يوتيوبيات البناء .. مقاطع تثقيفية متجددة

[معماري قطري]

هذا فيديو لبناء سور قليل الإرتفاع .. ينفع عندنا لجزء زراعة ندفن داخله ويكون زرع مرتفع .. لاحظوا كمية الحديد فيه والأساس عبارة عن خرسانة بدون حديد

الصبغة المستخدمة هي نفسها المستخدمة في خلطات الانترلوك موجودة عندنا لدى العمودي .. ممكن ترش يدوياً على الخرسانة قبل جفافها وتكون صبغ دائم لا يتغير ولا يتقشر من الرطوبة

كذلك ممكن عمل الجزء العلوي لأي جدار بسهولة حتى لسور البيت مع ملاحظة ضرورة عمل فواصل التمدد بالكامل من الأساس لتغطية الطابوق من فوق .. ممكن عمل التدرج الجانبي بعدة درجات وخطوط وتغيير التصميم حسب رغبتنا كما ممكن تركيب قرميد مائل بميلان قوي حتى يعطي واجهة وخط قرميدي من فوق

[معماري قطري]

هذي طريقة تقوية الجدران بالحديد خصوصاً للجدران العالية وبعضنا الله يهداهم يحسبون الرقم 5 متر و 6 متر مجرد رقم ويبي يبني كل دور عالي ولو حب هذا العلو ضروري يعمل هذي التقوية .. للعلو العادي الزوايا وشبك الحديد كفاية بس تركب بطريقة صحيحة

[معماري قطري]

اظن في سوريا الله يعينهم ويرجع بلادهم مثل ما كانت وأحسن

[معماري قطري]

فوق قال كلمة الساس وهذي نستخدمها عندنا بس قليل ويمكن كثيرين ما يعرفونها ألحين

[معماري قطري]

ليش نصمم؟

1) حتى تكون عندنا مستندات داعمة للعقد أو العقود .. التصميم الأساسي ممكن تتفرع منه تصميمات تابعة لعقود ثانوية لمقاولين ثانيين كالتكييف والنجارة والنوافذ

2) حتى تكون عندنا خطة نمشي عليها ونكون عارفين شلنا وشعلينا

3) وثائق ومستندات تدققها جهات حكومية وتعتبر قانونية الجميع يلتزم بها

بعض المقاولين ممكن يسوون لنا تصميم وتنفيذ بس مهم العقد يكون واضح .. ويكون أقل شيء فيه تصميم مبدئي وفيه مواصفات مكتوبة بدقة ووضوح وخلونا نتابع المهندسة شتقول

[معماري قطري]

بنى لي الوالد الله يحفظه بيت صغير في 1988 بطريقة تصميم وتنفيذ وتم بنيانه في فترة سريعة بحدود شهرين .. والشركات اللي تصمم وتنفذ كثيرة في قطر منها شركة قطر للخرسانة الجاهزة وقبل العطية ما ادري لو للحين أو وقفوا .. كابريفاب - علي بن حمد العطية .. وأحد المقاولين الكبار كلمني من فترة انه يسوي تصميم وبناء وحتى لو انا عندي تصميم معماري يقدر يكمل عليه

[معماري قطري]

شغل ترميم بدون عقد انقلب لدمار شامل للبيت

[معماري قطري]

الكثير سئلوا عن الصرف الصحي المباشر بدون منهولات وهذا تنفيذه على أرض الواقع بسيط وسريع ونظيف .. بس متشكك من مسئلة إن السلوب الخفيف أفضل وأكيد فيه رقم معين للسلوب هذا يفيدنا فيه مختص بهذي الشغلة أو مهندس ميكانيكي

أعتقد 1.5% مناسب أو 15 ملم لكل 100 سم و20 بعد أفضل

[معماري قطري]

أهمية الرداد في رأيي للروائح ولإرتداد السوائل وللحشرات ويفترض نحطه في كل وصلة حتى وصلات تصريف الشورات والبانيو أو نستخدم صفاية برداد مدمج معاها .. هنا مستخدمينه في الأخير فقط

[معماري قطري]

حطيت يوتيوب سابق بالانجليزي يستخدم للشاور والسباك ينصح به لكل وصلة