السلام عليكم ورحمة الله وبركاته
لفت نظري لمواقف سيارات تتسع ل 16 سياره بمساحة لا تتعدى تقربا 20 متر مربع فليش ما يسوونها بمناطق الابراج .. وانا شوف هالفكره راح تحل ازمة مواقف الابراج للمراجعين والموظفين ..
اترك لكم مشاهدة الفيديو .. ويسعدني ويشرفني مناقشة الفكره الموضوع بالايجابيه والسلبيه لفكرة الموقف .. واتمنى من الجهه المسؤوله النظر لفكرة المواقف الذكيه .
التعديل الأخير تم بواسطة qtr qtr ; 24-04-2015 الساعة 01:32 PM
ارض بما قسم الله لك تكن اغنى الناس
شفت الفيديو من قبل الفكرة ناجحة نوعاً ما لكن اذا تعطلت المكينة او الالة الي تنزل السيارات شلون ناخذ مواترنا المشكلة ياخوي الاخطاء تتكرر دائما عندنا واول مثال سوق واقف الوكرة ماتعلموا من عدم كفاية المواقف ارض كبيرة ومواقف ارضية ليش ما استفيد واسوي قبو دورين او مواقف من دورين منها استفيد مساحة اكبر للسيارات
كلامك صحيح في حالة تعطل المواقف الذكيه .. ولكن اكيد راح يكون فيه صيانه دوريه كل اسبوع .. اما بالنسبه الاخاء المتكرره حدث ولا حرج والسبه اعتمادهم على ناس ماعنده فكر للمدى البعيد .. الحين عندك خط الشمال الساعيلي طوله اغتقد مي اقل من 40 كم .. فليش ماتتوزع الابراج على طول هالخط الساحلي منها تغطي المناطق الفاضيه ومنها تخفيف الضغط والتمركز في منطقه وحده من الوزارات والهيئات الحكوميه ووفرة المواقف للموظفين والمراجعين .. ولكن للاسف الافكار ياخذونها من ناس ماتهمهم مصلحة الوطن والمواطن .
واشكرك اخوي على مشاركتك وابداء رأيك
واشكر كل مشاهد دخل الموضوع
ارض بما قسم الله لك تكن اغنى الناس
فكرة جيدة .اعتقد توجد أيضاً نفس المواقف لسيارات الدفع الرباعي
عَآمِل آلنَآس بطبعِكْ لآ بآطبآعهِمْ
مَهْمَآ كَآنوآ ومهمآ تعدَدَت تصرفآتهمْ ؟؟؟
فكرة ممتازة بي ماتنفع عندنا
المشكلة عندنا من هب ودب عنده ليسن وسيارة
القانون نزل مرور للفئات الي يصرف لها ليسن القيادة بس مسئولين الشركات الي يعملون فيها بعض الفئات غير المستحقه يتلاعبون بالعقود ومسمياتهم الوظيفة
مثال :
سمكري في العقد ( كبير الفنيين ) ههههه
ارتقوا فإن القاع مزدحم
للسيارات صغيرة الحجم فقط
اكيد في حق الدفع الرباعي لان يفصل حسب الطلب .المشاركة الأصلية كتبت بواسطة بومحمد911
اخوي رحال تخيل مواقف بطول 200 متر تقريبا في عرض 100 متر كم راح يتسع مثل هالجهاز واضربها في 16 سياره 45 موقف ضرب 16 سياره = 720 سياره
مع سعر رمزي لاجرة الموقف للمراجعين بالساعه ماتقل عن 5 ريال بيطلع مبلغ 3600 ريال بالساعه ..
والله لو عندي ارض بموقع الابراج راح استفيد يعني في خلال يوم واحد لمدة 8 ساعات بدخل 28800 ريال في خلال شهر مع الغاء الويكند 26 يوم بيطلع فالشهر 748800 ريال
اخوي شيخ الديره الجهاز هذا يصنعونه حسب الطلب لان اللي فالفيديو شكله حق مكتب تأجير سيارات .
شكرا لكم على مشاركاتكم الطيبه
ارض بما قسم الله لك تكن اغنى الناس
حلوووه الفكره وايد .. شفت تقريبا في فيلم نفس الفكره بس ماذكر اسمه شنو كان ..
واللي يقول لو تعطلت ولو ولو .. لو بتعطلنا وايد خلونا نجرب ونشوف اذا كان حل ليش لا وممكن وقتها نبتكر شي لو تععطلت ..
نفس مواقف المطار القديم وايد نفعت .. عندي اجرب اي شي بس ماتاخر ساعه واكثر ادور موقف
حسبة جيدة, لكن نسيت تقول لنا سعر الجهاز والكلفة التشغيلية وكلفة الصيانة, لا يهم كم دخلك اليومي اذا تحط ملايين مقدما, السؤال العدل في هذه الأمور هو كالأتي
كم سنة يشتغل المشروع لكي يطلع راس ماله, وكم سنة يشتغل وراها ضمن العمر الأفتراضي للجهاز للربح
فكرة ممتازة و نجحت في بلدان كثيرة .. و لكنها غير مناسبة لقطر و البلدان الصحراوية ذات الغبار و الاتربة ..
و ذلك لان هذه المكاين تكون فيها اجزاء ميكانيكية يتم تشحيمها (دهانها بالايل والقريز) .. و عندما تتعرض لجونا المغبر تتراكم الاتربة و الرمال على الشحم والايل و تيبس مما يسبب الفشل للالة و اغلاقها للصيانة لفترات طويلة و يجعلها غير مجدية..
الحل في نظري ان تتكفل كل وزارة انتقلت الى منطقة الدفنة بدفع مخالفات المرور لمراجعينها و كفى الله المؤمنين القتال .. او تفعيل الحكومة الالكترونية
الحياة.. مواقف
ضوابط المشاركة
رد مع اقتباس