يوتيوبيات البناء .. مقاطع تثقيفية متجددة

[بوNasser]

السلام عليكم ورحمة الله

على طاري ركن القهوة، هذه بعض صور ركن القهوة أو بانترينا، كانت عندنا طاولة طعام في الصالة العلوية وثلاجة على جنب ومايكروويف وتوسترات وعفيسة، وقررنا اخيرا استبدالها بأشياء مدمجة.

فيه خزائن اسفل البانتري استفدنا منها وايد في تخزين الممنوعات، مثل النوتيلا والچبس وباقي الخرابيط.

اخترنا للخزائن والابواب لون الأسود، بس فاتح وكأن فيه رمادي وطالع حلو،بس في الصور ما يبين ، بالعكس معا التصوير يبين كأنه مغبر.

هذا مقطع فيديو من عدة ثواني ما عرفت اشلون انزله
https://qtr50.com/files/test2.mp4

وهذي الصور



طبعا الاضاءة led الوان،تحت البانتري والا الكراسي سود مب زرق (لا تتطنز علينا ساره بعد). وباقي الخزائن اخترنا بس لون واحد مع التحكم في شدة الإضاءة. وتلاحظون باب الفريزر مفتوح اما الثلاجة فما فتحتها لأن فيها اشياء غير صحية مثل قرراش الفلفل والكتشاب فخفت على صحتكم.





وبالمره بعد صورت لكم التلفزيون



تحياتي للجميع ودمتم سالمين

[معماري قطري]

شيء حلو يا بو ناصر ما شاء الله شاكر لك الإضافة الجميلة .. لو عندك مساحة ما عندك مشكلة .. وأشوف المغسلة من أهم الضروريات والثلاجة كبيرة يبي لك وتنملي بعد

ترتيب زين تخليني أفكر ارتب البانتري عندي فوق للأسف سوينا طاولة رخام وكراسي طوال للعيال قلت بيحبون يقعدون عليها مرة مرتين وبس وانترست الطاولة أغراض حلويات وبساتيك وجبس

المهندسة سارة متخصصة تغذية وبس ما عليك منها أي شيء يخالف ذوقها مب حلو .. أتعبت جمهور العلماء

[sara jsm]

وعليكم السلام ..
بغض النظر عن ليتات المعاصر الزرقه اللي ماادري شنهي فايدتها ..
لكن واضح ان اسرتك لهم قعدة فوق بالدور الاول .. عكسي انا حاطه فقط ثلاجة فيها ماي وادويه ودايما مقفوله
وممنوع يروح الاكل فوق بكل انواعه لا بسكوت ولا علج ولا شي ..

اما ركن القهوة فاانا مالي فيه لكن ابو العيال كيّف قهوة ..
سويت له ركن بالمطبخ الداخلي وركن ثاني بالمكتب عنده فوق ..
مع الاجهزة والكبسولات والسكر والفلاتر وكل شي ..

حلو مطبخك حق اندومي تالي الليل ..
بس الله يعينك لو طلع لك زهيوي في هالسواد مع ليت المعاصر

[بوNasser]

وعليكم السلام ..
بغض النظر عن ليتات المعاصر الزرقه اللي ماادري شنهي فايدتها ..
لكن واضح ان اسرتك لهم قعدة فوق بالدور الاول .. عكسي انا حاطه فقط ثلاجة فيها ماي وادويه ودايما مقفوله
وممنوع يروح الاكل فوق بكل انواعه لا بسكوت ولا علج ولا شي ..

اما ركن القهوة فاانا مالي فيه لكن ابو العيال كيّف قهوة ..
سويت له ركن بالمطبخ الداخلي وركن ثاني بالمكتب عنده فوق ..
مع الاجهزة والكبسولات والسكر والفلاتر وكل شي ..

حلو مطبخك حق اندومي تالي الليل ..
بس الله يعينك لو طلع لك زهيوي في هالسواد مع ليت المعاصر

1- انا بعد مالي في القهوة، في الأساس حق السناك والخفايف وقبل كل شي حق شاي الكرك الصباحي.
بس اشوف البنات استحلوا/احتلوا المكان وصار حتى حق الدراسة ومتابعة اليوتوب على الايباد واللابتوب.

2- ليت المعصرة من اختيار حفيدي، يمسك الرموت ويضغط الأزرة ويشوف الألوان لين نفصفص الرموت من يده، عاد اي لون يكون انت وحظك.

3- معليش بس اخر سطر مافهته، شنهو يعني زهيوي هل هو جني او خيال او ايش؟؟ في الدوحة ما مر علينا هالشي لا قديما ولا حديثا.

[sara jsm]

ماتعرف الزهيوي ! الظاهر متوالف معاه وعبالك نمل

دام النتفه يلعب بالريموت فخلوه على كيفه مب كيفكم ..
بس جد وسؤال عام للجميع وخاصه لبوعبدالله ..

ليش الليتات الملونه ؟ هل تعطي جو للمكان مثلا !؟
في حد ياكل ولا يدرس على ليت حمر ولا خضر !؟
ولا تقلدون اللولو هايبرماركت

[معماري قطري]

1- انا بعد مالي في القهوة، في الأساس حق السناك والخفايف وقبل كل شي حق شاي الكرك الصباحي.
بس اشوف البنات استحلوا/احتلوا المكان وصار حتى حق الدراسة ومتابعة اليوتوب على الايباد واللابتوب.

2- ليت المعصرة من اختيار حفيدي، يمسك الرموت ويضغط الأزرة ويشوف الألوان لين نفصفص الرموت من يده، عاد اي لون يكون انت وحظك.

3- معليش بس اخر سطر مافهته، شنهو يعني زهيوي هل هو جني او خيال او ايش؟؟ في الدوحة ما مر علينا هالشي لا قديما ولا حديثا.

ما عليك منها يا بو ناصر الأزرق لوني المفضل وهو لون هاديء .. هي تحب لون الدم خبرك تفلع في اليهال والكبار من طفولتها ليومك ذيه وما خفي أعظم

الزهيوي من الزهو لأنه يمشي شامخ وبزهو كبير

سارة الله يرزقج ب 1000 زهيوي دفعة وحدة لا حولج لا عضيد ولا سند يلحقونج وين ما تروحين ويحاصرونج وياخذون حق كل مظلوم منج

[معماري قطري]

ماتعرف الزهيوي ! الظاهر متوالف معاه وعبالك نمل

دام النتفه يلعب بالريموت فخلوه على كيفه مب كيفكم ..
بس جد وسؤال عام للجميع وخاصه لبوعبدالله ..

ليش الليتات الملونه ؟ هل تعطي جو للمكان مثلا !؟
في حد ياكل ولا يدرس على ليت حمر ولا خضر !؟
ولا تقلدون اللولو هايبرماركت

والله بالنسبة للألوان تغيير بسيط وأكيد الإضاءة العادية هي الأساسية .. كنت في فندق في ألمانيا وصورت حتى الألوان الصبح شوي جاي على وردي خفيف والليل يخلونه أزرق هادي .. حبيت الفكرة

[sara jsm]

سارة الله يرزقج ب 1000 زهيوي دفعة وحدة لا حولج لا عضيد ولا سند يلحقونج وين ما تروحين ويحاصرونج وياخذون حق كل مظلوم منج

ولك بالمثل ان شاءالله وتنحبس في البلكونه الخايسه مالتك ويطلعون لك من فتحه تصريف الماي ..
ومايكون عندك فجه تطلع الا من الدريشه

:
ترى مرة شفت برنامج امريكي عن المطاعم يقولون ان الاغلب يتعمدون يخففون الاضاءه او يغيرون اللون عشان اذا في مشكله في الاطباق الزبون ماينتبه .. فماقمت ادخل هالمطاعم من الاساس

[معماري قطري]

لا تخافين انا شجاع بادوسهم وباطلع حتى لو حافي لكن انتي وضعج صعب

عن الصحون غالبية المطاعم يستخدمون الأبيض وسهل يبين لو فيه وصخ وبعدين الإضاءة الخافتة لإضفاء جو مريح للجالس ياكل ما اظن التفسير صحيح وتحصلينه من خيال واحد من المفسرين الوتسبيين ( كبار الدجالين )

بعدين تعالي شهالإشاعات تقولين س ج ما تاكل في مطاعم؟

هي كل تصويرها في مطاعم كيما ومطاعم معدومة الضمير والنظافة

[sara jsm]

ههههههههههه انا الصراحة اكل في كل انواع المطاعم ..
ودايما المطاعم الرخيصه الاسيويه اكلهم انطع من اللي في اللؤلؤة والمجمعات