-
19-05-2020 12:48 PM
#1811
تميم المجد
الجلسة المثمنة بتكون نازلة عتبتين كل عتبة 125 مم وممكن نوصلها ل 150 لو حبينا .. الدرايش شوي مبتعدة عن الكراسي والدائرة بس اللي نازلة هذي تعطينا توزيع دائري للكراسي وقطر الدائرة 5.6 متر واللي حاطه مقاس بعد العين عن التلفزيون تقريباً .. أكيد لو البيت لي باركب ستاير خشبية تنفتح بسهولة مثل المكتبية أو على كهربة قماشية ترتفع لفوق .. وبما ان الجدران عندنا سمكها 30 سم نقدر ندخل الدريشة داخل نخلي تجويف للستارة ولو حبينا نسوي كتف عريض لها حول 40 سم يلامس العمود وبعمق 10 سم .. يعني الستارة تكون داخل تجويف الدريشة وباسوي تفصيل لهذي النقطة
-
19-05-2020 01:05 PM
#1812
تميم المجد
ممكن نسوي دريشة مقوسة مفتوحة بدون شيء بين حيز المدخل والجلسة المثمنة .. ممكن يكون فيها زجاج معشق لو حبينا مثل لوحة مضاءة بتكون مقابلة باب المجلس وممكن نسويها حديد مشغول تطلع عليه نباتات الظل بتعطي المدخل شكل متوازن وبتسوي انفتاح أكثر
-
19-05-2020 02:31 PM
#1813
تميم المجد
هذا المخطط فيه تعديلات بسيطة وسعت البانتري بعمل فتحة بدال البابين للغرفة وسويت الغرف اليسار نفس ترتيب اليمين .. ويعتمد على اختيارنا للبنتهاوس 4 غرف أو غرفتين ممكن في حال ال 4 غرف ينلغي المنور السقفي للصالة .. بعد المالك طلب عمل باب من غرفة التسريحة للغرفة اللي جنبها وهي فكرة جيدة لإستغلالها حتى لو لطفل صغير أو كاستراحة له أو للزوجة في أوقات معينة
بتابع في وقت لاحق بتفاصيل كل جزء وكيف ممكن نحسن عليه والخيارات الممكنة
-
21-05-2020 10:49 PM
#1814
تميم المجد
صاحب التصميم السابق مهتم بالتفاصيل وشكله دقيق وطلب توسعة غرفة الخادمات وسويت له حل بإزالة غرفة الغسيل وتحريكها للجهة الخلفية وتحريك البيت 40 سم جهة الواجهة و 10 سم جهة اليسار ليكون الارتداد 1.5 متر لممر الملحق
شفت ضرورة تعديل الحديقة لتكون مزروعة عشب وشجر وفيها ممر حجر أو بورسلان مثل ما هو موضح وشفت ما فيه ضرورة لموقع الخيمة .. الشجر والحديقة أفضل وشكل دائم
الدور الأول تقريباً التغيير فيه كان اضافة منور طويل فوق الجلسة مثل ما هو موضح لأن قلنا بنشيل غرفة التانكي نخليها تحت التاج الوسطي فاستوى عندنا فراغ نقدر نسوي فيه سكايلايت
واقتراح اعادة ترتيب الغرفة اليسرى ممكن نسوي نفسه في الغرفة اليمنى فوق
-
21-05-2020 11:17 PM
#1815
تميم المجد
-
23-05-2020 12:53 PM
#1816
تميم المجد
-
23-05-2020 01:00 PM
#1817
تميم المجد
كنت متمني اسوي السقف منحدر أكثر حتى يبين القرميد ومنظره بس صعبة
-
26-05-2020 02:02 PM
#1818
تميم المجد
-
26-05-2020 02:12 PM
#1819
تميم المجد
القطاع الثاني نشوف بعد ما ندخل يمين ونبدأ بباب المجلس في المدخل اللي محصور بباب قزاز جهة الخارج وبعدين باب خشبي وبعدين يجينا باب يدخلنا على المغاسل للضيوف ومنها على غرفة الطعام .. الباب الأخير قرب الدرج بيكون للمطبخ الداخلي وممكن نلغيه ونخليه قوس باقي التفاصيل اعتقد واضحة
شيء مهم هو عرض الصالة 5.5 متر وعرض المنور فوقها 3 متر مع الباب وكتفه اللي يودي للسطح .. يعني المنور بيجي من الجلسة الموضحة لقبل منطقة البانتري بينقطع
-
26-05-2020 03:28 PM
#1820
تميم المجد
بالنسبة لتكييف غرفة النوم الرئيسية ممكن بسهولة نخليه مركزي ولو نخليه VrV أفضل بتحكم لكل حيز عندنا الغرفة والمكتب والحمام والتسريحة وغرفة الملابس وهذا بيكون موقعه
وفي السكشن بيبين هشكل
المكيف وحدته موضحها بمقاس 2 متر ارتفاع ومغطيها السقف المايل و 1.4 عرض وهذا لو بغينا يكفي البيت كامل أكيد بنحتاج أصغر بوايد والدكت فوق السقف يمكن سنتيمترات بعدين تدخل في جزء السقف المرتفع وتتوزيع تحت يمين ويسار .. التكييف الباقي في يدنا نسويه دكت سبلت لو نحب أو سبلت ولازم جزء التكييف للمجلس والصالة المثمنة يكون هنا ومكان قواعد التكييف موجود وكافي والأجزاء الباقية تكون فوق البنتهاوس
بالنسبة للارتفاع لو التخطيط قالوا خله 14 متر مثلاً ننزل 45 سم من دور البنتهاوس بيستوي 3.4 ولو قالوا 13 ونص مثل السابق قبل الوزير الجديد وانا استبعدها بعد فيه مجال ننزل البنتهاوس لحدود 2.9 متر وبيكون ارتفاع مريح محد بيضرب راسه السقف
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى