رحلـة أوروبيـة ( ميونيخ - زيلامسي - انترلاكن ) نصائحكم ؟

[أسير الاسهم]

السلام عليكم

يالربـع مرتب على سفره شبـاب تمشاية ونهائي دوري الابطال

الجدول كالتالي:

الجزء الاول:
دوحـة - ميـونخ ومن ميونخ نروح ( قارمش .. زيلامسـي .. انترلاكن ) بالسياره من مطار ميونخ نروح هالاماكن

الجزء الثاني:
ميـونخ - برليـن يومين نحضر النهائـي ونرد الدوحــة .. العودة من برليــن



المهـم الآن أبي نصائحكم بشكل عام .. وش الاشيائ المهمه اللي آخذها فالحسبان .. المشاكل اللي واجهتكم وممكن تواجهني .. أماكن حلوة تنصحوني بزيارتها .. مدن وقرى رآئعة للسكن قريبة من انترلاكن .. وقريبة من زيلامسي ..

والجدول ترا عبارة عن 2 اسبوعيـن موزعة على هالاماكن


ما نستغنـي من نصـائحكم

[معماري قطري]

انا حالياً في ميونخ والجو حلو وخاطري في الروحة لبرلين بس الظروف ما تسمح والحمد لله الجزيرة مفتوحة عندي

الله يوفقكم ما اتوقع تواجهكم مشاكل الأُمور سهلة بس الله يعينكم في برلين مع الزحمة .. حاولوا ترتبون اموركم أَول بأَول .. في ميونخ عندك الماريوت حلو ووسط السوق ولو حابين مساعدة هذا عراقي عنده مكتب عقارات

عصمت النائب 491515155500 محترم يعرف يخلص اموركم لتأَجير سيارة زينة وسكن لو حبيتوا

[غير البشر]

مرحبا اخوي

ماقصر اخوي معماري قطر على أفادتة لك

الأماكن الحلوه والنصائح خليها عقب ماخلص من مخطط سير الرحله

ترتيب الرحله حسب الأماكن الي طلبت تزورها

ميونخ
زيلامسي
قارمش
انترلاكن

وبعدين اخوي ليش بترجع ميونخ عشان تروح برلين

ممكن اعرف وسيله التنقل إلى برلين

بالنسبه لي ارشح لك طيران من زيوريخ إلى برلين
لاترجع ميونخ

وقارمش لو بتسكن فيها لاتسكن أكثر من ليله واحده

والمدن القريبه من زيلامسي ممكن تسكن في كابرون أو ماريا الما
أو إذا تبغون تسكنون بمكان هادي وطبيعه وبحيرات ارشح لك وولف قانق
قريبه من زيلامسي وسالزبورغ وميونخ

والمدن القريبه من انترلاكن ممكن تسكن في جرينوالد
ومنها تزور قريه وينجن و مورين
وممكن أيضا السكن في مدينه لوزيرن


تحياتي

[أسير الاسهم]

انا حالياً في ميونخ والجو حلو وخاطري في الروحة لبرلين بس الظروف ما تسمح والحمد لله الجزيرة مفتوحة عندي

الله يوفقكم ما اتوقع تواجهكم مشاكل الأُمور سهلة بس الله يعينكم في برلين مع الزحمة .. حاولوا ترتبون اموركم أَول بأَول .. في ميونخ عندك الماريوت حلو ووسط السوق ولو حابين مساعدة هذا عراقي عنده مكتب عقارات

عصمت النائب 491515155500 محترم يعرف يخلص اموركم لتأَجير سيارة زينة وسكن لو حبيتوا

تسلم يالحبيب

[أسير الاسهم]

مرحبا اخوي

ماقصر اخوي معماري قطر على أفادتة لك

الأماكن الحلوه والنصائح خليها عقب ماخلص من مخطط سير الرحله

ترتيب الرحله حسب الأماكن الي طلبت تزورها

ميونخ
زيلامسي
قارمش
انترلاكن

وبعدين اخوي ليش بترجع ميونخ عشان تروح برلين

ممكن اعرف وسيله التنقل إلى برلين

بالنسبه لي ارشح لك طيران من زيوريخ إلى برلين
لاترجع ميونخ

وقارمش لو بتسكن فيها لاتسكن أكثر من ليله واحده

والمدن القريبه من زيلامسي ممكن تسكن في كابرون أو ماريا الما
أو إذا تبغون تسكنون بمكان هادي وطبيعه وبحيرات ارشح لك وولف قانق
قريبه من زيلامسي وسالزبورغ وميونخ

والمدن القريبه من انترلاكن ممكن تسكن في جرينوالد
ومنها تزور قريه وينجن و مورين
وممكن أيضا السكن في مدينه لوزيرن


تحياتي

هلا غيـر البشـر

التنقل إلى برلين بالطياره ( أيربرلين ) .. وسبب العودة لميونـخ أرجع السياره للمطار لانه مأجر سياره من مطار ميونخ اول ما اوصل استلمها .. واروح فيها جولتـي فالمدن المذكورة وبعدها ارد لميونخ اسلم السياره فالمطار واطير لبرليـن


وبالنسبة للسكن حاجز في كابرون عشان زيلامسـي .. وفي الديرة الثانية قرية قريبة من انترلاكن .. موزع المدة 4 ليالي + 3 ليالي

وميونخ أحتمال اجلس يوم واحد اشوف سنتـر ميونخ و اروح فيها قارمـش عالسريـع


عقبها ليلتين في برليـن يوم قبل المبارة بيوم ويوم المباراة ووالجك آوت ظهر اليوم التالي ,, وعالمطار للدوحــة بإذن الله

[qr95]

الله يحفظك وترجع بالسلامه

[Engineeriya]

انا رحت أنترلاكن مرتين .. جميلة جداً مره قعدت في شقة في مكان اسمه Savoy هو في فندق و في شقق تتأجر ..

المره الأولى قعدت فيه 7 أيام .. انترلاكن جميله جداً ..
نصيحتي لك لما تروح ..
اركب البراشوت انا جربته ياخذونك لين فوق الجبل بارتفاع 1800 فوق سطح البحر بتلاقي الكوشك المسؤول عن هالشيء حول الساحه عند فندق فكتوريا ..
قيمته تقريباً (200 وشوي فرانك )
اذا تبي اخوي انا عندي اسامي رحلات احنا رحنا كذا رحلة لشلالات و في خذا التلفريك فوق الجبل ..
اي و بقولك في سيارات صغيرة تتأجر هذي اللي بس اثنين يكونون فالسياره خذها و روح فيها حول البحيرات القريبه حلوة السواقة فيها
تقريبا تأجيرها 70 فراند
و عندك مره طلعنا بالسياره رحنا زيورخ ما ياخذ المشوار ساعه وشوي نزلنا مصنع الجوكليت lndtl
و عقب رحنا ماتركس مدينه على البحر فيه مطعم ايراني حلو المكان حق التمشي ..
المره الثانيه لما رحنا قعدنا في ميتروباول
الفندق زوين ..
المهم هذي الرحله قعدنا 3 ايام ..
رحنا رحله فوق الجبل
http://www.jungfrau.ch/en/tourism/de...e/experiences/
رحلة جميله جداً بس عيبها 1 وشوي عشان تروح فوق الجبل و النزله نفس الشيء
بس الصراحة شيء يسوى ..
تقريباً قيمة التذكره 700 ريال اظن مب متذكرة ..
في فوق متحف و مطعم ^^ وايد المكان حلو انصحك فيه

و اذا تبي بعد معلومات عن المطاعم وجي خبرني بكمل ^^"