قاعات الافراح ؟؟؟؟؟
حسب ماوردني من معلومات ان صالات الافراح الجديده التابعه للدوله غير مجهزه بلوازم الافراح
ومنها الكراسي والطاولات .
ورغم ان ماقامت به الدوله من عمل جبار وجهد يشكرون عليه من تسهيل وتيسير
حفلات الزواج وتكاليفه للمواطنين
الى اننا نتمنى ان تقوم الجهات المختصه باستكمال المعروف وتجهيز الصاله بالكنبات والكراسي والطاولات
وان يلقى صوتي هذا تجاوب من المسؤلين
مع تحياتي وتقديري للجهود المثمره والمتميزه التي يقوم بها المسؤلون في بلدنا الحبيب
حسن
ياليت يحطون كراسي وطاولات ثابته ماتغير ولا تنشال
ارتقوا فإن القاع مزدحم
ان شاء الله صوتك يوصل
الله يكتب الخير والتوفيق والسداد لهذا البلد
السلام عليكم
سسسسسسسالخير حسن
سبقتني بالموضوع والله
انا حاضر اكثر من عرس لربعي في قاعات الرفاع
الصراحة وحده ولاشي تغير
يعني قبل الافتتاح وبعد الافتتاح نفس الخسارة
الحين الدولة وفرت القاعات لكن مافيها اي شي كلش
المعرس هو اللي يجيب كل شي من كراسي وطاولات وغيرها من أمور اخرى
احنا نتمنى من الدولة توفير كراسي وطاولات على الأقل
لان أجارهم غالي والقاعة تسع ل 150 كرسي تقريبا
ومتوسط أسعارهم لليوم 120-160
يعني 150 كرسي في 140 ريال = 21000 للكراسي فقط
ميزانية على ذلك الشاب المسكين
غير الطاولات والمقهويين والعشا والتصوير وووووو
انا اتمنى يوفرون طاولات وكراسي بس ومشكورين
اللهم لك الحمد كما ينبغي لجلال وجهك وعظيم سلطانك
من صجكم مافي كراسي و طاولات !!!!
عيل اشلون يقولون انها مجهزه بالاثاث وشاشات ومادري شنو !!!؟
دام جذي عيل ماستفدنا شي !!
اذا الجرايد ودها تطبل خل تطبل ع سنع مب تضليل
حطوا كراسي وطاولات لصالات الحريم والرجال
اعطوا كوبونات تخفيض لبعض المطاعم الخاصه بالعشا
افتحوا شركة تجهيز افراح مدعومة من الحكومة من مقهويين و تجهيزات كوش و مصورات وشاشات ودي جي و ضيافه مع خصم للمواطنين
كبروا المشروع وخلوه تكاملي مع مشروع اعفاف
واعطوا عروسه مجانيه ثالثه لكل شاب معدد
مافيها ولاشي كلشالمشاركة الأصلية كتبت بواسطة دايموند
والخسارة اللي يخسرها الواحد في تجهيز القاعة
نفس الخسارة اللي تخسرها الناس في الفنادق والخيام لملكية
ويمكن الاعراس في الخيام وبعض الفنادق تطلع التكلفة اقل
انها الحقيقة المره يا ساده
ولكن مع ذلك نقول مشكورين على قاعات الرفاع ونبي اكثر
والله هذا مانتمنى
انا حضرت لاحد الصالات في السلع وكانت مجهزه بالكراسي
والدوله ماقصرت سوت وتشكر على ذا المشروع
ومهب عجزانه عن الكنبات والطاولات
شكرا يارحال
نأيد التجهيز من طرف الدولة .. ويخلونه للشباب بسعر زهيد إذا مايبون يخلونه مجاني
في الأساس ما كانت المشكلة مشكلة قاعات .. التجهيز وغلاء الأسعار هو المشكلة !
يقول لك الزين مايكمل ولا شقولك ياحسن
ضوابط المشاركة
رد مع اقتباس
