صفحة 160 من 160 الأولىالأولى ... 60110150158159160
النتائج 1,591 إلى 1,600 من 1600

الموضوع: مراجعة التصاميم المعمارية وابداء الملاحظات عليها (محدث)

  1. #1591
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    37,652
    سويت توضيح بسيط لقصدي فوق .. بس أخطيت شوي في الترتيب .. العازل للسقف عندنا يجي باختصار في الغالب بطريقتين وحدة أول شيء سكريد ناعم مايل وفوقه يجي الرول وفوقه طبقة فاصلة وفوقه العازل الحراري وفوقه طبقة حماية وبعدين سكريد ثاني وهذي تسمى الدبل سكريد وهي أغلى بس أفضل وطريقة ثانية اللي الغالبية يسوونها عازل على الخرسانة بعد تنظيفها وازالة أي نتؤات فيها ويجي في الأخير السكريد المايل .. الرسمة اعتبروها توضح الغشاء العازل المائي أو ما يسمى بالرول وفوق الرول طبقة فاصلة ثم العازل الحراري الفوم وثم طبقة حماية وفوقها السكريد المايل وفوقه نقدر نسوي تبليط ونعلات أو نعلات لوحدها لو نحب

    أكيد تحتاج رسم هندسي مفصل وواضح وهذا سكتش يوضح الفكرة




  2. #1592
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    37,652
    أي مبنى خصوصاً المكون من جدار وأسطح تعتبر من غلافين أو طبقتين بينهم عازل ضروري تكون لهم تهوئة بسيطة لطرد الحرارة المتراكمة وكذلك أي رطوبة

    هذي الصورة توضح طريقة عمل تصريف للمياه لتدخل قمة مبنى حديدي مثل هنغر أو ستور



  3. #1593
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    37,652
    التهؤئة ما تقل أهمية لمبانينا الطابوقية وللجدار لازم نسوي فتحات ونخلي فراغ لتهؤئة الجزء الفاصل بين الجدارين ومن السقف الطرق كثيرة أكيد بنوصلها في هذا الكتاب

  4. #1594
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    37,652
    إشتغلت على توضيح لتفصيل السقف والعازل مع دبل سكريد وبلاط شعبي فوق ونعلة جانبية .. طبعاً التفاصيل الداخلية مثل البلاستر وسمكه هذي ممكن تنكتب باختصار هنا والا تتوضح في رسمة ثانية والا تنكتب في المواصفات المكتوبة .. حتى هذا التفصيل ممكن ينكتب بس تأويله يكون ممكن غير صحيح لذلك الرسم الهندسي الواضح أفضل

    أتمنى الصورة تكون واضحة لأني استخدمت ألوان ما طلعت




  5. #1595
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    37,652
    تصميم تفاصيل الفتحات الخارجية من نوافذ وبلكونات وأبواب يحتاج في الغالب احتياطات تصميمية لعدم دخول المياه .. في رايي معمارياً نقدر نسوي أكثر من غرض لو سوينا مدخل البيت محمي ومرتفع عن أرضية الحوش ارتفاع مناسب بحيث ما يكون متعب ومزعج للاستخدام اليومي ويكون مظلل عن الشمس ويكون منور ومرحب بالضيوف ويكون يعكس جمالية المبنى ويكون محمي من الهواء القوي وعازل للصوت والحرارة .. هذا يعتمد على المادة وسعرها ومتانتها .. لو بنستخدم خشب صعب وصعب جداً ويحتاج صبغ كل سنة تقريباً لو كان معرض للشمس والرطوبة وحتى لو مظلل يتهالك .. يعني حتى لو اخترنا خشب قاسي وقوي ومصمت أو ما يسمى Solid بعد بتواجهنا هذي المشاكل وبيسرب غبار .. الحل الأفضل هو اليو بي في سي والزجاج المزدوج والمعزول بغاز الآرغون الخامل أو غيره .. حتى ما بنحتاج بروز يظلل ولا احتياطات كثيرة



    هذي طريقة قديمة لحسابة البروز حسب قوة الرياح يفيدنا الاطلاع عليها


  6. #1596
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    37,652
    بالنسبة لتفاصيل الالمنيوم ممكنة بس قليل نحصلها عندنا وفي الغالب يستعاض عنها بنعلة رخام يسكر الباب معاها وحتى الفتحة السفلية في الباب تختفي بواسطة بروز النعلة .. هذي مهمة نعملها لمنع دخول الحشرات والنمل وكذلك تكون جزء واحد من ما يسمى حلق الباب وهو الجزء اللي يدخل فيه الباب من الفريم الخشبي .. وضحتها قبل واستعملتها في بيتي وكانت مفيدة وعملية وحتى رخيصة .. قطع رخام تركب مع فريم الباب وتوزن بحيث تكون مرتفعة بحدود 1 سم عن مستوى تبليط الارضية .. بتجي طبيعية في حالة عندنا غرفة وداخلها باب دورة مياه والغرفة أرضيتها سجاد ودورة المياه بلاط بتجي نفس مستوى السجاد ومرتفعة عن بلاط دورة المياه 1 سم لتكون مانع لمرور الماء لداخل الغرفة وكذلك مانع للحشرات .. باصور التفصيل تصوير واقعي يفيد الجميع في اختياره وعمله لو حب




  7. #1597
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    37,652
    هذا اللي اقصده بعضهم يسمونه برطاش

    هنا في خارج دورة المياه ما يبين تقريباً .. بروز خفيف تحت السجادة والباب مسكر معاه ومركب لوفر فتحات للتهوئة ولدخول هواء بدال المسحوب بالمروحة



    هنا من داخل ويبين طرف قطعة الرخام بارز شوي وفوقه السجادة



    وهذي صورة مقربة أكثر



    نفس المبدأ نقدر نستخدمه للمداخل والابواب الخشبية الباقية واليو بي في سي والألمنيوم وحتى للحديد وسويت لباب حديد جهة الملحق نفس الطريقة


  8. #1598
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    37,652
    سويت سكتش مبسط للمقاسات التقريبية لقطعة الرخام أو الغرانيت أو الحجر اللي بتكون أسفل فتحة الباب وموضح كيف الباب يسكر عليها مع حلق الباب .. هذي نقدر كذلك لو حبينا نحط حولها ربلة ثابتة تعطينا اغلاق محكم للباب

    سامحوني على رداءة الخط وبساطة الرسم اليدوي وانا أكيد سيء فيه



  9. #1599
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    37,652
    هذي القطعة مثل ما شفنا من الصور تقريباً ما تبين ولا حد يحس بها وتكون محسوسة أكثر في حال انتقالنا من بورسلان أو سيراميك للغرفة لأرضية دورة المياه .. في ذيك الحالة نخلي مستوى أرضية الغرفة نفس مستوى البلاطة الفاصلة اللي تفصل باب دورة المياه عن باقي الغرفة .. لو حبينا تفصيل ثاني ممكن نمد تشطيب الغرفة أو الصالة الداخلية للباب اللي ينفتح عندها وعند ما يسمى بحلق الباب سواء كان حديد أو ألمنيوم أو غيره نركب فاصل ستانلس ستيل أو نحاس بحيث يعطينا مستوى أنزل بحدود 2 سم أو حتى لو حبينا 5 سم للأرضية الخارجية .. وهذا في حال سوينا الباب ينفتح للخارج لكن للداخل يستحسن نسوي نفس التفصيل الموجود في السكتش

  10. #1600
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    37,652
    متابعة مع تفاصيل الكتاب هنا نشوف احتياطات عمل قطع يمنع المياه من التعلق في الوجه السفلي للسقف البارز كما هو موضح

    التفصيل رقم 6 يوضح لنا كيف في حالة عمل حائط مجوف ومعزول .. التجويف مهم جداً لتهوئة الفراغ وازالة الرطوبة المتكدسة وكذلك الحرارة .. الجزء اليسار هو الخارجي من الحائط قد يكون حجر مركب ميكانيكل أو طوب أو طابوق غير ممكن يترابط مع الطابوق الداخلي بروابط معدنية وبفواصل حديد .. التجويف يحصل أوقات لو المطر غزير يتسرب اليه وينزل تحت وفي الأخير قطعة معدن توجه الماء لثقوب في أعلاها وفي أسفل الجدار يتصرف عن طريقها الماء أو الرطوبة المتكدسة

    يستحسن في هذه الحالة نغلف العازل ببلاستيك حماية لأن مياه المطر تحمل ملوثات عالقة في الجو تتسبب في خراب الفوم العازل بالتدريج وتآكله على سنوات طويلة




صفحة 160 من 160 الأولىالأولى ... 60110150158159160

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •