مــن أروع المـقـــاطع اللي مرت علي .. الفتى المدخن

[JN000N]

انا بالبداية تاثرت بس بعدين حسيت مافيها منطق قوي مقنع

لما يعطيهم الورقه ومكتوب فيها خايف علي ومو خايف على نفسك!!!

طبيعي بخاف عليك لانك طفل وانا رجل لكن لو كنت رجل ماكنت نصحتك ولا خفت عليك

اهني حسيت بضعف المقطع
هو مب خوف على طفل غريب مايعرفونه بس هي فكره مخزنة بالعقل ان هذا طفل مايصير يدخن لانه مايتحمل

سلامتج
كل ريال يحتاج شي عاطفي يؤثر فيه
طبيعة الرجل غير عن طبيعة المرأه للعلم
الريال مستحيل ينقاد بالكلمة القوية او الشده او الاسلوب المباشر ف النصح مب ف اي شي
ولكن بالذات ف امور هو بينه وبين نفسه عايش صراع في تركها وعدم المقدرة على ذلك
وذكر ان الذكرى تنفع المؤمنين
مع المشاغل ف الدنيا الواحد ينسى نفسه
يلاقي نفسه تعود على عادات سيئه تضره
مثل اللي 24 ساعه قاعد يشتغل ف المكتب وف البيت ونسى هله وجماعته
وبدا يتعب ويبين عليه الجهد وهو مب حاس بنفسه
لحد ما تجيه بنته الصغيره وبكل حنيه واسلوب طفولي بريء تقوله يبه وحشتني من زمان ما قعدت معاك
شتسوى هاللحظه؟
عندج بعد باعتقد انها مش مؤثره
ولكن عند معظمهم لها أثر ويمكن تكون هي الكلمة اللي صحته من غفلته طول هالوقت وهو مجابل اوراقه وشغله
نفس الشي التدخين
انا ابوي كان يدخن
عمر النصح المباشر ما ينفع معاهم
هو مب ياهل ولا مراهق عشان تنهينه عن شي او تزقرينه عن فعل شي او يكون كلامج معاه حاد
هو يحتاج اسلوب ثاني فكره تخليه بينه وبين نفسه يفكر
ليش انا خفت عالولد؟ لان بيتعب؟ بيمرض! لان الزقاره مب زينه بتسبب له السرطان
لان صغير حرام يخرب مستقبله
زين وانا؟ انا ابو عندي عيال ليش اضر نفسي؟ هالولد نبهني على شي يقولي انت خايف علي؟ مب خايف على نفسك! صح ليش انصحه واقوله لاتدخن اذا ماقدرت امنع نفسي؟ لاني جربت وتعبت!!! زين خل اتركها خل ارتاح منها
خل اكون قدوة لعيالي مابي ولدي باجر يكون مثله ويدخن لان يجوفني انا وقتها مالي حجه امنعه
فهمتي الحين؟ مب شرط النتيجة لهالفعل تكون 100% ناجحة
ولكن بدراسة عينات بتلاقين ان في أشخاص تأثرو لو مب وقتها تركوها بيتم فتره يتذكر الموقف

روووعه الفيديو حبيت التصوير وردة الفعل كانت احلى شي .. الفكره اوصلت بطريقه بسيطه بس المعنى وصل منهااا
الله يبعد كل مدخن عن التدخين ان شاء الله ..

ياما فكره بسيطه كان لها اثر كبييييير

هذا الأسلوب المطلوب ..

الله يرحم أيام الترهيب ،، (( لا تسرع فالموت أسرع )) ...

نحتاج أساليب جديدة تتخذ سمة السهل الممتنع !

بالضبط
نحتاج اساليب تدخل القلب
تأثر بالتفكير والممارسات
بسنا اساليب ترهيبية وكلام من صخر

الارستقراطية ماعاد يعجبج شي

افف متذمرة وتحسسين الواحد باحباط وهو متفائل خير

جنون مقطع رااااائع شكرا لج

ماعليج من المحبطين
دايما لازم نتفائل خير

انا الحمدلله تركت التدخين قربت على السنتين

الحمدلله والله لا يردك لها

[JN000N]

الله يعطيج العافيه جنون


شفت الفيديو على الوتس آب
مقطع مؤثر صراحة

بس في نهاية المقطع الاورقة كان مفروض تصاغ بعبارة غير عن العبارة المكتوبه عبارة يكون لها تآثير على المتلقي ..
او ورقة مكتوب فيها ارقام المستشفيات للعلاج من هالمرض
كان بيكون افضل جنون والموجودين اشوف ..


اني اوصل لهم معلومه وفي نفس الوقت اعطيهم كرت او شيء او معلومة يمكن يتآثرون فيها في يوم
وان ما اقدرو شخصياً انهم يتركونها يتوجهون لجهات تساعدهم على تركها ..


شكراً

الله يعافيك اخوي شبح
مرات في مقاطع ما تأثر فينا يمكن تشبعنا من الدراما
وفي امور تأثر بغيرنا ويكون تأثيرها قوي
less is more
كل ما كان الشي بسيط كل ما وصل اسرع
صدقني لو كان الورقه فيها رقم مستشفى ماكان بيتاثر الشخص
لانك عقب هالدراما كلها دخلته ف موجه ثانيه عكسيه
يحتاج شي يأثر ف مشاعره وتفكيره ياخذه بالعاطفه
انت خفت علي عاطفتك وحنيتك طلعت علي لاني ولد صغير
زين ليش ما تحن على نفسك وترحمها؟

[JN000N]

نفس شعورج.. واضيف عليه ان هل اتركوا التدخين لمجرد انهم انحطوا في مثل هالموقف؟

فالطفل ما يصير يدخن .. لكن لو ياهم واحد كبير وقال لهم تولع لي بيولعون له بكل رحابة صدر ولا بيخافون عليه..

وهل قلنا ان المقطع بيخليه كلهم يتركون التدخين؟
لا ضير من المحاوله يا اليمامه
وردي عليج بالضبط مثل ردي على ارسطو

[شبح الصمت]

الله يعافيك اخوي شبح
مرات في مقاطع ما تأثر فينا يمكن تشبعنا من الدراما
وفي امور تأثر بغيرنا ويكون تأثيرها قوي
less is more
كل ما كان الشي بسيط كل ما وصل اسرع
صدقني لو كان الورقه فيها رقم مستشفى ماكان بيتاثر الشخص
لانك عقب هالدراما كلها دخلته ف موجه ثانيه عكسيه
يحتاج شي يأثر ف مشاعره وتفكيره ياخذه بالعاطفه
انت خفت علي عاطفتك وحنيتك طلعت علي لاني ولد صغير
زين ليش ما تحن على نفسك وترحمها؟

انا معاج ..

وترى المدخن لو مهب عن قناعه ذاتيه في داخله انسي ..

اغلب المدخنين يوم نسالهم عن التدخين الزقارة اقصد فيها منهم من يقول

تعدل مزاجي
تريح اعصابي

لو يوقفون لحظة الي يقولون ما نقدر نتركها
في رمضان الشهر الفضيل قريب الـ 15 ساعة ونت متحمل ما تقدر تكملها !!

ترى اهي عامل نفسي لا تعود على الشيء ولا هم يحزنون يقول مقدر ..

تناقض ..

[JN000N]

انا معاج ..

وترى المدخن لو مهب عن قناعه ذاتيه في داخله انسي ..

اغلب المدخنين يوم نسالهم عن التدخين الزقارة اقصد فيها منهم من يقول

تعدل مزاجي
تريح اعصابي

لو يوقفون لحظة الي يقولون ما نقدر نتركها
في رمضان الشهر الفضيل قريب الـ 15 ساعة ونت متحمل ما تقدر تكملها !!

ترى اهي عامل نفسي لا تعود على الشيء ولا هم يحزنون يقول مقدر ..

تناقض ..

اي نفسيا اكثر شي
ابوي كان يدخن
جرب كل شي والعلوج مالهم وكل شي سواه
ونصيحتنا له كانت مباشره
سنين ولا تركها
يوم تحول الموضوع عاطفي
شاف خوفنا عليه
وحس ان احنا بدونه ولا شي ومانبيه يصيده شي
لين كح مره والا قال اه يجوفنا شلون نتلخبط كلنا واكره شي عنده يشوف دمعة وحده فينا
نفسيته تغيرت
يهتم بنفسه يعني يهتم فينا
من رمضان بدا وتركها ورمضان هالسنه بيكون ثالث رمضان له بدون زقاير

[شبح الصمت]

اي نفسيا اكثر شي
ابوي كان يدخن
جرب كل شي والعلوج مالهم وكل شي سواه
ونصيحتنا له كانت مباشره
سنين ولا تركها
يوم تحول الموضوع عاطفي
شاف خوفنا عليه
وحس ان احنا بدونه ولا شي ومانبيه يصيده شي
لين كح مره والا قال اه يجوفنا شلون نتلخبط كلنا واكره شي عنده يشوف دمعة وحده فينا
نفسيته تغيرت
يهتم بنفسه يعني يهتم فينا
من رمضان بدا وتركها ورمضان هالسنه بيكون ثالث رمضان له بدون زقاير

الله يحفظه لكم ويطول بعمره ويجعلكم ذخر له ..

والله ثيبته ويبعد عنه وعن المسلمين كل ما يضر في النفس والجسم ..

[JN000N]

الله يحفظه لكم ويطول بعمره ويجعلكم ذخر له ..

والله ثيبته ويبعد عنه وعن المسلمين كل ما يضر في النفس والجسم ..

امين يارب
جزاك الله خير

[رهج السنابك]

نفس شعورج.. واضيف عليه ان هل اتركوا التدخين لمجرد انهم انحطوا في مثل هالموقف؟

فالطفل ما يصير يدخن .. لكن لو ياهم واحد كبير وقال لهم تولع لي بيولعون له بكل رحابة صدر ولا بيخافون عليه..

دام معاي القمر مالي ومال النجوم

انا المقطع شايفته قبل بالبدايه قلت اوه قوي مؤثر بس بعدها فكرت لقيت العباره ركيكة لو كانت اقوى بتكون واو

لانٌ كثير من المدخنين يعلمون بمضارها بس دام صحتهم اوك مب حاسين بشيء وضرر التدخين مثل ضرر السمنه والاكل التعبان
يعني لو الي مثل المقطع رجل على قولتج كان ولعوا له وهم شاقين الحلج
بس العقل يقول لهم هذا طفل بيتضرر لكن احنا لنا عشرين سنه ندخن ومافينا غير العافيه

[عبدالعزيز 101]

عجبني الفيديو، وصلوا الرسالة بطريقة حلوة !

ان شاء الله تكون بدايتهم بالاقلاع من هالموقف

[JN000N]

عجبني الفيديو، وصلوا الرسالة بطريقة حلوة !

ان شاء الله تكون بدايتهم بالاقلاع من هالموقف

ان شاء الله
ليش لا