*@* عـــــاداتــكم الشخصيـــة *@*

[نور الحور]

عاده؟
ممم
اخبر شبح فتح موضوع جي تقريبا مب بالضبط نفسه

انا ماقدر احدد عاداتي تعالي بيتنا اسبوع وسجلي ملاحظاتج وفاجئيني


بس يعني لين اجوف بيوت غيرنا ونظامهم
اقول الحمدلله بيتنا غير عنهم
احنا مانتغدا الا محتمعين مع بعض كلنا ع طاوله وحده سواء ايام دوام او اجازه الا انا الناقصه بينهم
ومانحط يدنا ف شي الا ابوي يكون قدامنا وياكل معانا ماناكل الا اذا هو بدا احتراما له فديته
العصر لازم نقعد كلنا نتقهوى او عقب المغرب سوالف مع الوالد والوالده الله يحفظنا من العين ويبعد عنا الحاسدين
ونفس الشي عالعشا
لو طافني الغدا معاهم مستحيل اطوف العشا
اخر وحده تدش الغرفه انا او امي المهم ان وحده تطفي الليتات وتتاكد ان الباب مقفول
واذا اخواني ف الدوحه وحده منا ماترقد الا اذا هم ردو البيت او نتاكد ان عندهم مفتاح الصاله لان نقفله

ماشاء الله تبارك الرحمن .. جدول راااائع جنون وعائلي بامتياز

الله يحفظكم ويجمعكم على طاعته دوووم يارب

انتظريني اليوم بجيكم بجدول ملاحظاتي عشان أسجل وأفاجئج

[نور الحور]

يمكن العادة فيها ما تفيدكم ..

لاني ما اسافر الا لبلاد واحدة ..

واحاول اتفرغ في هالسفرة ..

ارمي جميع الاجهزة الحديثة و اكتفي بجوال للاتصال و الرسايل ..

الله يجعلها سفرة في طاعته يارب

[نور الحور]

وعليكم السلام ورحمه الله وبركاته

من العادات اللي دايم اسويها اتابع المنتدى


رحال لاتشوف ردي

من متى هالعادة عندك قطر ؟ أخبرك متابعنا على الصامت قبل .. صح ؟



رحااااااال وينك ؟

[بومحمد المطاوعه]

عن معاذ بن جبل قال
قال رسول الله صلى الله عليه وسلم
"استعينوا على قضاء حوائجكم بالكتمان فإن كل ذي نعمة محسود"
رواه الطبراني

الله يبعد عنكم الحسد ..

[العلياا]

وعليكم السلام

ممم يوم قريت موضوعج جا في بالي عاداتي انا مش روتيني اليومي مادري شنو الفرق بينهم

[راجي الْعفو]

الله يجعلها سفرة في طاعته يارب

امين ..أتمنى ذلك ..

الله يسمع منج ..

[عاشق العديد]

عاده سيئه من اقوم من النوم ..
اشرب ماي .. طبعا اقوم 6 اطلع من البيت 8 ساعه احضر نفسي اني شلون بقوم .. واشغل الليت ..

دوام لازم بين كل 3 ساعات انزل اخذلي لفه ..
خاطري فكرك او كوفي او اي شي .. بس هالفتره ماقدر اما قبل لازم ..

ملابسي معاي وانا رايح التمرين اتمرن اخلص .. اروح البيت طبعا غداي عشاي ريوقي تحليتي .. هاذي كلها اوردي معاي فشنطه ..
ماقدر اتغدا مع هلي وسبه دوام لاني اخلص متاخر ..
اروح البيت ان مارقدت اروح المجلس عند شباب .. ونصلي كلنا مع بعض .. وعقبها اروح البيت اطبخ .. وبس والله هالروتين لمدة شهرين بس ..

[بومحمد المطاوعه]

في عادة فيني ,,

اشوفها حلوه

اني اعصب وفجأه اغير المود وابتسم ,,

مادري هل هذي عادة يستغلونها البعض فيني .؟

ام عادة حلوه بحق العام ,,.؟

الله اعلم

[نور الحور]

وعليكم السلام

ممم يوم قريت موضوعج جا في بالي عاداتي انا مش روتيني اليومي مادري شنو الفرق بينهم

صح يالعليا .. والروتين اليومي لو كان عادة ثابتة تعتبر عادات شخصية ..

بس ملاحظتج في محلها أنا كنت أقصد تحديداً عادات متنوعة مو شرط روتين يومي



مثلاً من عاداتي في الأكل إني لازم آكل وأشرب بالتناوب ..

وصعب آكل بيدي إلا في الشديد القوي .. لازم ملعقة وشوكة ..

[مختلفة عقليا]

السلام عليكم

حبيييت الموضوع

عندي عاده غبيه اشوي بس لازم اعالجها .,

اذا انصدمت من شي اتم اعيد اخر كلمه عادي اعيدها 3 او 4 او حتي 5 لين اللي معاي ينبهني

اخر مره من كم يوم في الدوام قالي واحد عن وحده شي وتميت اساله عادي عندها قال أي قلت عادي عندها قال أي وعدت عادي عندها ., عقب قالي اااييييي اشفيج !!

اهنيه انتبهت .,

مو تفهي بس في الصدمه من شي ما استوعبه اتم مو متقبله الكلام عقب امشي الموضوع .,

وعلي فكره هالشي سبب لي احراج خصوصا مع الناس اللي ما تعرفني ., او اللي مافيها صبر

ويسلمووو