عيالنا غير سعداء في مدارسهم..لماذا؟!

[POINT]

التعليم قبل كان قوي لكن يفتقر للحركات الولبيه الي يسوونها خخخخخ
واللغه الانجليزيه بس كانت تعبانه
يعني شييضر لو بس رفعو من المستويات بدل مايغيرون كل شي

ذكرتيني بقصة النملة المطروحة من فترة فالمنتدى...

للاسف سياسة "صفحة جديدة وابتدي من اول السطر" لازلنا نعاني منها فالمدارس و فالوزارات والمؤسسات..

[بصمة قطرية]

العيب فينا.. نزرع كره التعليم بجميغ الاشكال.. هي خليط من اسقاطات تجاربنا.. كره التغيير في المناهج واوقات التمدرس.
نقدر نصلح الوضع اذا توقغنا عن لوم المدارس على كل شي.. خلهم يشوفون شغلهم واحنا نشوف شغلنا.

حتى لو كان الشي غلط ..!!
بو كانت سياسة التعليم ناجحة من البداية
كان ما غيروا فيها كل فترة ..
لو كانت المدارس المستقلة ناجحة كان ما غيروا في المناهج
لو كانت الإختبارات الوطنية ناجحة كان ما ألغوها ..!!!!

تدري شالمشكلة ..
ما زال المجلس الأعلى للتعليم يكابر
يعرفون إن المدارس المستقلة فشلت فشل ذريع
و ما زالوا يكابرون ..
غيرنا طبقوها و فشلت
غصب يبونها تنجح عندنا..
ممكن تنجح بس لما يبتعدون عن العشوائية و التخبط ..
يعني القرار يكون مدروس عدل و متوقعين النتايج ..

[moonبنتnight]

ما دام التعليم أهدافة ربحية عمرنا ما راح نترقى بالتعاليم .. أهم شي راتب آخر شهر والقسائم التعليمية على كل طالب ..
والدوام قتل كل الهواية واي طاقة فكرية لطفل جيل هل وقت لا يوجد لهم وقت الراحة ولعب ..
يوصلون البيت تعبانين ومالهم خلق ندرسينهم يتهرب بس عشان يلعب وتنفس .. ما عندهم غير الاجهزة الالكترونية فرغون طاقتهم فيها ..
أذا في السعودية يطلعون عيالهم 12:30 ويعطونهم اجازة يومين الجمعة والسبت .. وعندنا الدوام طويل وتسأهلهم ليش ؟ يقولون لان أجازة يومين وطولوا الدوام ويحلفون أن اقل دوام طلاب على مستوى العالم ..

[راجي الْعفو]

وعليكم السلام و رحمة الله و بركاته ..

بصراحة التعليم عندنا متجه للهاوية ..



[من الناحية التربوية ]:

مع الانظمة الجديدة بمنع ضرب الطلاب واستصغار المدرس و عدم اعطائه شيئا الصلاحية التي يستحقها والاهمال الحاصل في وسط العمل الاشرافي




[من الناحية العلمية ]:

اخذو فرّة على الطلاب المتخرجين من الثانوية ، و شوفوا شلون قراءتهم و كتابتهم باللغة العربية !!
بتضحكون !
مستانسين لانهم صاروا يرطنون الانجليزي احسن من قبل !

( وهالنقطتين من اهداف العلمانية لمن تفطن ! )

وأيضا ، شوف المعلومات اللي حصلها الطالب المتخرج من الثانوية ..
ستجد أنها شبه ( صفر ! )






[ من الناحية النفسية ] :

إنهاك الطالب بهالدوامات الطويلة ، و كأنه خلق للدنيا ( أخذ النظام الغربي بالكامل تقريبا )
يربون الابناء على الحياة ( المادية ) - سواء كان ذلك بقصد او من غير قصد - ، كما هي توجهات الراسمالية و ما شابهها من التيارات
بينما الانسان قد خلق لطاعة الله عز و جل ، فاشلون بيخلي الهدف الاول اعمار الاوقات بالطاعة مع كل هالامور ؟!

امور كثيرة لا بد من النظر فيها و اعادة صياغتها و ترتيبها مرة اخرى ..



السؤال الذي يحتاج إلى إجابة : لماذا تمت ازالة كلمة ( التربية ) من الهيئة التعليمية ، مع علمنا أن كون التربية قبل التعليم ، أمر متفق عليه عند العقلاء التربويين و العلميين ؟

مع التحية ..

[JN000N]

جنون أنا تقريبا قريب اشترك معك في بعض الأمور

وبصراحه كذا حبيت المدرسه يوم كبرت شوي يعني من خامس وسادس وطالع،،أول ثانوي بدايته كان استثنائي كرهتا لأسباب بس الحمدلله عقب حبيتها ههههه

أما الحين أحس الأطفال من البدايه كارهينها بسبب ضغط الدروس والتغيرات خصوصا إلي حاليا بسادس ابتدائي ،،،،أحس مروا بجميع التغيرات إلي صارت بالمناهج بين عربي وانجليزي وخرابيط وقراراتهم الكثييره

من البدايه كارهينها
وجيل مدرسات غير متاسس صغار لانهم ومازال التفكير الله بالخير
وفوق هذي كفايه النكت والمسجات والفيدوات اللي كلها طنايز عالمدارس والمدرسات وتنرفز الطلبه اكثر من تنرفزهم
لدرجة ان يحسون ان البرودكاست يحكي واقعهم ههههه
وقلوبهم مشحونه عالمدرسه والتعليم
وفوقها يا ضغط المجلس الاعلى بالاتحانات الوطنيه والتمدرس وهالخرابيط

[يمامـة]

العيب فينا.. نزرع كره التعليم بجميغ الاشكال.. هي خليط من اسقاطات تجاربنا.. كره التغيير في المناهج واوقات التمدرس.
نقدر نصلح الوضع اذا توقغنا عن لوم المدارس على كل شي.. خلهم يشوفون شغلهم واحنا نشوف شغلنا.

نعم .. اتفق معك وبقوة..

[الجـــوديّ]

المدارس الخاصة حلوة وخاصة الابتدائية .. ويسوون لهم جو ... يخلي الواحد مايبي يرجع البيت

لكن للأسف...

القليل بل نادر جداً من الأهل من يزين المدرسة ويجملها في عيون عياله .. ويخليها هدفهم الموعود !
كثير من الأهل بقصد أو بدون قصد يزرع في عياله التهرب من المدرسة وسب المدرسين
وعدم احترامهم .. ويذم في الامتحانات والمدرسة بكبرها ..
وين نبي عيالنا يحبون المدرسة ..؟!

[مختلفة عقليا]

السلام عليكم

جنون اقولج معلومه تصدمج ., تدرين ان الاطفال لازم خلال الشرح يلعب او يتنشط كل 7 دقايق !!

بذمتج في مدرسه اتنشط او اتلعب كل 7 دقايق ., زين 10 زين 15 خلاص بداية او نهاية الدرس !! مااااااااااااااااافي

بس ولا يهمج في مشروع في بالي ., ببداء فيه منفرده يخدم الاطفال ., ويشجعهم ع حب المدرسه والدراسة .,

ويسلموو

[حسن]

العيب فينا.. نزرع كره التعليم بجميغ الاشكال.. هي خليط من اسقاطات تجاربنا.. كره التغيير في المناهج واوقات التمدرس.
نقدر نصلح الوضع اذا توقغنا عن لوم المدارس على كل شي.. خلهم يشوفون شغلهم واحنا نشوف شغلنا.

هذا هي الحقيقه والباقي كله افتراء

توني راد على الاختبارات الوطنيه وكتبت الحقيقه نفس كلامك
الاهالي كله متذمرين ويبون يسافرون ويغيبون عيالهم
والحن يوم غيرو لائحه الضبط السلوكي والغياب في حرمان
اسطلبو اولياء الامور

للاسف ادارات المدارس خايفه جدا من اولياء الامور تواصلت كثيرا
مهم
كنت اسمع الكلمه مانقدر الامهات يجون يهدون علينا
والله ادري ان اللي يقرا كلامي سؤا اعضاء او من الخارج يقولون كلامك
صحيح والله واللي ينفيه كذاب اشر
لاكن مانتجراء نقول الحقيقه
كل ماكتبو تقرير حقيقي النطيحه والمترديه والاغبياء ينتقدون تلك التقارير
هذذول هم سبب الفوضي اللي جلبت علينا

[JN000N]

لو سمحتو
نغزات وسوالف مالها داعي كتبوها ف مكان ثاني
لاحد يخرب الموضوع