انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
المودرن يمشي معاه كل شيء .. تقدر تسوي مثل القوس العريض أو العارضة ينزل الماي من جوانبها عن طريق قطعة زجاج يمشي عليها وتقدر تسوي عمودين مربعين حتى من الحديد العادي وتغطيه بألمنيوم أو بلاط حجري خشن شوي مقصوص قصة هندسية متناسبة وفوق يكون مثل الحوض الزجاجي يتجمع فيه الماي المنقول من خلال العمود لفوق وبعدين ينزل من الجوانب على شكل شلال .. الطريقة رخيصة ولا بتكلفك تحتاج بناء وكهربي يركب لك مضخة زينة مخفية النوع الغطاس في بركة الماء تحت
تقدر تعرض العمود مثل ما تحب وتسوي فيه بعد فجوات فيها إنارة تنور الماء وهو نازل .. باشوف باحاول اسوي لك سكتش ونصيحة لو تبغي تسوي شغل لتتعامل مع عرب
لو ركبوا الشريط المتصل مب النقطي أريح للعين ولو ركبوه حلقة مرتفعة تحت السقف على الجدار فوق مستوى الابواب بيكون يعطي إنارة متوازنة للمكان .. ممكن خطين أو ثلاثة لو يحبون وممكن تركيبه في النعلة لإضاءة الجزء السفلي
لاحظت وقت الدفان الجديد ما حموا أماكن الأساسات والجسور الأرضية ببلاستيك يحميها من الخدوش ومن الرطوبة مستقبلاً .. كما أن الأوجه الأُفقية للأساسات ما انمسحت بالبتومين وكأن الرطوبة تجي من الجوانب بس
طلعت كم فيديو للشلالات وطرق عملها .. أكيد فيه تفاصيل كثيرة تقدر تختار اللي يناسبك .. هذا اللي بقطع حجر وتقدر تركب رخام مكسر من الأطراف أو قرانيت يبين طبيعي أكثر ويقول لك اللون الداكن يعكس شكل ولون الماي .. كذلك الماي تقدر تخلط معاه لون معين لو بتحط خلفية فاتحة وإنارة .. هذا مسوي الجدار وممدد فيه وفوق مركب قطع معدنية خاصة لو تبغيها تقدر تطلبها والا تسويها من الزجاج تطلع ما تبين وتنعكس الإنارة عليها وتقدر تخليها شوي ممتدة .. لو تبغي تسوي إرتفاع أعلى مع الشلال ينزل من الجنبين ومبتعد عن العمود الحامل للحوض فوق تقدر تفصل حوض بالكامل زجاجي وتسويه مغطى بعد من فوق بقطعة زجاج عن الطيور ويكون محمول على عمودين ممكن يمر الشخص من تحتهم بإرتفاع مترين أو ثلاثة ولو تحب أعلى يبين من الخارج بعد ممكن بس الخوف مع العلو الزايد يتناثر الماي على مساحة كبيرة
حلو الحوض التحتي وإحنا نقدر نسويه بإسمنت معالج بعزل اسمنتي عن التسريب ونحط داخله صناديق بلاستيك محاطة بشبك حتى الحصى فوق ما يسد فتحات رجوع الماي ويغطي الحوض الحافظ للماي تحت عن ليبين البلاستيك ومكوناته وللصيانة سهل ينشال الحصى ويتنظف وتوصل للمضخة اللي تكون مغطسة في الماي .. وعندك بعد تحتاج عوامة الكترونية والماي لازم ما يوصل لقمة الخزان هذا ويكون فيه بايب تغذية يشتغل لو نزل مستوى الماء من التبخر أو التناثر بعيد
حل ثاني للي عنده ممر في حديقة يقدر يسوي قوس فوق الممر يمر من خلاله ويكون فيه إنارة وجوانب القوس عريضة متر وفوق ممكن ثلاث أمثار وأكثر لو يحب ومن داخل من الجنبين ينزل الماي مثل هذي الطريقة اللي موضحة هنا بس داخل القوس يعني يمر وحوله جدارين حجريين ينزل الماي عليهم ويترشش على الحوض التحتي المغطى بالحجر .. ولو يبغي يحط قطعة بلاط حجري مثل البورسلان فيها فتحات بالدريل بعد تمشي والماي ينزل منها للخزان الصغير تحت وحتى ممكن تكون قوية كفاية أو تحتها دعامات ألمنيوم أو حديد أو حتى خشب وممكن يدوس عليها الصغير مثلاً
هذي نوعيات ثانية متعددة مع بعض النصائح