عشاق ايطاليا بخاطري سورينتو ؟ شو احلى شي فيها؟

[^امـ نواري^]

نابلولي
ايطاليا
روما
فينسيا
وسورينتو ❤️💚💜💙💛
كان بفرنسا

سمعوا ياجماعه
هي جولة بايطاليا
ولنا يوم بكل مدينة :
1) سورينتو : ابغي احلى مكان واحلى جو واحلى شي فيها ؟
بليز خبروني وين اهيت فيها 😊

2) فينسيا الحب :
يوم واحد شلون استغل هاليوم ؟ شو احلى شي بفينسيا 💛

3) ميلان :
يومين ووين نعسعس فيها 😎

4) يوم رايحين كان بفرنسا 💃😋 : على اي بحر نسبح 🏊😜 ونغير جو ونشوف عجايب خلق الله في الطبيعة

يامحبي ايطاليا
ويا عشاق السفر
وياخبراء اوروبا من صبايا وزلامات وبنات وبنين كبار وصغار

ساعدوني هيلب مي
اتحفوني بنصايحكم
🌸💐🌷

[ضوى]

بتروحين ايطاليا ومب رايحة ميلانو

[monatee]

رحت نابولي وروما وفينيسيا مرتين وبكل مره كانت نزلتنا يوم واحد فقط

بالنسبه لنابولي مافيها شي غير ذهابكم لمدينة ( بومبي الشهيره ومشاهده الجبل ) اقري عنها في قوقل
بشكل عام مدينه نابولي مش جميله ،الافارقه فيها بشكل مب طبيعي ، ومافيها امان
لكثره العصابات ،، مع هذا انا كنت متحمسه للذهاب لها لزياره بومبي من بعد ماعرفت قصتها

روما مدينه اثريه جميله ،، اسواقها حلوه ، حاره ومشمسه
مزدحمه دائماً ، وايضاً الامن فيها ضعيف ، بالنسبه لي اعجبتني اسواقها وبضايعهم

فينيسيا ، لاينصح الذهاب لها في الصيف ، حاره جداً ، الاسعار مرتفعه بشكل خيالي
وجود روائح في المياه وخاصه في الصيف ،، يوم او يومين تكفيها للاستمتاع بالقهاوي والمطاعم داخل فينيس

كان : طبعاً من اجمل المدن الساحليه اللي زرتها بالاضافه الى ربعها بالجوار نيس وموناكو ،،
جوها جميل وبحرها اجمل ومناظرها خياااااال

سورينتو و ميلان مازرتهم الصراحه ..


بالتوفيق

[غير البشر]

ياهلا ومرحبا اختي ام نوره

بخصوص الاماكن الي ذكرتيها فيها مسافات اشوي طويله
عشان نرتب لج التخطيط :

ابغي اعرف كم مده السفر ؟؟
ووسيله التنقل داخل ايطاليا ؟؟


لو مثلا بتنزلين من روما لازم تروحين جنوب صوب نابولي ومدينه سورينتو قريبه من نابولي جنوبها
يعني 3 ساعات وربع بالسياره من روما ( 260 كيلو )
ومن روما الى نابولي ( 230 )
يعني من نابولي الى سورينتو 30 كيلو فقط

لكن المشكله بعدها لو بتروحين شمال الى فينيس وميلانو وكان
المسافات ماتقل عن 7 ساعات ونص


ومن ميلانو الى كان بالسياره 3 ساعات ونص ( 350 كيلو )


خلينا نخلص مخططج وبعدها نشوف الاماكن السياحيه وشلون تقضين يومكم

[غير البشر]

رحت نابولي وروما وفينيسيا مرتين وبكل مره كانت نزلتنا يوم واحد فقط

بالنسبه لنابولي مافيها شي غير ذهابكم لمدينة ( بومبي الشهيره ومشاهده الجبل ) اقري عنها في قوقل
بشكل عام مدينه نابولي مش جميله ،الافارقه فيها بشكل مب طبيعي ، ومافيها امان
لكثره العصابات ،، مع هذا انا كنت متحمسه للذهاب لها لزياره بومبي من بعد ماعرفت قصتها

روما مدينه اثريه جميله ،، اسواقها حلوه ، حاره ومشمسه
مزدحمه دائماً ، وايضاً الامن فيها ضعيف ، بالنسبه لي اعجبتني اسواقها وبضايعهم

فينيسيا ، لاينصح الذهاب لها في الصيف ، حاره جداً ، الاسعار مرتفعه بشكل خيالي
وجود روائح في المياه وخاصه في الصيف ،، يوم او يومين تكفيها للاستمتاع بالقهاوي والمطاعم داخل فينيس

كان : طبعاً من اجمل المدن الساحليه اللي زرتها بالاضافه الى ربعها بالجوار نيس وموناكو ،،
جوها جميل وبحرها اجمل ومناظرها خياااااال

سورينتو و ميلان مازرتهم الصراحه ..


بالتوفيق

مرحبا اختي موناتي صح قصه بومبي قريبه سبحان الله كلن مات على وضعه بسبب غبار البركان

روما اكثر الزحمه في ساحه الاسبان والشارع الي جنبه شارع الماركات

ميلانو مافي الا ساحه الدومو وكم شارع غير مافيها شي ثاني

فينيسيا حلوه وخاصه سان ماركو وساحتها الحلوه

كان حلوه وايضا نيس ومن بينهم انتيب

ايطاليا بشكل عام الامن ضعيف والنصب زايد اشويات
وكل مدينه فيها ماتصلح اكثر من يومين

[^امـ نواري^]

مرحبا اخواني وخواتي ..

شكرا من القلب
ضوى
موناتي
وغير البشر ..

احلى شي الرحلات السريعة*
كل مكان يومين ..

[^امـ نواري^]

انا وصلت ميلانو
وعلى طول رحنا كان بالسياره
رووووعه كان وبحرهاااا جميل
وجوها حلوووو بالنهار
وبالليل ربيع براد خفيف ونسمات ترد الروووح
شلون انزل صور
بكره مهرجان كان
وااااو اخيرا تحقق الحلم احنا بكااااان

[^امـ نواري^]

[^امـ نواري^]

غير البشر
قررنا تكون رحلتنا من ميلان وشمال ايطاليا
بدأناها ب كان ..
باقي نرحع ميلان
وفينيسا

والوسيله سياره مع سائق
الرحله خمس ايام

[غير البشر]

الحمدلله على السلامه اختي ام نواري

ماشاء الله المكااااااااان روعه من الصوره انجوووووي واستمتعو
وروحي نيس صوب الشاطئ الانجليزي
وبعدها تكملين لين فندق لي ميرديان وجن الفندق من اليسار ساحات ومطاعم وكوفيهات واماكن حلوه للتمشي
وبعدها روحي بعد خلف فندق لي ميريديان داخل صوب الاسواق القديمه

وانتي طالعه من مكان نزلي في منطقه انتيب d'Antibes
قريبه من كان ماتاخذون ربع ساعه وهي بالنص بين كان ونيس


وبعد روحي Marineland
فيها مدينه العاب وعروض دلافين وفقمات
ومكانها مابين انتيب ونيس
يعني كلهم على خط واحد
ومافي مسافه طويله بينهم

بالتوفييق