النتائج 1 إلى 10 من 10

الموضوع: مخطط للصيف

  1. #1
    عضو نشط الصورة الرمزية ســداويــه
    رقم العضوية
    18239
    تاريخ التسجيل
    Oct 2007
    المشاركات
    742

    مخطط للصيف

    السلام عليكم ورحمة الله وبركاته

    عندي كم استفسار بأذن الله مقرره أسافر بداية شهر 8 ولمدة 26 يوم وهالمرة العدد كبيــــر تقريبا 10 أشخاص و 3 أطفال

    الدول اللي في بالي الوصول على باريس (ديزني تقريبا 6 أيام) ومنها شنو الأفضل لان ودي بـ أنترلاكن

    تنصحوني أتم في جنيف أو ديفون الفرنسية ومنها لأنترلاكن ويهمني (المواصلات وكم المدة ) طيارة أو قطار من باريس للمنطقة اللي بتنصحوني فيها

    فيه منطقة عاجبتني قريب أنترلاكن وفيها باص يوصل للبحيرة أسمها (اسلتوالد) شرايكم فيها حسيتها هادية وروووعه

    وباقي الجدول عليكم "إذا ماعليكم أمر"

    أذا بدخل يورب بارك شنو الجدول بيكون (الافضل أسكن في بادن بادن أو مكان ثاني) أحب الريف أكثر من المناطق العادية

    وأذا ابي قارمش بعد شلون بيكون أو في منطقة ثانية نفسها وأقررب..

    أسفة إذا طولت بس ماعرف المسافات ومحتارة بالتخطيط ومابي تعب وااايد .. ومابي السوق الا أخر الايام يــ (فرانكفورت أو ميونخ )
    التعديل الأخير تم بواسطة ســداويــه ; 08-06-2015 الساعة 10:46 AM
    {{ اللهم صبّ عليّ الرزق صباً صباً ، و لاتجعل عيشي كدّاً ولانكدّاً }}

  2. #2
    عضو
    رقم العضوية
    31142
    تاريخ التسجيل
    Mar 2010
    المشاركات
    109
    مرحبا اختي ..
    احس 6 أيام وايد على ديزني ..
    انتي وين بتسكنين في ديزني ؟
    لأن احس 4 ايام وايد اذا انتي بتسكنين في فنادق ديزني ..
    و خلي يومين في Chessy اللي هي قريبه من ديزني
    بينها وبين ديزني 5 دقايق بالقطار او بالسياره
    فيها الأوت ليت و مجمع كبير حق التسوق حلو وايد

    وتقدرين تروحين منها لباريس بالقطار خلال 45 دقيقه

    جوفي في فرنسا تقدرين تروحين Chamonix .. شامونيه
    وايد وايد حلوه فيها جبل مونت بلانك
    بس احنا كنا رايحين فالسياره .. كانت في اشغال فالطريج فتأخرنا لان كنا نتنقل بالسياره ..
    تقدرين ترجعين حق موقع الخطوط مالت القطارات و بيسهل عليج ..
    انترلاكن وايد حلوه انصحج فيها واذا حابه التفاصيل اللي فيها بخبرج
    انترلاكن و زيورخ بينهم ساعه وشوي بالسياره ..
    زيورخ حلوه للشوبنق ..
    تبين رايي خذوا لكم سياره و شغلوا القارمن احنا مره اجرنا من ميلان و رحنا سويسرا و فرنسا و رجعناها
    و مره من بروكسل لين فرنسا " ديزني " لين انترلاكن و زيورخ
    لا يسمح بإستغلال التوقيع للدعاية
    الا للمشتركين في برنامج تسويق

    إدارة المنتدى

  3. #3
    مشرف السياحة والسفر الصورة الرمزية غير البشر
    رقم العضوية
    3132
    تاريخ التسجيل
    Aug 2005
    الدولة
    Qa6ar
    المشاركات
    47,328
    مرحبا اختي سداويه

    ان شاء الله في بالي حاليا ومبدئيا مخطط لج
    وراجع لج اليوم ان شاء الله بكتب لج مخططي

    بس ابي اتناقش الحين معاج بخصوص التنقل من منطقه لأخرى
    طبعا استبعدي موضوع القطار استبعاد تام والسبب ان عددكم كبير بكون متعب بالشنط وترتيبها داخل القطار
    واستبعدي الطياره لان ماتقدرين تروحين لانترلاكن دايركت
    الا اذا محطتج بعد باريس الى جنيف ممكن تروحين بالطياره وبعدها سياره الى انتر لاكن

    والافضل من هذا كله انكم تستأجرون سيارتين اذا عندكم شخصين ممكن يسوقون
    وخاصه لان انتي من محبين الارياف فهذا معناه استأجار سياره ولاترددون فيها
    واذا تبغون تستاجرون سياره انا بساعدكم ان شاء الله

    ترتيبي الحالي :
    الوصول باريس
    دزني لاند
    جنيف او ديفون او تواري
    انتر لاكن
    فرايبورغ ( المانيا ) قريبه جدا جدا من مدينه رست اوروبا بارك مدينه ريفيه جميله
    ميونخ في طريق العوده

    وراجع لج ان شاء الله للترتيب بالتفصيل


    تحياتي

  4. #4
    مشرف السياحة والسفر الصورة الرمزية غير البشر
    رقم العضوية
    3132
    تاريخ التسجيل
    Aug 2005
    الدولة
    Qa6ar
    المشاركات
    47,328
    بالنسبه لأستفسارج عن

    فيها باص يوصل للبحيرة أسمها (اسلتوالد)


    اختي هذي قريه على بحيره برينز
    وهالبحيره عليها قرى كثيره ومنها انتر لاكن وقريه برينز وايضا شلالات جس باخ
    يعني هالمدينه جنب انتر لاكن وفي باص ياخذج من انتر لاكن الى هالقريه وايضا الى الشلالات
    وايضا باص الى مدينه برينز
    وايضا قارب ياخذج لكل هذه القرى


    بالتوفيق

  5. #5
    مشرف السياحة والسفر الصورة الرمزية غير البشر
    رقم العضوية
    3132
    تاريخ التسجيل
    Aug 2005
    الدولة
    Qa6ar
    المشاركات
    47,328
    مرحبا اختي سداويه سويت لج مخطط رحلتج على الخارطه
    واذا تبغين تغيرين او عندج ملاحظات على اي نقطه ممكن نعدلها ونرتبها لج

    طبعا الوصول والمغادره باريس وميونخ باللون الاسود
    اماكن السكن : باريس - جنيف او تواري - انتر لاكن - فرايبورغ - ميونخ
    الاماكن القريبه للزياره والعوده بنفس اليوم :

    1- باريس الاماكن القريبه دزني لاند
    2- جنيف الاماكن القريبه منها تواري الريف الفرنسي - بحيره انسي الفرنسيه - شامونيه ( قمه مونت بلانك ) سويسرا
    3- انتر لاكن الاماكن القريبه منها مونترو ومصنع نستله
    4- فرايبورغ الاماكن القريبه منها زيوريخ - شلالات الراين - كولمار فرنسا - ستراسبورغ فرنسا - اوروبا بارك المانيا - بادن بادن المانيا - الغابات السوداء المانيا - اولت لت متسيغن المانيا - شتوتغارت المانيا
    5- ميونخ الاماكن القريبه منها قارمش - ليغو لاند - بحيره وولف قانق


    العاب





    بالنسبه لقريه سيتوالد

    هذا مكان القريه بنفس البحيره الي فيها انتر لاكن
    فقط للتوضيح


    العاب

  6. #6
    عضو نشط الصورة الرمزية ســداويــه
    رقم العضوية
    18239
    تاريخ التسجيل
    Oct 2007
    المشاركات
    742
    اقتباس المشاركة الأصلية كتبت بواسطة Engineeriya مشاهدة المشاركة
    مرحبا اختي ..
    احس 6 أيام وايد على ديزني ..
    انتي وين بتسكنين في ديزني ؟
    لأن احس 4 ايام وايد اذا انتي بتسكنين في فنادق ديزني ..
    و خلي يومين في Chessy اللي هي قريبه من ديزني
    بينها وبين ديزني 5 دقايق بالقطار او بالسياره
    فيها الأوت ليت و مجمع كبير حق التسوق حلو وايد

    وتقدرين تروحين منها لباريس بالقطار خلال 45 دقيقه

    جوفي في فرنسا تقدرين تروحين Chamonix .. شامونيه
    وايد وايد حلوه فيها جبل مونت بلانك
    بس احنا كنا رايحين فالسياره .. كانت في اشغال فالطريج فتأخرنا لان كنا نتنقل بالسياره ..
    تقدرين ترجعين حق موقع الخطوط مالت القطارات و بيسهل عليج ..
    انترلاكن وايد حلوه انصحج فيها واذا حابه التفاصيل اللي فيها بخبرج
    انترلاكن و زيورخ بينهم ساعه وشوي بالسياره ..
    زيورخ حلوه للشوبنق ..
    تبين رايي خذوا لكم سياره و شغلوا القارمن احنا مره اجرنا من ميلان و رحنا سويسرا و فرنسا و رجعناها
    و مره من بروكسل لين فرنسا " ديزني " لين انترلاكن و زيورخ
    جزآك الله خير آخوي ع آلرد آنا مضطرة أقعد في ديزني هالايام لآن معاي يهال
    ومثل ماتفضلت أنا بسكت في منطقة (سيري) اللي قريب الآوت لت والباص مجاني لين ديزني..
    مشكووور آخوي
    {{ اللهم صبّ عليّ الرزق صباً صباً ، و لاتجعل عيشي كدّاً ولانكدّاً }}

  7. #7
    عضو نشط الصورة الرمزية ســداويــه
    رقم العضوية
    18239
    تاريخ التسجيل
    Oct 2007
    المشاركات
    742
    اقتباس المشاركة الأصلية كتبت بواسطة غير البشر مشاهدة المشاركة
    مرحبا اختي سداويه سويت لج مخطط رحلتج على الخارطه
    واذا تبغين تغيرين او عندج ملاحظات على اي نقطه ممكن نعدلها ونرتبها لج

    طبعا الوصول والمغادره باريس وميونخ باللون الاسود
    اماكن السكن : باريس - جنيف او تواري - انتر لاكن - فرايبورغ - ميونخ
    الاماكن القريبه للزياره والعوده بنفس اليوم :

    1- باريس الاماكن القريبه دزني لاند
    2- جنيف الاماكن القريبه منها تواري الريف الفرنسي - بحيره انسي الفرنسيه - شامونيه ( قمه مونت بلانك ) سويسرا
    3- انتر لاكن الاماكن القريبه منها مونترو ومصنع نستله
    4- فرايبورغ الاماكن القريبه منها زيوريخ - شلالات الراين - كولمار فرنسا - ستراسبورغ فرنسا - اوروبا بارك المانيا - بادن بادن المانيا - الغابات السوداء المانيا - اولت لت متسيغن المانيا - شتوتغارت المانيا
    5- ميونخ الاماكن القريبه منها قارمش - ليغو لاند - بحيره وولف قانق


    العاب





    بالنسبه لقريه سيتوالد

    هذا مكان القريه بنفس البحيره الي فيها انتر لاكن
    فقط للتوضيح


    العاب
    آخوي غير البشــر ماعرف شلون أشكرك وربي يجزااك ع قد نيتك .. مشكوور ع الرد والمساعدة

    عندي كم استفسار..

    انت تشوف نبتدي ببآريس أو تكون آخر محطة مع آني ماحب سوقها..

    لو طلعت منها لزيورخ ومنها لانترلاكن شلون بتكون المواصلات؟؟ (ولو ترشح لي المحطة الثانية بعد باريس وتكون هادية وحلووه).. ولو أبي أسكن في بادن بادنبيكون سهلة علىَ

    أروح يورب بارك وقارمش...!! وودي بسيارة بس معانا بس واحد يسوق وهذي مشكلتي

    انا عندي 26 يووم ولو شلنا 5 أيام لدزني

    تقسيم الباقي شلوون ؟؟ يهمني الراحة آكثر من آي شي ثاني .. يعني عادي اتم في منطقة ريفية اسبوع وكل شي جنبي

    ويهمني قارمش لآنها مطلوبه السنة العام ماقدرت أزورهاا ووعدتهم هالسنة

    آسفه تآخرت عليك بالرد وطووولت بس أحترت وماعرفت أخطط عدل
    {{ اللهم صبّ عليّ الرزق صباً صباً ، و لاتجعل عيشي كدّاً ولانكدّاً }}

  8. #8
    مشرف السياحة والسفر الصورة الرمزية غير البشر
    رقم العضوية
    3132
    تاريخ التسجيل
    Aug 2005
    الدولة
    Qa6ar
    المشاركات
    47,328
    اقتباس المشاركة الأصلية كتبت بواسطة ســداويــه مشاهدة المشاركة
    آخوي غير البشــر ماعرف شلون أشكرك وربي يجزااك ع قد نيتك .. مشكوور ع الرد والمساعدة


    العفوو اختي سداويه لاشكر على واجب جزاج الله خير



    عندي كم استفسار..

    انت تشوف نبتدي ببآريس أو تكون آخر محطة مع آني ماحب سوقها..

    على حسب اذا نفس مخططج ماتفرق وايد تبتدين فيها او تنتهين منها
    بالعكس اشوف سوق باريس بعد حلو وممتاز ومايفرق كثير عن ميونخ




    لو طلعت منها لزيورخ ومنها لانترلاكن شلون بتكون المواصلات؟؟ (ولو ترشح لي المحطة الثانية بعد باريس وتكون هادية وحلووه).. ولو أبي أسكن في بادن بادنبيكون سهلة علىَ

    مافهمت هالنقطه يعني تطلعين من باريس الى زيويخ وبعدها انتر لاكن !!
    المشكله قريب باريس مافي محطات حلوه
    يعني المحطات من بعد باريس لو بتروحين جنوب جهه جنيف بتكون احلى محطه تواري
    ولو بتروحين شرق بأتجاه بادن بادن احلى المحطات نانسي وكولمار وستراسبورغ ومشكلتهم بعيده عن باريس وقريبه الحدود الالمانيه يعني ماراح تفرق كثير

    اشرايج في اقتراح طيران داخلي من باريس الى زيوريخ !!
    ومنها تطلعون لبادن بادن
    وانا اخترت فرايبورغ لانها حلوه وهاديه وقريبه من اماكن كثيره
    تقدرون تطلعون منها الى انتر لاكن و اوروبا بارك وزيوريخ ولوزيرن
    وبعد بادن بادن حلوه بس ابعد اشوي لانترلاكن والحدود السويسريه

    انا بعطيج اقتراح ومخطط وابي رايج فيه اذا يناسبكم اولا

    الوصول باريس وطبعا معاها ديزني
    بعدها طيران الى زيوريخ ومن زيوريخ تروحون بادن بادن او فرايبورغ وتستقرون بها
    ومنهم تطلعون للأماكن القريبه
    بس السكن في بادن بادن او فرايبورغ يتجزأ بحيث مثلا
    تحجزون بالفندق من تاريخ كذا الى كذا وبعدها حجز بنفس الفندق حجز اخر بحيث تخلون ايام فاضيه بين الحجزين مثلا اربع ايام
    وها الاربع ايام تروحون انتر لاكن وترجعون مره ثانيه لنفس الفندق على اساس تتركون معظم اغراضكم في الاستور بالفندق ولما تروحون بالقطار او بالسياره الى انتر لاكن تكون معاكم اغراض خفيفه حق 4 ايام



    أروح يورب بارك وقارمش...!! وودي بسيارة بس معانا بس واحد يسوق وهذي مشكلتي


    تقدرين تروحين يوروب بارك
    لكن صعبه جدا تروحين قارمش من بادن بادن

    لكن ....


    تقدرين تروحين قارمش لما تكونون في ميونخ لان قريبه جدا بالقطار تقريبا 45 دقيقه فقط
    ومافي داعي تنامون فيها يعني هي مالت يوم واحد فقط من الصباح الى المساء
    مافي شي اخر للمبيت فيها


    اذا شخص واحد يسوق فقط
    صعبه تحصلين سياره تكفي لعددكم واغراضكم يعني موضوع السياره بكون شبه مستحيل اختي




    انا عندي 26 يووم ولو شلنا 5 أيام لدزني

    تقسيم الباقي شلوون ؟؟ يهمني الراحة آكثر من آي شي ثاني .. يعني عادي اتم في منطقة ريفية اسبوع وكل شي جنبي

    التقسيم صعب الحين خلينا نستقر على الاماكن وبعدها اقسمها لج



    ويهمني قارمش لآنها مطلوبه السنة العام ماقدرت أزورهاا ووعدتهم هالسنة


    اي بتروحين قارمش السنه ان شاء الله تطمني راح تكون بالجدول



    آسفه تآخرت عليك بالرد وطووولت بس أحترت وماعرفت أخطط عدل

    لا بالعكس خذي راحتج بأي استفسار لاترددين في السؤال


    الاجابه فوق بالون الاحمر

  9. #9
    عضو نشط الصورة الرمزية ســداويــه
    رقم العضوية
    18239
    تاريخ التسجيل
    Oct 2007
    المشاركات
    742
    ربي يجزاااك الجنة أخوي غيـر البشر

    الصراحة كفيت ووفيت وآسفه تعبتك معاااي

    بالنسبة للسيارة ماعندي مشكلة آآجر 2 وهذا الحل والتفكير الوحيد طبعا مع سايق

    الله يرحم والدينك نقدر نعتمد المخطط حاليا .. أنا فهمت كل قصدك وأتنمى ترشح لي في كل منطقة فندق أو شقق والشرط (مكيف)

    أعتمدنا التذاكر اليوم دوحه - باريس - ميونخ - دوحه والدفع العصر بأذن الله

    بالنسبة لفرنســا مابي منها الا ديزني لاند وبتم فيها 6 أيام مع زيارة الشانز كم ساعة (لآني رايحه لها قبل )

    ألحين المشكلة نطلع من فرنسا ع (جنيف أو زيورخ) مع تحديد الايام والانشطة (الافضل نتم في وحدة من هالمناطق ونستمتع والا مايستاهلون العنوة)
    أو نطلع من فرنسا ع منطقة قريبة ثانية وتكون بالنص بين أنتر لاكن وويورب بارك

    يعني مثل ماقلت انتم في بادن بادن كم يوم .. هل فيه محطة أو مطار يوصلني من فرنسا لبادن بادن ..

    يعني لو نختصر المحطات والتنقل..
    {{ اللهم صبّ عليّ الرزق صباً صباً ، و لاتجعل عيشي كدّاً ولانكدّاً }}

  10. #10
    عضو مؤسس الصورة الرمزية للصبر اخر
    رقم العضوية
    35761
    تاريخ التسجيل
    Dec 2010
    المشاركات
    12,255
    انا زرت زيورخ وزرت جنيف
    الثنتيين اماكن ولا اروع
    بتنزلين جنيف تقدرين تروحين منها على جبال الالب ومونترو وانسي الفرنسيه
    بتنزلين زيورخ تقدرين تطلعين منها تروحين لوتزيرن بعد على البحيرة وحلوه وايد



    انا بنت

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •