي هو الشرقي الجنوبي وبرج ثاني بنوا فوقه سور مرتفع للسجن اللي كان ذاك الوقت السجن الرئيسي في قطر وذاك الوقت مقصود به السبعينات واحتمال الستينات .. هذا لي ذكريات فيه كنت أمر على عمي هناك الله يغفر له وكان هو مدير السجون في وقت ما في الداخلية وكانت القلعة مقر لعدة جهات منها الداخلية .. اللي صوب السجن كان الجنوبي الغربي وبنوا فوقه وفوق السور الحجري حايط ارفع من الطابوق وفوقه ممشى للحراسة انا ركبت ومشيت عليه عريض ومحمي بحديد عن سقوط اي شخص فوقه
الأسوار والأبراج هذي انبنت في فترة سابقة يمكن العشرينات أو الثلاثينات أو حتى قبل وحصلت يمني شيبة هناك قال لي كنت صغير وقت ما كانوا ينقلون الحجر والطين ويبنون وإن السور من تحت عرضه قريب المتر ويقل مع الإرتفاع .. ألحين شغالين هناك هدم وبناء وأتمنى ما كملوا على باقي السور القديم وأجزاءه وشبه متأكد إنهم بيسوون ترميم للأجزاء المتهدمة بنفس صورتها السابقة .. هذا من ذكريات حول 25 سنة مضت واليمني كان فوق السبعين وقتها يعني عمر البنيان لا يقل عن 80 سنة
بس إختي سارة البنيان القديم عندنا كان بسيط وتغير مع الوقت .. بيتنا القديم كانت أجزاء منه كثيرة حصى وطين هذا اللي تكلمت عنه ولا سكنناه وكان البنيان يتطور وقتها خالي الكبير الله يغفر له بعد وفاة جدي بنى لأُمي وخالي الثاني الصغير وجدتي اللي هي زوجة ابوه بيت أكثر تطور من البيت اللي بناه جدي حق ابوي وكان في بيت جدتي في الزاوية بيت لوالدتي وابوي لأن انتقلوا من الغانم القديم شوي متأخرين وكان البيت مطور أكثر وأذكره فيه الزوايا المسماة القمرية وبناء بطابوق واسمنت والسقف دنجل من داخل مغطى ببليوت أو بلايوود مصبوغ أزرق سماوي .. عشنا فيه لين وصلت السبع وبنت لنا الحكومة بيت شعبي قريب من بيت جدي ابو ابوي .. هذي البيوت وحتى اللي في معظم الدول مهما قالوا حالتها أصلية لازم مر عليها شيء من التعديل والإضافات والتطوير .. يبقى الأساس موجود أو أجزاء من البنيان الأصلي .. اللي في أمريكا وفي أوروبا بعضهم حاولوا قدر الإمكان المحافظة على الهيكل والسقف موجود كما هو .. في ميونخ مبنى البريد قبل في سنوات الحرب العالمية الأُولى والثانية حولوه فندق السوفتيل بس فرغوا الداخل كله ودعموا الواجهات القديمة بحديد وبشوف لو أحصل فيديو عنه باحطه بس انا مريت مع ألمان هناك واحد شرح لنا وراوانا ضربات الرصاص في الحجر من أيام القصف في الحروب العالمية
ما حصلت شرح عن تاريخ البنيان الأساسي بس هذي واجهات الفندق الحجرية هي القديمة لمبنى البريد
https://www.youtube.com/watch?v=AACdA7WQ6xk
شوف صح ان عمري 16 سنه ولا لحقت على عصركم .. لكن اتوقع مواد البناء عندنا بالذات كانت بسيطه ..
حجر و يص ويمكن شويه حشيش يابس مب متاكدة بالضبط ..
لكن كانت تستوي خلطه ويحطونها بين الحجر نفس الاسميت .. ومع الايام ومع المطر تبتدي تذوب الطبقه الفوقيه ومن جذي هالمباني ماتمت عندنا …
الحين اغلب القرى الاثريه اللي سوروها سوا للبيوت صيانه وبلاستر كامل ..
عشان يتم على نفس الهيئة القديمة ..
احنا دولة عالساحل وعندنا رطوبه عاليه وماعندنا هالمواد نفس اللي في العصور الوسطى والقصور اللي انبنت في ذيك الفترة ..
ولاتنسى وايد اللي كانوا بينا رحالة وبدو .. وحتى لما تمدنوا سوا لهم بيوت شعر في حيشان بيوتهم ..
يعني من الاساس ماعندنا حضارة معماريه يالمعماري
تُنسى ، كأنَّكَ لم تَكُنْ ..
صحيح كانت بسيطة وكانت العيشة صعبة في هذي البيوت بدون تكييف وبدون تلفزيون في السابق وبأثاث بسيط
وعن ما عندنا تراث معماري عندنا تراث بسيط ومقتبس من عدة حضارات حولنا وبيزعلون يمكن كبار مسؤولينا لو قلت الحضارة الفارسية وهم لجأوا لهم لبناء سوق واقف
أكبر مهيمن على بناء ساحل الخليج الغربي لين قبل عمان يمكن الحضارة الفارسية والهندية صوب ساحل عمان .. عمان نقدر نقول عندهم حضارة بناء محلية مقتبسة بعد من اليمن ومن رحلات العمانيين البحرية وهم طوروها أكثر .. الكويت والبحرين خصوصاً البحرين كانت فيها حضارة قديمة بس غالبيتها مقتبسة من فارس .. السعودية أو أرض شبه الجزيرة حضارة مناطقها متأثرة بالمناطق القريبة منها بس فيها حضارة إسلامية قوية نشأت مع نشأة الإسلام وانتشرت للعالم كله وتطورت وتأثرت بمن اتبع مبادئها من الدول الداخلة في الإسلام
ألحين كل شيء يوصلنا والعالم استوى قرية صغيرة والبناء الحديث هو المسيطر
ضوابط المشاركة
رد مع اقتباس