مراجعة التصاميم المعمارية وابداء الملاحظات عليها (محدث)

[معماري قطري]

دوم أي واحد يصمم يفكر في توزيع المساحات وبيشغلها بوشو

وكلامي موجه للمهندسين والمختصين أكثر من الملاك لكن للملاك كثقافة ينتبهون لهذا الشيء .. مثلاً نرجع شوي لدور السقف بنحصل غرفة التانكي كانت صغيرة وكبرناها شوي وعملنا فيها فتحة للركوب للسقف هذا وحتى يكون الدرج محمي وهذا إقتراح الإستشاري انا وقف تفكيري وقتها وشاب توه حديث خبرة .. انا جلست أرتبه شلون بيكون لاحظت فتحة الخروج للسقف داخلة داخل في الزاوية اليمنى الداخلية ممكن تشوفونها في المشاركات القليلة السابقة

زين شيصير لو غيرنا مكانها شيء بسيط .. غيرت مكانها قريب من المدخل الخطوط المتقطعة بس مسوي حجمها 1.2 في 1 وايد كبيرة صافي هذا باصغرها لين 80 عرض في 70 طول كفاية هي لركوب شخص واحد ومستحيل يشيل شيء ثقيل معاه التحميل يكون بحبل أو بكرين من البداية



الدائرتين الكبار قطر 1.4 للتوانكي المتصلين ببعض والقابلين للفصل لغسيل واحد أو استبداله واستعمال الثاني والصغار قطر 40 سم للسخانات وبيكون عندنا الفلتر والمضخة فيه مساحة متوفرة لهم

فوق أضفت قاعدة لتكييف المياه

[معماري قطري]

هذا شكل الفتحة بعد التصغير المعقول وكانت قبل فوق فوق الصخانات في الزاوية العلوية يمين لو تنفذت على هذا الأساس بيكون العامل يدخل بين البايبات والمضخة والفلتر والصخانات لازم نشوف لهم مكان غير لين يوصل للدرج



وهذا الشكل من فوق



الخط العريض هذا في حال ما عطوني ارتفاع متر زيادة لين 16 متر باركب ساتر على داير سور السقف من مواد خفيفة ممكن شبك زراعي أسود