سؤال بخصوص ڤيزا شنغن
السلام عليكم
انا ان شاء الله ناوي اسافر الى سويسرا قريب، بس بغيت اعرف هل ممكن اطلع الفيزا عن طريق سفاره فرنسا؟ ولا لازم اطلعها من السفاره السويسريه؟
مع اني اعرف ناس من فتره بسيطه طلعوا الفيزا من السفاره الفرنسيه بس كانت الوجهة الى سويسرا والامور كانت في السليم.
اتمنى حد يفيدني واكون شاكر.
ياهلا ومرحبا اخوي
اخوي هو الاسلم لك تطلع من الدوله في بتقعد فيها فتره اطول اذا كانت سفرتك لعده دول
اما اذا بتروح دوله واحده فا الافضل والاسلم تطلع من نفس الدوله الي رايح لها
بالنسبه لصديقك نعم ممكن تمشي الامور تمام التمام
حتى لو انت طلعت من السفاره الفرنسيه ووجهتك سويسرا ممكن يدخلونك
لكن موظف الجوازات بمطار سويسرا عنده الصلاحيه مايقبل دخولكم
يعني الموضوع يرجع لموظف الجوازات ولو عاند ممكن مايقبل
يعني افضل لك واسلم لك واريح لك تطلع من السفاره السويسريه
مشكور
سالت السفارة السويسريه وقالوا لي ان عادي ممكن اطلع الفيزا من السفاره الفرنسيه واول دخول لي يكون في سويسرا.
معناته مافي مشاكل
يعني انت رايح سويسرا فقط او فرنسا وسويسرا !!المشاركة الأصلية كتبت بواسطة Mohammed2
اي اخوي تقدر تدخل اول دوله سويسرا حتى لو مطلع الفيزا من السفاره الفرنسيه مافي اي مشكله
لان قانون الشنغن مايلزمك تدخل اول دوله فرنسا
بس القانون يقولك الي مده الاقامه الأطول
يعني لو بتقعد في فرنسا اكثر تطلع من الفرنسيه وتسافر سويسرا وبعدها فرنسا وتجلس فيها أطول من سويسرا
اخذ الكلام مني وروح للسفارة الفرنسيه واخذ الفيزا منهم لعدة دول وامورك فوق الممتازة والله يسهل امرك واتمنى لك اقامه ومتعه طيبه
أسْتَغْفِرُ اللهَ العَظِيمَ الَّذِي لاَ إلَهَ إلاَّ هُوَ، الحَيُّ القَيُّومُ، وَأتُوبُ إلَيهِ
اللهم ان في تدبيرك مايغني عن الحيل، وفي كرمك ماهو فوق الأمل، وفي حلمك ما يسد الخلل، وفي عفوك ما يمحو الزلل، اللهم فبقوة تدبيرك وعظيم عفوك وسعة حلمك وفيض كرمك أسألك أن تدبرني بأحسن التدابير، وتلطف بي، وتنجيني مما يخيفني ويهمني.اللهم لا أُضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولا قوة إلا بك
السفارة السويسرية مافي احسن منهم طلعت الفيزا العام من عندهم لازحمة ولا شي ربع ساعه الا مخلص أموري. وثلاث ايام وتطلع الفيزة. وعطوني لين صلاحية الجواز
ضوابط المشاركة
رد مع اقتباس
