النتائج 1 إلى 5 من 5

الموضوع: معلومات عن بلجيكـا + رقم سائـق

  1. #1
    عضو فعال
    رقم العضوية
    17406
    تاريخ التسجيل
    Aug 2007
    المشاركات
    5,321

    Question معلومات عن بلجيكـا + رقم سائـق

    السلام عليكم ورحمة الله وبركاتــه

    ولا عليكم امر بغيت معلومات عن السياحه في بلجيكا في بروكسل وخارجها
    ووين في امكاان طبيعية حلوه تستاهل الواحد يزورها

    بحثت وايد بالنت المعلومات كلش قليله فاللي زارها ممكن يفيدني
    واللي عنده رقم سايق اميـن وثقه يرسله لي ع الخاص

    وشكراً

  2. #2
    عضو مميز
    رقم العضوية
    47769
    تاريخ التسجيل
    Aug 2014
    المشاركات
    9,549
    انا اللي اعرفه ان عندهم كافي على كيف كيفج

    متخصصين في هالسوالف

    باقي المعلومات الشباب ماراح يقصرون معاج

    بالسلامة
    دورت في الشدة حزام
    ولا لقيت اللي قوى

    يالله دخيلك مالقيت
    اللي نشد به الظهر

  3. #3
    عضو مؤسس الصورة الرمزية وحيد-الشوق
    رقم العضوية
    12669
    تاريخ التسجيل
    Mar 2007
    الدولة
    قطر الغالية
    المشاركات
    12,967
    رحت لبروكسل كذا مره ليوم واحد بنظري ما اشوفها تستاهل الواحد يرتب لها جدول حدها يومين وايد شعبية والمكان مادري شلون مافي فخامة صراحه الي عجبني بس ساحة الجراند بالاس فيها وايد محلات كافي والوافل يستحق التجربة هناك سوقهم مب ذاك الزود الي فيه الماركات وعندج قرية اوروبا المصغرة وفي متاحف وبعد برج الكور مالهم من الخارج شكلة حلو بس من الداخل ولاشيء عجبني

  4. #4
    مشرف السياحة والسفر الصورة الرمزية غير البشر
    رقم العضوية
    3132
    تاريخ التسجيل
    Aug 2005
    الدولة
    Qa6ar
    المشاركات
    47,328
    ياهلا ومرحبا اختي غموض
    الحمدلله على السلامه

    ارقام سواقين للأمانه انا اذا سافرت ماتعامل مع سواقين


    بلجيكا حلوه لكن ماتنفع لها ايام كثيره
    يعني بروكسل فقط المنطقه الي جنب ساحه الغراند
    والمنطقه الى جنب مجمع ستي 2 حلوه
    ومنطقه المجمسم الاموتيوم وجنبه حديقه اوروبا المصغره

    وعندج بروج بالشمال تقريبا ساعه بعد حلوه للزياره كم يوم وهي تقريبا نصف اجواء فينيسيا وعندهم السنتر حلو ومصانع الشكولاته

    وعندي المدينه الاقتصاديه انتويرب او مدينه الالماس وهي شرق بجليكا
    تقريبا من بروكسل ساعه الاربع وحتى لو تروحين لها من بروج ساعه الاربع
    وقريبه من الحدود الهولنديه

    اما اذا بغيتي الطبيعه والخضره كلها بالجنوب صوب اقليم واولوان ومدينه اوبين القريبه من الحدود الالمانيه

    اذا عزمتي ان شاء الله بعطيج الفنادق والاماكن بالتفصيل

  5. #5
    تميم المجد
    رقم العضوية
    1759
    تاريخ التسجيل
    May 2005
    المشاركات
    1,749
    اخت غموض سافرت لبروكسل قبل ثمان سنوات عن طريق تركيا-اسطمنبول سكنت في فندق كروان بلازا في منطقة روجر ميزت هذا الفندق انه قريب من الشوارع التجاريه ومطل على حديقة جميله.. استئجرت سيارة ولفيت مدينة بروكسل كلها تقريبا والحقيقه ماشفت شي يميزها عن باقي مدن اوروبا.. وربما هي الاقل جممالا من بين مدن اوروبا الغربيه.. لذلك السياحة فيها قليلة جدا.

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •