نعود بالذاكرة الى الوراء صحيح .. لكن عني انا اشوف عيشة الحاضر أَفضل واتخيل المستقبل بإِذن الله أَفضل .. دوم أفكر في عالم افتراضي خيالي ممتع وأفضل من وقتنا هذا.
بلادنا خربها الضغط البشري الزايد والزحمة وسوء التخطيط .. عايش هالأيام في ألمانيا واشوف جودة التخطيط عندهم والناس ما شاء الله قمة الاحترام .. مطبقين تعاليم الاسلام اللي احنا بعيدين عنها .. تعامل طيب مع وجود عائق اللغة .. وأَمان وخصوصية يحترمها .. ما فيه نرفزة في السواقة .. أَوقات اسوق على طريق بري ضيق السرعة عليه 100 بس يكون واحد أول السيارات يمشي 80 وأحياناً أَقل والكل وراه بمسافة أَمان كافية .. ومن يمر هذا الطريق في قرية الناس يخففون ولا يتعدون ال 50 كلم في الساعة .. طبعاً اللافتات والخطوط المرورية كلها متوفرة والكل يحترمها .. ولا كاميرات الا على بعض التقاطعات المهمة ولا وجود تقريباً للشرطة .. عندنا بعضهم الله يهداهم في الفرجان يمشون 100 ويحترمون الرادار.