يوتيوبيات البناء .. مقاطع تثقيفية متجددة

[معماري قطري]

السلام عليكم ورحمة الله
مهندسنا بوعبدالله

اضافة الى غرابة التصميم ( رغم انه يرمز الى السيفين في شعار الدولة)، بس ما تشوف في هالفندق ان فيه في الوسط مساحات ضايعة كان ممكن تستغل بشكل افضل ؟؟



ويتشابه الى حد ما مع هذه السمكة او اللخمه



تحياتي لك وللجميع
ودمتم سالمين

عليكم السلام ورحمة الله وبركاته

ردت عليك المهندسة سارة وردها مقنع وكلام معقول .. انا شلت من راسي فكرة المساحات الضايعة كل مساحة تكمل الثانية ويستوي وجودها مفيد .. المهم استغلالها صح وتصميم المكان صح .. أوقات يكون المكان موحش ونحتاج لفراغ تجميلي حتى الحوش ممكن نستغله وندخله من ضمن حيز المبنى

ما كان عاجبني الراس الحاد فوق ولا كنت متخيل انهم سيفين بس بما ان هذا المقصود الراس الحاد ضروري

في النهاية هذي المباني ممكن ما تسترد تكلفتها ويبنونها المتمكنين واللي القوانين تطوع لهم واللي البنوك مفتوحة لتمويلهم حتى أيام الاجازات الرسمية .. الطبقة الكادحة مثل ما يسميها بو جبر هذي بناية كشرة مثل ما قالت سارة في ام غويلينة وايد عليهم

[معماري قطري]

ما كنت أشوف التقوس سيفين لأنه تقوس كبير والسيف شبه سيدة ما توفق المصمم في تصميمه وطلع مثل اللخمة والا وانا ما اعرف قصة التصميم ما قهمت إنه يقصد سيفين

[معماري قطري]

احس اني في عمارة في فريج ام غولينا ..
كتمة المكان .. الدرابزين المفتوحة تعطي سعة للمكان ..
حتى عرض الدرج اشوفه صغير .. اشلون بيصعد الاثاث فوق ..
صج الناس اذواق ..

:

اخوي بوناصر .. وايد شركات يهمها الشكل الجمالي او الخارجي اكثر من المساحة ..
واحد من اخواني مهندس معماري مرة لفينا على كذا برج وشفنا المساحات الضايعة اللي سوها عشان الشكل الخارجي .. فهالشي مدروس ومتعمد منهم ..

ست طابوقات تعطيج عرض أكثر من 2.4 متر ولو وسعوه شوي كان ممكن يكون عرضه 1.15 متر على إن الحايط الوسطي حايط واحد من تحت لأعلى ألحين حايطين ماخذين من ال 2.4 حول 0.2 + المساحة المفتوحة في الوسط تبين لي بعرض طابوقة 0.4 يستوي الصافي للدرج 1.8 صحيح ضيق وكان يقدر يوسعه كل جهة 90 سم .. نظرة موفقة .. خليتيني ارجع لتصميم بيتي وأشوف الدرج لأني زدت عرض اللفت وصغرت الدرج من 1.3 الى 1.2 و 30 سم تفرق والمكان موحش أكيد بيكون لأن ما فيه درايش وانا مفكر اسويها طولية لين بسطة الدرج

[معماري قطري]

فكرة حلوة و كانت في بالي لكن بشكل مختلف!

لو مسوي الحايط في الوسط من الارض للسقف ومسوي فيه فجوات كان بيطلع أحلى والجزء التحتي يقدر يستغله ستور كذلك الجزء الفوقي لو حب

[سالم الزهران]

ما كنت أشوف التقوس سيفين لأنه تقوس كبير والسيف شبه سيدة ما توفق المصمم في تصميمه وطلع مثل اللخمة والا وانا ما اعرف قصة التصميم ما قهمت إنه يقصد سيفين

هالمبنى من يوم شفته ما عجبني وهو ساقط في اول عنصر (الجمالية)، وفي ناس يصرون على تصاميم وتفشل والمدن الحديثة مليانة بتصاميم مبهمة وممكن كل يوم يطلعون عليها سالفة.. من المباني الفاشلة اللي بدبي مخلين راسه جنه محمل ومسوينه فوق مسبح.. وهو لازال ينبنى ونا شايفه تصميم غبي

[معماري قطري]

هالمبنى من يوم شفته ما عجبني وهو ساقط في اول عنصر (الجمالية)، وفي ناس يصرون على تصاميم وتفشل والمدن الحديثة مليانة بتصاميم مبهمة وممكن كل يوم يطلعون عليها سالفة.. من المباني الفاشلة اللي بدبي مخلين راسه جنه محمل ومسوينه فوق مسبح.. وهو لازال ينبنى ونا شايفه تصميم غبي

الخروج عن التقليدي صعب والحداثة شيء ضروري بس مهم لو بنسوي شكل متدرج كنا نقدر نسويه بشكل هرمين بزاوية بسيطة يعني كلما نرتفع تقل مساحة الدور شيء بسيط ونخلي البلكونات تطل على البحر وعلى الجهة الثانية لين نرتفع أكثر تستوي غرفة في كل دور لها اطلالتين .. حتى التنقل الرأسي يكون سهل هذا اللي مسوينه لازم مصاعد خاصة تتحرك رأسي وجانبي أو مخطة تغيير تنزل فيها وتبدل

أوقات يصممون سيارة ويفشل شكلها ويتلاحقون نفسهم ويغيرونها سرعة مثل ما صار مع البي ام الكبيرة من فترة سنة وبس ما طولت .. ألحين أشوفه وأشوف مساحات وايد ضايعة فيه ومضطر استخدم هالمصطلح واتفق مع بو ناصر .. فهمت شيقصد أكيد قصده الفراغ الوسطي الكبير كان ممكن يمتلي بغرف بنفس الطريقة والخط الواصل بين الأعلى تحت مهبط الهيليكوبتر يكون كله غرف لين تحت مع المحافظة على شكل السيفين .. بتكون إضافة غرف أكثر من الموجودة حالياً فوق ضعفها

[معماري قطري]

يتكلم عن العزل الحراري ومتفق معاه 100% بس من وجهة نظري مهم اننا نتخلص من أي جسور حرارية .. دوم الجسور الحرارية هي المقاطع في الجدار والسقف والأرضية اللي تسمح بانتقال حراري أكبر .. توني أشوف معامل الإنتقال الحراري في الخرسانة 0.014 وهي مقاومة ضعيفة تعطينا معكوس أو المسماة يو فاليو تعادل 71 وهذا الرقم كبير يقارب اللي للألمنيوم وهو فوق ال 100 وللمعادن اللي هي أشد المواد توصيل للحرارة .. القصد إذا خلينا الجسور والأرضيات من جوانبها بدون عزل حراري جيد هذي بتكون فيها انتقال الحرارة كبير وبتعتبر جسور حرارية وضروري نعزلها بطبقات عزل جيدة حتى نحصل على رقم يو فاليو صغير يقترب من الصفر .. 0.18 لو تمكنا منه كمعدل بين جميع مكونات البناء بنكون مسوين شغل عزل ممتاز




الرقم 71 للخرسانة يقل حسب سمكها محسوب لل 1 انش وما يعادل 2.54 سم لو بناخذ 20 سم اللي هو سمك الجسور العادية يطلع لنا في حدود 9 والطابوق العادي قريب ال 2 يعني الطابوق أفضل من الجسر في الإنتقال الحراري حول 4 مرات

[معماري قطري]

طريقة رخيصة وسهلة لعمل المناور وحتى ممكن المشي عليها وممكن عملها مقوسة وممكن نحط ألوان معينة وهذا الطوب الزجاجي منه أنواع ودرجة عزله كبيرة للي متخوفين من الحرارة

[معماري قطري]

أكثر كلمة حبيتها في شرحه بيت مريح والإرتياح الحراري هو أهم مكسب من العزل الحراري لك وللبيت وهيكله ولمكيفاتك ولجيبك مهما يكون حتى لو الكهرباء ببلاش بتقل عندك صيانة المكيفات

[معماري قطري]

تفاصيل تركيب الحديد للأسقف المسلحة في الإتجاه الواحد One way slab وهذي أوفر بوايد من الاتجاهين ذيك تقويتها تحتاج حديد أكثر .. ونقدر نستخدمها في أي مكان الطول يكون فيه ضعف العرض وأكثر ومعاها اتصال جزئين معلقين أو طايرين بدون دعامات أو كانتيليفر وهذي تقويتها بس تكون من فوق لأن الشد من فوق