ركبت للبيت وحدة فوق كان البرشر عندي ثنتين بالتناوب شريت ذي اسكالا 2 من غرآندفوس شغلناها على أعتقد رقم 3 من 5 البرشر خيال خفت على البايبات ونقصت لين 2 أو 1.5 ما اذكر كم وبعد قوي .. هذي تنفع للبيت تحت وتضغط الماي لفوق مباشر بدون تانكي فوق وتضبط القوة حسب البيت ومساحته والبايبات عندك وتحملها وتشتغل وترتاح وقت عدم استخدام الماء ولا تحتاج ثنتين بالتناوب .. سعرها 2800 وبدون صوت كلشالمشاركة الأصلية كتبت بواسطة سعود.
الغطاسة وللصرف الصحي أكيد غير بس الماركة خذها وانت متطمن
ناوى عليها قريب وجيتهم من فتره كذلك
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
الله يوفقك .. في التجهيزات الكهربية والميكانيكية دوم خذ الأفضل حتى لو غالي شوي
شيفيدنا فيه تربيط الحديد وهل هو ضروري؟
اللي يربط الحديد ويخليه في مكانه بعدين ضغط الخرسانة على الحزوز المعمولة في الحديد من مصنع الحديد .. ضغط الخرسانة رهيب لكن الشد ضعيف والحديد يعمل في الشد ويكون مقوي للخرسانة في المناطق اللي الحسابات الهندسية تقول فيها شد
نرجع حق فايدة التربيط .. أكيد تخلي الحديد في مكانه المطلوب وتبعده عن الحواف تسوي لنا غطاء خرساني مناسب .. مب شرط كل تقاطع حديد نربطه ممكن نربط واحد ونترك حتى اثنين .. الكانات أو حديد تربيط الأعمدة الأفقي هذا مهم تربيطه عدل وحسب المخططات الإنشائية والمواصفات البعد بين قطعة وقطعة 10 سم أو 15 أو 20 لازم يتطبق على الواقع وواجب المشرف يدقق عليه .. فوق هذا نهايات الحديد في هذي القطع تكون ملفوفة حول القطعة الرأسية 135 درجة مئوية وتكون متخالفة بين قطعة والثانية
الكتابة فوق للفيديو ذيه ما ادري شلون طلع لي غير
الفيديو السابق اللي قبل الأخير عن البلاستر بالرش أكيد أفضل بوايد لأنه يجي مقذوف وبضغط عالي ويلتصق بالجدار حتى بدون طرطشة وممكن نسوي الطرطشة بالمكينة بعد .. شفتها على الطبيعة بس مع خرسانة ناعمة بكنكري حبات صغيرة سووا تدمر حوض السباحة عندي وله حول 10 سنين والحمد لله بلا مشاكل انشائية .. الخرسانة تلتف حول الحديد بقوة الضغط وتجف بسرعة مياه أقل تعني قوة أكبر وضغط قوي يعني تدخل في كل الفجوات ولا يصير تعشيش
وأخيراً لليوم ننتقل لهذا البيت الخرساني في المكسيك
في تصميمي لبيتي الجديد عملت بيسمنت صغير خدمي والدخول له ممكن من الحوش عن طريق درج وممكن من داخل البيت .. بيكون فيه تجميع لمياه التكييف وضخها للزراعة أو غسيل الحوش والسيارات .. كذلك وحدات التكييف الخارجية مع عمل مداخل للهواء ومخرج يسحب منه الهواء الحار المتكدس .. كذلك التمديدات كلها من تحت خلال دكتات مغلقة من فوق ووسطية ما توصلها الحرارة القوية وسهل استبدالها لو احتجنا .. فيه مخزن وكله في مساحة 200 متر مربع وبيكون خرسانة مكشوفة وباعمل تصريف مياه جوفية لو وصلت قرب الأساسات .. أسهل من إني أفتح البلاط وشغلة والتجهيزات كلها محمية من الشمس وعوامل الطبيعة تحت الأرض
تصميم مجنون بس حلو حبيت فيه السقف المقوس المتوازن على أعمدة ضخمة في الزوايا البعيدة بدون عمود وسطي
ضوابط المشاركة
رد مع اقتباس
