-
11-03-2024 01:28 PM
#2931
تميم المجد
البعض ما يفهم مبدأ التصميم الإقتصادي المظيف Minimalist Modern Design هذا مصطلح جديد ويركز على نظافة الأسطح واستقامتها بدون مبالغات إنشائية وبألوان مريحة ومواد تعمر بأقل صيانة ومساحات مناسبة للعيش بدون مبالغات
مثل هذا البيت المفتوح على حوض سباحة في الخلف هذي دعاية لفلل في دبي للبيع
المواد مختلفة بين الجدران من فوق خفيفة وتغطية أو تكسية وتحت خرسانة وطابوق مصبوغة بلون واحد محايد وناعم مثل الأبيض الناصع
-
11-03-2024 08:35 PM
#2932
تميم المجد
إخواني وأخواتي دوم الملاحظات والتطوير ما يعني إن الإتجاه السابق خاطيء 100% بس يعني معالجة بعض أوجه القصور اللي تخلي مبنانا أفضل وأريح لنا ومن وجهة نظر ممارس مختص سواء كنت انا أو غيري .. أذكر سالفة واحد من الإخوان عنده بيت مشتريه وفيه غرفة سايق جاية غلط سادة مدخل المجلس .. قال بيحطها عرض بيهدم جزء وبيبني قلت ممكن وممكن تهدم كاملة الغرفة صغيرة وتبنيها بالطريقة اللي تريحك وطلعنا انا معاه بفكرة حلوة بحيث مدخل السايق يكون مفصول عن البيت وعنده مدخل البيت وجنبه مدخل الزوار يدخل أما على الصالة والا على المدخل .. يعني واحد للسيارة وحده يشيل سيارة صغيرة طوله يمكن 4.8 متر لحد الجدار وهذا ما يناسب لسيارات كثيرة عندنا الجيبات من لكزس وجي وغيرهم 5.6 متر يبقى جزء طالع وسيارات الصالون غالبها طولها 5 متر وشوي تحت بس فيه بعد الأطول بعضها طولها يوصل 6.7 متر مثل بعض موديلات البنتلي والرولز وبعد نحتاج مسافة مرور جدام وورا السيارة .. المشكلة لو متابع التصميم المالك اللي باع البيت كان بسهولة يقدر يوفر متر ونص من الإرتداد الخلفي ومن تصغير الملحق شيء بسيط
-
16-03-2024 04:52 PM
#2933
تميم المجد
-
16-03-2024 04:53 PM
#2934
تميم المجد
الكسرة فوق حسب الخط الأخضر المربع الداخلي واللي خارجي حدود المراية والباب وبينهم الإنارة بتكون مخفية
-
18-03-2024 10:44 AM
#2935
تميم المجد
-
18-03-2024 10:54 AM
#2936
تميم المجد
غرفة النوم الأخيرة هي هذي وهذا توزيعها بس أشوف ممكن الكرسي يجي في الزاوية حتى يكون قريب من الروشنة لقراءة كتاب أو متابعة التلفزيون المقابل .. والسرير حتى ممكن يكون شوي أصغر في الغالب بيسكنها شخص ومعاها غرفة ملابس ودورة مياه مستقلة .. العمدان مسويها لي ضخمة بس بتتصغر حتى تنعزل حرارياً من الخارج
الدريشة هنا 1.2 متر بس انا صغرتها ل 1 متر في الرسم السابق هذا الإستشاري ملخبط لي على كيفه .. وبتكون بمقاس فتحة الباب .. حتى الباب ممكن أسوي الفريم بدون برواز اللي جاي كأنه راكب داخل الفتحة وحوله تكحيلة بسيطة .. إحنا طبعاً نشوف الحائط اليسار
-
18-03-2024 11:09 AM
#2937
تميم المجد
صج شوي وضعية محيرة وأكيد للمستفيد رأي الكرسي قريب من الباب أفضل حتى للحركة ممكن قبل الخروج يحتاج يربط تكرمون الحذاء ويجلس وكله يعتمد على مقاس السرير وترتيب المكان بعد بطريقة أفضل المساحات الصغيرة دوم شوي صعبة .. بعد ممكن حتى الجلوس في الغرفة يكون نادر والتلفزيون حتى ما يتركب بس كلها كماليات
-
18-03-2024 11:51 AM
#2938
تميم المجد
البعض يفكر في الغرفة كمساحة مستطيلة أو مربعة وبس ما يفكر في مرافقها ومحتوياتها وفي إمكانية خدمتها لعدة أغراض مثل لسريرين مفردين ولشخصين أو لسرير بحجم مناسب .. هنا وضحت باقي الغرفة مع ثلاث نوعيات أسرة واحد بعرض متر وواحد 120 سم والكبير مترين
-
18-03-2024 01:28 PM
#2939
تميم المجد
هذا القطاع يوضح الغرفة ومكان السرير بالطول الطبيعي مترين وممكن نزيد شوي حق هيدبورد منفخ شوي أو بارز .. وعندنا التلفزيون مقابل السرير وطاولته وأدراجه وهذا ممكن تفصيله معلق مع إني أحب النازل للأرض ويكون راكب على السجاد أحلى يطلع المعلق للغرف اللي باركيه أو بورسلان
لغرفة الملابس صممت روشنة طويلة هذي ممكن تكون بأرفف للساعات والقطع الصغيرة من ذهب وغيره وحتى ممكن الجزء السفلي للأحذية وممكن نعملها بعمق 20 سم وبارزة 10 سم تكون بإجمالي 30 مناسبة للأحذية
-
19-03-2024 02:31 PM
#2940
تميم المجد
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى