2015 Maserati Ghibli
السلام عليكم ورحمة الله وبركاته
شباب شرايكم فهالموتر 2015 Maserati Ghibli من مواصفات وحك فالمطبات
كيف الصيانه له وسعره كم ممكن ينزل سنويا
الموتر يبغيه واحد من الربع لهله محتارين بين الرنج ايفوك بابين دايناميك وهالموتر وما خاب من شار
شخصيا اشوف المازراتي اكشخ بس ما عندي اي خلفيه عن الوكاله واسعار الصيانه وقطع الغيار هو ناوي عالبيسك بحكم انها ارخص ما وده يشطح بالسعر
شاكر لكم مقدما ردكم
البيسك أظن 327 ألف ريال
بس ما أنصحك فيه بالمرّة .
سواقته حلوة لا شك
لكن بطن الموتر يحك على أقل مطبة اصطناعية ..
شي يملل يملل
والقراربيدك .
عندنا وحده فالبيت
الصيانه 3 سنين مجانا والضمان من والى يعني قطع الغيار مجانا
السواقه حلوه و6 سلندر
احسن من الرنج ايفويك
العيب ان الموتر وايد نازل فالارض ويحك وايد
المشاركة الأصلية كتبت بواسطة جاسم الدوحة
مشكورين وما قصرتوا شباب
الرجال مدح الموتر وشكله دخل فخاطرهم للاسف ما جربوه من ناحية حك المطبات خبركم اللؤلؤه ما فيها مطبات قال بيجربونه مره ثانيه فمكان فيه مطبات
بس احسه متردد من حيث الاقبال عالموتر على كلامه ما راح ينباع قبل ثلاث سنوات واحتمال خمس هل بيكون له سوق وقتها ومن حيث طيحة سعره هل يدق السعر ولا ما عليه خوف بيكون له شراي بسعر معقول
لا طبعـــاً ..
بعد خمس سنوات
يدق السعر
وعليه خوف
ولا بيلقاله شراي بسعر معقول .
لأن الصيانة بتستمر غالية
والأعطال تزيد ، والقطع تستهلك أكثر
ويتم الموتر يطلب ويطلب
والوكيل بيلعب بحسبتك ..
بصراحة .. وأبغيلك الراحة
ضوابط المشاركة
رد مع اقتباس