+ ابيك تتوسط لي +

[شبح الصمت]

السلام عليكم ورحمة الله وبركاته ،،،


مدخل الشاعر عبد المحسن المطوع




الواسطه ولا يخفى عليكم حرف ( الواو ) ..
الكل منا يحتاجها في هالزمن

ونيسنا انه الواسطه اهي بيد الله سبحانه وتعالى والانسان سبب فيها يصخر الله لك الناس عشان يساعدونك لقضاء حاجتك ..



هل انت مع الواسطه في جميع نواحيها ..

وهل ترى انك مجبور على القيام فيها لاجل ما ازعل فلان وعلان ولا حد ينقد علي ..


المجال مفتوح لكم للنقاش والموضوع اذا حسيت انه بياخذ منحنى آخر راح احذفه ..

بنتكلم عن كيفية اختيار الشخص المناسب لكي اتوسط له اشلون وكيف ..
هل اهو يستحق اني اتوسط له للعمل ..
وهل انت تحاسب يوم تبي تتكلم عن شخص وتسال عنه قبل هل هالشخص اوكي ويقوم بعمله وحرك والا رابض في مكانه


وهل انت من الناس الي تقدر تتوسط ولكنك تخلي الواسطه لوقت الازمات الصعبه والا تحب تساعد على قضاء حاجات الناس

محتاجين او غير محتاجين

أهم شيء تبيض الوجه



واسمحو لي يمكن ما قدرت اصيغ الموضوع بالطريقة المناسبه ..



والله يجزاكم خير

[JN000N]

لا

ومن مبدأ لا تكثر الدوس ياخلي يملونك < خاصه ان وايد ناس يطلبون وايد مره مرتين ثلاث وبعدين يعني؟
في أمور كثيرة نقدر نسويها او نوصل لها بدون واسطة لكن الكسل ف الناس خلاهم يدورون اسهل شي
جيتك من طرف فلان
طبعا هالشي بدا ينقرض مع سياسة الدولة ووايد زين انهم التفتو لهالامور
في فترة من الفترات نقدر نقول ان ماودتنا ف داهية الا الواسطات
في بعض الأمور القوية تحتاج واسطة أقوى خاصة ولو مواضيع انسانيه او شي مهم وهالشي اللي مستحيل ينقرض
ومازلت اقول اني ضد الواسطات
يوم ادرس ف الجامعه كنت عارفه وواثقه ان المكان اللي هلي راضيين فيه بس اقول ابي هالمكان بتوظف بدون شي فيه بس انا مابغيت هالشي ابي اعرف شهادتي وتعليمي وين بيوصلوني ابي ابني ثقتي بنفسي بشغل يدي انا مب مساعدة حد
ونفس الشي اخواني المكان الي يبونه اسهل شي يتوظفون فيه ولكن ابوي قالهم انا ابي منكم شهادات ترفع راسي ولين قدمتوها ماحتاج فلان ولا علان يتوسط لكم درجاتكم وشهاداتكم هي اللي توصلكم

ف الحق ضروري تدخل الواسطات
اما مصالح فرديه ضررها اكبر من نفعها ف هالشي مرفوض رفض نهائي

[شبح الصمت]

الله يعطيج العافيه JnoOoOn


وصادقه في كل كلمة بس انقرضت !!!!

ما اتوقع الواسطه في اماكن كثيرة تدخل

يمكن عادي تحصلين ناس يتوسطوون لناس اهم اكفاء بس يبي لهم دزه
وفي ناس مش اكفاء او مهب وجه الواحد يدخل وجه بين العرب واخرتها يفشلوونا ..

وبخصوص الدراسات اتوقع صارت في انظمة وقوانين ونسب اهي الي تحدد البعثات والدراسات
والله يطول بعمر الامير الوالد والشيخة موزا وسمو الامير الشيخ تميم
الاهتمام في العلم من ابرز واقوى الخطط الي الدولة مهتمه فيها وفي اجيالها ..


تهقين جنون في واسطات حق الزواج فلان يتوسط لفلان !!

[الحياة الخالدة]

في واسطة حميدة و واسطة خبيثة

الحميدة : اللي تسهل فيها أمور واحد مستحق
تعب و هو يبي ياخذ حقه و مب قادر

و الخبيثة : اللي تتعدى فيها على حقوق غيرك
وتاخذ الشي من غير وجه حق

[JN000N]

الله يعطيج العافيه JnoOoOn


وصادقه في كل كلمة بس انقرضت !!!!

ما اتوقع الواسطه في اماكن كثيرة تدخل

يمكن عادي تحصلين ناس يتوسطوون لناس اهم اكفاء بس يبي لهم دزه
وفي ناس مش اكفاء او مهب وجه الواحد يدخل وجه بين العرب واخرتها يفشلوونا ..

وبخصوص الدراسات اتوقع صارت في انظمة وقوانين ونسب اهي الي تحدد البعثات والدراسات
والله يطول بعمر الامير الوالد والشيخة موزا وسمو الامير الشيخ تميم
الاهتمام في العلم من ابرز واقوى الخطط الي الدولة مهتمه فيها وفي اجيالها ..


تهقين جنون في واسطات حق الزواج فلان يتوسط لفلان !!

لا والله صدقني مع التطور والسياسات الجديده كل شي قاعد يتغير
وبتجوف
كلمة جايك من طرف فلان هذي يحق لك ترفضها وفلان اللي جايين من طرفه بنجوف شلون بيتكلم


وواسطات الزواج منتشره ههههههههههههههااي
شدعوه يعني غشيم ماتدري

[عاشق العديد]

مرحبا شبح ،،

لا شوف هي كلش مب مطلوبه للو الموظف الي قدامك بيخلصك من غير ماتكلم فلان وفلان

[رهج السنابك]

اي اذا حد طلبني بساعده احب اساعد الناس واتوسط واكافح لاجل اسعد غيري وافرج عليه متى ماكان بيدي
الواسطه مافيها شي
احيانا شخص مستحق بس لان غيره اخذ بواسطه وعلاقات ومصالح تلقى نفسك غصب تبي تساعده عشان ياخذ حقه مب تقول والله بالطقاق انا ماتوسط ولا اساعد
المسلم للمسلم

بس في واسطات تضر خاصه لو تعرف ان الشخص مايصلح او راعي مشاكل هنا التهرب افضل

[ودي أكون]

بالنسبه لي انا انسانه مع الواسطه..، اذا كان تقييمي للشخص ان هو بالفعل شخص يستاهل الواسطه .. مع العلم اني انا اللي ابادر بالشيء بمعنى ماحب او انطر احد يطلبني
لين شفت حد متوهق، محتاج شيء، مايقدر يحصله او يوصله، بنفسي اعرض عليهم الحل او اتوسط لهم .. واقولهم كاش لو انج ماتستاهلين تأكدي كان ماتوسطت لج


اما شخص مايستحق الواسطه، هذا لو بإمكاني اخدمه بخدمه، لكن اني ادخل بواسطات عشانه لا .. محتاج حل، محتاج اساعده في الحل، محتاج اخدمه فاله طيب، لكن دامه ما يستحق الواسطه احاول قد ما اقدر اني مااعرض خدماتي، او اقولها بشوف ان شاءالله اذا قدرت اساعدج.. واسحب عليها بذوق ( ماشفت فلانه، اوه نسيت، مشغوله اسمحيلي ناسيه كل شيء هالفتره،.. لين تمر الايام وتصرف هي نفسها بنفسها

وشكراً ..

[شبح الصمت]

في واسطة حميدة و واسطة خبيثة

الحميدة : اللي تسهل فيها أمور واحد مستحق
تعب و هو يبي ياخذ حقه و مب قادر

و الخبيثة : اللي تتعدى فيها على حقوق غيرك
وتاخذ الشي من غير وجه حق

الواسطه وجهين لعمله واحده الحياه ..

يعطيج الف عافيه ..

بس ما قلتي لي انتي مع الواسطه وآلا لا
وتحبين انج تكونين من الوسطاء في شيء تقدرين عليه وآلا تتهربين .!

[شبح الصمت]

لا والله صدقني مع التطور والسياسات الجديده كل شي قاعد يتغير
وبتجوف
كلمة جايك من طرف فلان هذي يحق لك ترفضها وفلان اللي جايين من طرفه بنجوف شلون بيتكلم


وواسطات الزواج منتشره ههههههههههههههااي
شدعوه يعني غشيم ماتدري

تهقين في حد يقدر يحرج فلان يوم اقولج جنون انا جايك من طرف فلان بتقولين لي توكل عالله ..


واااا خزياه
وجهك راح قدام فلان ..


اتوقع صعبة احد يمكن باسلوب جميل اقدر اني ازحلق اسم فلان واخليك ما ترجع لفلان مره ثانية وتعطيه اكس انه واسطته اطلعت ولا شيء ..