يوتيوبيات البناء .. مقاطع تثقيفية متجددة

[معماري قطري]

[معماري قطري]

[معماري قطري]

[معماري قطري]

عوامل كثيرة تدخل في تصميم دورة المياه منها الحائط الخارجي ووين الدريشة وشكلها شلون .. الرواشن في الحائط والتهوئة الهواء الداخل والهواء الخارج .. الشرح هذا مبدئي وبالنسبة للحمام الصغير 1.8 في 1.8 أشوف نخلي المغسلة مواجهة الباب أفضل بعد الإستعمال بيكون أول النظر يجي على ما هو مقابل الباب وليس جنب الباب مع إن المكانين جيدين

[معماري قطري]

تصميم حلو لمحبي الديكور والمساحات المدروسة

[معماري قطري]

حبيت قصة مغاسل المجالس والصالات ودخول البرواز للباب خلفها بطريقة معالجة مبتكرة ما فكرت فيها من قبل في الفيديو السابق

[معماري قطري]

متفق مع كل ما قال بس ليش ما نتفادى كل هذا من خلال مرحلة التصميم ونراجع المخططات الإنشائية ونطابقها مع المعمارية مع مهندس فاهم يوضح لنا شصاير

[معماري قطري]

أذكر أحد الأعضاء تواصل معاي في عمود صغير يبعد مترين من زاوية الصالة من كل جهة وكان عائق مزعج وبنى كامل خلص الخرسانات بس ما شطب للحين .. العمود حامل فوقه جدران حمام ولا فيه حد بيشوف له حل وطبيعي محد يتحمل المسؤولية في هالحالة .. حاولت له بحلول معمارية وتجميلية كلها ما ارتاح لها مصمم يقص العمود .. نصحته يشوف مدير مكتب استشاري كبير ومشغول ألحين بس كان هذا عرفته من حول 30 سنة من أفضل المهندسين الإنشائيين .. سوى له حل غريب بعد زيارته للموقع زرع عمدان في الجدران حديد آي بيم وركب فوق قطع آي بيم معلقة من راس العمود وممتدة ويغطيها الجبس بعدين .. ركبوا دعامات وقصوا العمود

الحل أكيد مكلف ينعمل من البداية بدراسة بيكون سهل ورخيص لكن بعدين سوى ربكة ووقف الشغل واحتاج شغل ومواد ولازم تكلفة

[معماري قطري]

عرض الباب حتى ل 80 سم صافي مناسب لدخول الكرسي المتحرك ولكل قطع الأثاث .. الفتحة ممكن نسويها 90 سم بس متر معقولة ويكون الباب بحدود 90 سم تقريباً صافي .. المتر من مضاعفات ال 20 سم اللي يعتمدونها أغلب المعماريين في التصميم فعادي حايط طوله من جهة لجهة ممكن نحصله 4 متر أو 4.2 أو 4.4 ومن هذي المضاعفات لكن صعبة نحصل مثلاً 4.09 وهذا يعد قصور في التصميم أو التنفيذ ولو نرجع للمخططات نحصلها 4 أو 4.2

في هالحالة لو فرضاً الباب وسط الحايط بنبداه من 2.1 إذا عرض الحايط 4.2 وفرضاً بنسوي باب عرضه 1 متر بناخذ من ال 2.1 اليمين 50 سم بتبقى لنا 1.6 متر ومن اليسار نفس الشيء .. 1.6 تركب فيها 4 طابوقات بالضبط وفوقها 3 طابوقات ونصين الطابوقة حتى يكون عندنا تداخل .. أوقات يضطر العمال يعملون مقاس صحيح يمين ويسار بمضاعفات ال 20 سم ويتركون الفتحة للباب في الوسط تقريبية مثلاً 105 سم أو 103 أو حولها وهذي بعد ما تبين في التركيب وتحسب الأبواب وحدة الا تجي متعني وتقيس بدقة

زين شيصير لو فرضاً بنسوي باب عريض وإحنا حابين العرضيكون وسيع؟ نقدر نسوي 120 سم أو 140 سم وفي حالات معينة لو زاد العرض تضطر تركب باب كبير وجنبه باب صغير حتى يكون ثابت أو كبير بس محوري اللي له محور متطرف معلق فوق وتحت وينفتح لاف .. أو 120 سم بتروح منها قرابة ال 10 سم للفريم بتبقى 110 وعندنا عرض اللوح 122 سم بيكون الباب اقتصادي بس يحتاج مفصلات مناسبة وتمسكه صح

[معماري قطري]