-
02-04-2020 02:11 AM
#1721
تميم المجد
-
03-04-2020 01:04 AM
#1722
تميم المجد
رسمت الجهة الجانبية للبيت جهة الشرق والجانب الأيمن للبيت مع توضيح حوض السباحة وموقعه في هذي الجهة
تركيز أكثر على منطقة الحوض يبين لنا الكرسي داخل بشكل متقطع ومحسوب عمق الماي بحيث يغطي الجالس على الكرسي لين رقبته وعمق الحوض 125 سم محفور له حول 30 سم بس والباقي فوق الأرض .. قطعة الزجاج اللي فوق يمر عليها الماي الراجع من الفلتر وينزل من فوق من ارتفاع 4 أمتار أو بيكون فيه خيار اننا نسكر الشلال ونخلي الماي يندفع وراء ظهر الكرسي والجالس عليه مثل الجكوزي وينزل من جدام مثل ما هو موضح
-
04-04-2020 01:02 AM
#1723
تميم المجد
هذي الجهة اليسرى أو الغربية .. بيكون الملحق جهتها والسقف مقصوص يبين فوق الليوان بين الملحق والبيت .. إرتفاع الأرضية بيكون نفسه وفيه رامب للمدخل بين الملحق والبيت
من اليمين غرفة ملابس الغرفة الرئيسية فوق وبعدين الحمام مسوي له سكايلايت متصل مع الدريشة وتحت المجلس ومكتوب على كل مكان اسم الغرفة اللي خلفه
-
04-04-2020 07:00 AM
#1724
تميم المجد
يمكن يلاحظ البعض إستعمالي لعدة أشكال ومقاسات للنوافذ وحتى أماكنها شوي تختلف وبعضها ارتفاعها من الأرض .. يعني تبدأ من الأرضية .. الفكرة المعمارية هي تصميم البيت ما يكون ممل والداخل ينعكس على الخارج
تم عمل فتحات بطوب زجاجي المربع الصغير 20 في 20 صفين فوق بعض بتكون فوق كبتات الملابس في غرف الملابس وهذي جهة الغرب تنورها الشمس زين .. الجهة الجنوبية هي الواجهة الرئيسية فيها كذلك طوب زجاجي في غرفة التسريحة وباعدله لصفين 20 في 20 أفضل .. شراحة المكان شيء ضروري والنور الطبيعي مهم خصوصاً في الفتحات اللي بتكون مفتوحة دوم مثل المناور والطوب الزجاجي والنوافذ المرتفعة اللي تضمن خصوصيتنا
-
04-04-2020 07:12 AM
#1725
تميم المجد
هذي صورة مقربة للواجهة الجنوبية لموقع التسريحة اللي تم تعديل الطوب الزجاجي .. حاط الرجال حتى يبين ارتفاعه وارتفاع هذا المنور اللي تحته بتكون مراية وطاولة التسريحة والتصميم جاهز بما فيه ووصلت له للتصميم الداخلي من ليتات وأثاث خاص مركب حسب المقاس للمكان مثل الكبتات والتسريحة هذي وغيرها
-
06-04-2020 02:49 PM
#1726
تميم المجد
حبيت تصميم الحوض ذيه ونقلته حق بيتي المستقبلي مع بعض التعديلات على ملحقات الحوض
منطقة المسبح بتكون مغلقة وبدون سقف للحوض محصورة بين المجلس والبيت وواجهتها بسور بارتفاع 1.7 متر وبأواب 3 مثل ما هو موضح حتى تنفتح لو محد يسبح للمنظر وتكون المنطقة جزء من الحديقة .. بنفس الوقت الشلال اللي نازل على الحوض مرتفع 4 متر يبين للمار حتى لو الباب مسكر وممكن ازيد الارتفاع ل 6 متر حتى يبين من خارج البيت .. والجدار الحامل للشلال بيكون مجوف في أغلبه حتى يبين اللي في الستيم أو السونا وراء ويشوف المكان مفتوح جدامه
سويت بعد على اليمين مساحة لوحدة التكييف المركزي للمجلس المثمن بتكون على الارض بين الزراعة وحولها الجدار بارتفاع 1.7 متر وبباب ما وضحته هنا .. دكت التكييف أما بيكون تحت الأرض للمجلس وفتحاته ورا الكراسي يدفع على فوق بدال ما يكون في السقف أو خارج حايط المجلس على الأرض ويبي له نقاش مع مختصين التكييف
-
06-04-2020 10:27 PM
#1727
تميم المجد
تصميم حلو اخوي بو عبدالله... قواك الله.. ما فيه مجال تسحب الباركنق للوراء شوي.. والله يا ليت
اللهــــــم ارحم أخي فايز واسكنه فسيح جناتك وسائر أموات المسلمين
-
06-04-2020 11:23 PM
#1728
تميم المجد
صحيح كلامك اخوي بو زيد .. 7 متر وشيء بين الموقفين بس هذا اللي صوب المجلس مفتوح مب رسمي يعني للزوار وبدون مظلة .. وحتى لو فيه سيارات ممكن الرجوع ريوس .. بعض المواقف في المولات ضيقة وفوق هذا مسافة الحركة صغيرة .. باشوف لو ممكن اوفر متر .. شبيصير عندي هذا موزون مع الباقي في اليسار والطريق بحدود 4 متر و30 سم كافي حتى لسيارتين يمرون أو سيارة كبيرة .. إذا وسعت هنا لازم اوسع الباقي .. بعدين عمق الموقف المظلل اللي تحت 6.2 بدون الرفوف اللي جدامه وحتى ممكن الغيها ويكون العمق 6.7 متر .. طول اللكزس 5.1 متر وهذي السيارة شيروكي بس سويت لها تكبير حتى تكون بمقاس اللكزس وشوي زيادة
باشوف لو وسعت شباستفيد وما اظن استفيد تدري ليش؟ عندي ألحين موقفي 5.8 متر ووراه حول 4 متر للدوار شوي ارجع ريوس واروح جدام يمكن مرة وحدة .. هذا 7.3 + الفرق في طول أو عمق الموقف 0.4 متر يعطينا قريب 8 متر وهي كافية وأكثر منها تعتبر خسارة ومساحة ضايعة
-
08-04-2020 04:00 PM
#1729
تميم المجد
-
12-04-2020 12:30 PM
#1730
تميم المجد
اشتغلت على قطاع طولي في المجلس .. الارتفاع أكيد بيكون عندي مشكلة بس لازم ابرز كتلة المجلس المثمنة بين باقي الكتل وحتى تبين الدرايش الطوال من كل جهة والله يعين على الموافقات .. الحين 6.9 لحد الوارش الداخلي الجزء الوسطي بيوصل يمكن 10 .. بس عندي ارتداد مب مباشر على سور البيت
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى