استفسارات عن روما
السلام عليكم ورحمة الله وبركاته
حبيت استفسر عن روما شرايكم فيها ناوي اروح لها كم يوم هل تسوى العنوه ولا ممله نفس ميلان وكيف الامان فيها لان واحد من الربع من يومين منسرق في فلورنسا ما درى عن السرقه الا لما بغى يدفع
وين تنصحون بالسكن فيها واماكن تستاهل الزياره من متاحف وغاليري قهاوي مطاعم واسوقه
كيف جوها هاليومين حلو ولا نفس جو ميلان شوي حار
شاكر لكم مقدما
عليكم السلام ورحمه الله وبركاته
ياهلا ومرحبا اخوي سعود
نعم انا اشوفها نفس توقعاتك ماتسوى العنوه
اما نزلت فيها 3 ايام تمللت منها وطلعت
والجو نفس ميلان او احر اشوي
لان الجو يبرد كل ما اتجهت شمالا
اذا تبغي الاستمتاع انزل في ميلانو كمحطه وصول فقط
وروح لوغانو وبعدها انتر لاكن وبعدها فرايبورغ والمناطق القريبه منها
افضل لك
ايطاليا بكبرها اشوفها اقل امانا من الدول الثانيه
فيها نصابين كثار وخاصه في ميلانو
واكثر شي عند محطه القطارات في ميلانو اكبر النصابين هناك
وبالتوفيق
رحتها مرتين ،، حاره بشكل عام وزححححححمه وخاصه عند الفاتيكان
ولازم الواحد يحاسب على اغراضه الشخصيه لان البوق عندهم منتشر
عجبتني اسواقهم ،، وخاصه ان بعض المحلات محليه ولا توجد في اي مدينه اخرى
وقهوتهم ادماااان حتى اصغر محل او كشك قهوته تسوى قهاوي العالم كله
ما انصحك بزيارتها اخوي من رايي تغير وجهتك اذا ميلان ماعجبتك اكيد مراح تعجبك روما
والجو حار شوي وطبعا مملة وكئيبة وماتتقارن بميلان
اللي يشوف الصح في فعل جســـاس
بتشوم نفسه عن فعل سالـم الزيــــر
واللي ما حاش المجد بالدرع والطاس
ماهي بعيــده لــــو يــذم المناعيـــــــر
مدينة خيالية من جميع النواحي .. قديمة تاريخية سياحية درجة أولى ،
لكن وقتك خطأ .. وإلا روما قصتها اكثر من يومين !!
تجربتي مع روما مو ليهناك ! بس أعتقد السبب طريقة الجدول اللي مشيت عليه
لو حصل لي أكرر التجربة ما راح أقول لأ ..
الجو عموماً مشمس وحار .. لكن هي منطقة تاريخية وأثرية بامتياز ..
لو كنت تحب الآثار .. و لو عندك جدول سياحي مرتب بيكون وايد حلو
وفي رحلات ممكن تطلع منها لمدينة بومبي الشهيرة ..
اللي ماتوا أهلها بسنوات طويلة قبل الميلاد بسبب بركان فيزوف
جثثهم مازالت موجودة على أوضاعهم اللي كانوا عليها !!
وأنصحك أكثر ما تفوت الفرصة في سفرة إيطاليا إلا وأنت رايح فينيس .. جميييلة ورايقة بشغف
روما حلوة بس ما انصحك فيها بالصيف انا رحتها بشهر 6 او 7 ناسي والله بس حررررر حررررر حرررررر غير طبيعي كاني بالدوحة
لو بتروح روما فانصحك ماتروح الا بشهر اكتوبر وانت طالع اما من شهر مايو الى سبتمبر ما انصحك اطلاقاً
إذا ما خلوتَ الدهر يومًا فلا تقل خلوتُ ، ولكن قل عليّ رقيبٌ ،
.................................................. .... و لا تحسبنَّ اللهَ يغفلُ ساعًة ، و لا أنَّ ما تُخفي عليه يغيبُ
ضوابط المشاركة
رد مع اقتباس
