مراجعة التصاميم المعمارية وابداء الملاحظات عليها (محدث)

[معماري قطري]

نتفه ههههههههههههه

بالعكس 178 ممتاز فرق 5 سم عن 183

بدورات المياة افضل دوم انزل في الجبس الي فوق الدريشة او سخان الماء حول 40 سم
والسبب على اساس مروحة الشفط يكون ادائها افضل كل ما نزل السقف

كل ما لي اقصر يمكن وصلت 177 وكنت قبل 180

الفرق في الحجم بين 3 متر و 4.1 خو متر و10 سم هذا بسيط وافكر ما دام عندي الارتفاع ليش ما استغله بطريقة صحيحة .. تجديد الهواء لدورات المياه الكبيرة يحتاج مكينتين لأن غالبية المصنوعين لمساحات أصغر .. خطتي احط وحدة لمنطقة الشور لشفط الرطوبة بس احتاج لمفتاح داخل الشور في طرف بعيد عن الماء اشغلها وقت الحاجة لأن لو باسوي حمام بخار احتاج للمنطقة مسكرة عدل .. الجهة الثانية صوب المغسلة اليسار لبقية الحمام تطلع الهواء على المنور المفتوح .. بيكونون فيه مدخلين للهواء المسحوب من جدار غرف الملابس الثنتين والتكييف بيكون بس في الغرفة والممر .. وبإذن الله مع تمديد بايبات تهوئة من الحديقة الداخلية للغرفة والممر بتصير حركة الهواء دائمة ومتجدد بهواء نظيف كله أُكسجين

[سعود.]

كل مالي اقصر هههههههههه

جعل عمرك طويل والله يمدك بصحة والعافية

[معماري قطري]

كل مالي اقصر هههههههههه

جعل عمرك طويل والله يمدك بصحة والعافية

آمين .. وياك الشيخ سعود لازم يكون فيه Diclination

[معماري قطري]

دوم افتح مخطط بيتي وافكر فيه شاللي ممكن يتغير للأفضل .. شيء ما قلته قبل بديت هذا التصميم في 2009 يعني ألحين صار له 10 سنين والسبب إن الارض هذي طلعت بعد ما بنيت وسكنت وبيتي للحين يعتبر شباب 13 سنة توه طفل .. الميزة إن المنطقة الجديدة بدوا ينتقلون لها جميع الأهل وتعمرت والأراضي أكبر والله يوفق وابدأ البنيان قريب العيال كبروا وكلٍ يبي يبني والله يعين ويوفق

شفت تغيير ممكن يكون للافضل بحيث اني انقل المنور اللي كان على الصالة العلوية جهة الوسط شوي وانقل صالة البنتهاوس مكانه حتى تكون لها اطلالة على الحديقة الداخلية .. صحيح اطلالتها بتكون بدريشة مثلثة بس أفضل استغلال وبنفس الوقت حيز الحديقة يعتبر منور كبير هذا لو أبعدناه بيستوي توزيع نور طبيعي افضل



بنفس الوقت الصالة شوي كبرت واستوى المكان أرتب

باحتاج احركه شوي يسار حتى يكون في منتصف القوس اللي تحته في الصورة وخليت مكان السابق للمقارنة .. صج مكان السابق ميزته حلوة إنه فوق صالة الجلوس والجالس ممكن يشوف تغيرات الجو والغيم والقمر .. ما زلت متردد بس بيكون توزيع النور الطبيعي أفضل .. عندي خط انارة بطوب زجاجي مع اتصال المكتب بالبيت وعندي المنور هذا .. مكان الجلوس الحديقة سقفها زجاج وعبارة عن منور كبير

[QAR1]

رأيي الشخصي أنك تحتاج الى تغييرات

[معماري قطري]

بيكون هذا موقع المنور بعد التعديل بالضبط فوق طاولة الريوق فوق وبيبين من صالة التلفزيون خصوصاً للي ينسدح مثلي على الكرسي الطويل ويتابع الجزيرة ويطقطق على الوتس اب بيقدر يشوف النجوم فوق في الليالي المقمرة



من فوق بيكون ملتصق بالحائط ومائل من ثلاث جهات مب هرمي بالكامل

وهذا الشكل من فوق .. طبعاً بيكون مرتفع ويبين من الخارج من واجهتين رئيسيتين مطلين على الشارع .. اللي يمين المنور هذا منور نازل ما يبين من الخارج والزراعة على مستوى الدور الأول ومفتوح من فوق حتى تطلع الزراعة المتسلقة للسقف وكذلك الهواء الخارجي بيكون داخل لأسفل هذا المنور المزروع .. الثاني يختلف قليل

[معماري قطري]

التفاصيل المبدئية لحمام الدور الأول يسار اللي في الزاوية ونفسه بيكون حمام البنتهاوس فوقه واثنينهم فوق المطبخ

[معماري قطري]

ما ادري شالعلة ما بينت الصورة يمكن من الموقع وبحاول مرة ثانية بإذن الله

[معماري قطري]

[معماري قطري]

القطاع في وسط الحمام بالطول والرؤية باتجاه النافذة

هنا نشوف على اليمين المغسلة مثبنة على جدار جزئي في أسفله كسرة 5 سم وافكر اخليها مستمرة خلف البديه والكرسي وهذي بتكون فيها انارة شريطية داخل قطعة معدنية على شكل حرف يو بتتم تغطيتها بالبلاط .. يعني حتى القطعة المعدنية بتكون مخفية .. فيه طريقة بسيطة للإنارة الشريطية تخلي لون النور متغير برموت خاص نختار اللون اللي نبغي واستهلاك الكهرباء بسيط جداً لهذي النوعية .. كذلك نفس الطريقة فوق الكورنيش لكن الانارة بتكون أقوى وللأعلى

المراية تفصيلها بيكون 80 سم الوسطية ثابتة و50 سم كل جهة قابلة للفتح للتخزين في عمق 20 سم وبتكون فيها كهرباء للسشوار وللجرج .. الكورنيش شوي ممتد فوق المغسلة للإنارة المركزة السبوتات وبتكون فيه انارة شريطية في جزء المراية الثابت تنعكس على الوجه مباشرة

تحت الجزء النازل من المراية فيه انارة شريطية تنور مقدمة المغسلة والكاونتر

الدريشة الكبيرة للنور الطبيعي في النهار وهي بارتفاع 1.3 متر ولازم لها ستارة خشبية أو ألمنيوم سهلة الفتح للإغلاق وقت الليل وهي جهة الغرب

منطقة الشور فيها كرسي من البلاط أو الرخام أو البورسلان وتفصيله 45 للعمق و 43 الارتفاع ومن تحت يجي مايل للداخل بحيث تنحني الرجل تحته بعمق 15 سم .. وعرض الشور 110 سم والطول 180 يعني مبحبح وارتفاع باب الشور بيكون 2.5 وفوقه مباشرة الكورنيش

بما ان ارتفاع الجبس الأخير للسقف 4.1 متر وهو عالي باركب انارة مركزة على القطع ومنطقة الشور بارتفاع 3 متر مثبتة على أسلاك .. بهالطريقة باكون بإذن الله قسمت الارتفاع تقسيم جمالي وعملي مريح

التجويفات كذلك بتكون فيها انارة مخفية

بالنسبة للتهوئة بيكون بايب الهواء الداخل فوق الكورنيش من غرفة الملابس وبايب الهواء الخارج والمروحة جهة اليسار فوق الشور