هذا شيء أساسي بس الصب ممكن يبدون فيه قبل المغرب لأنه يمتد ساعات وأوقات يخلص في منتصف الليل أو بعد المنتصف .. وزين بعد الصب تتغطى بنايلون وثاني يوم ينفتح وتنرش ماي لو ممكن مع الفجر وترجع تتغطى بنايلون .. النايلون أفضل من الخيش ويحافظ على الرطوبة ترجع للخرسانة أما الخيش يشفط الرطوبة ويبخرها بسرعة .. ويمكن الصب في هذي الأوقات صعب لو درجة الحرارة فوق 35 وهي فوقها أكيد .. انا افضل فترة صب الخرسانات من آخر شهر 9 لين بدايات أو ممكن نتجاوز لنهاية 6 .. هالأيام في الليل الجو حلو
المقاول كان زين قبل وزين صلح اللي أخطأ فيه وطول ما الاستشاري متابع صح والمالك أتوقع بيسوي شغله صح .. ثرى التعشيش مب كارثة وكثير يصير عندهم ولا يدرون به لأن الاستشاري راقد والمقاول من يفك الخشب يبدأ يرقعه ببلاستر بسرعة وينضبط ما يبين بس تكون منطقة ضعيفة .. عاد اللي يلاحظ يلاحظ العمود كأنه فخذ بقرة ملونة لونين فيه بقع داكنة هذي معناها المقاول لعب لعبته
فك الخشب المفروض في وجود المالك والاستشاري
أحد الإخوان سئلني عن شركة تسوي بنلات فلين لصب الخرسانة وهذي متعددة وحطيت لها بعض الفيديوهات .. هذي تختلف تنعمل من الفوم وينرش فوقه طبقة خرسانة وموجودة في قطر وتصنع في قطر اللي يحب يتواصل معاهم .. الفوم يكون محمي وبنفس الوقت متصل وما فيه فراغ تمر منه الحرارة بس اتوقع السعر بيكون غالي
شوفوا الفيديو في الرابط
هذي قبة لأحد الإخوان عجبتني بس عيبها ما فيها أجزاء شفافة تبين السماء من خلالها .. ما ادري لو يخلي جزئين بنقشة وجزئين شفافين شلون تطلع؟
استئذنت صاحب الصور في نشرها قال لي الصور موجودة في الانستغرام والشركة اسمها موزاييك للزجاج الفني وأسعارها معقولة ومواصفاتها ممتازة
الله يهني راعي البيت
في رأيي كان المفروض قبل تركيب القبة تشطيب الحافة الدائرية الخرسانية ما ادري ممكن بيسويها ببنلات جبس تتركب مع الكورنيش .. بعد ضروري يمد العازل الخشن فوق طرف حافتها الخارجي لتحت الفريم ويركب الفريم عليه حتى يمسك عدل ولا يكون فيه مجال لتسريب أي رطوبة
هذي من فوق وباشخبط عليها بوضح وين يجي العازل الخشن المفروض
هذا قصدي وموضح وين يكون العازل بخط بدون تعليق
ممكن يكون عامله وحاط عليه بلاستر
القطعة اللي في الوسط فوق المفروض تكون نحاسية ويتوصل بها كيبل بسمك مناسب حتى ينقل أي شرارة برق كهربية للأرض .. تندفن نهايته في الحديقة وتكون رطبة حتى تصرف الشحنة في الارض
جميلة ويمكن يبي لها ثرية حلقات كبيرة ال اي دي خفيفة وتنور زين مع انارة مخفية متلونة
هو عنده عقدين من الشركة لقبة بعرض 5 متر قطرها .. واحد 65000 بزجاج معشق شبيهة لهذي ومن ثلاث طبقات للزجاج وفي الوسط المعشق لحمايته .. والعقد الثاني ب 38000 لزجاج عاكس ومن طبقتين مكتوب ضد الكسر بس أتوقع أما ملدن بقطعة بلاستيك في الوسط أو معالج حرارياً لو انكسر يطيح كرات ما تجرح والأول أفضل في رأيي وهذا بتكون ميزته يشوف تغييرات الجو برا غيم أو شمس وحتى نور القمر في الليل
حياكم الله وشكرا ع ملاحظاتكم الي مانستغنى عنها
الطول عندي ارتفاع في الطابق الارضي 4.95
للعلم اثناء الصب الاعمدة بعض الاعمدة ماصار فيها شي وطلع تقريبا 4 اعمدة فيها تعشيش وتسوس يعني المشكلة اتوقع مش من الخرسانة في طريقة العمال اثناء صبهم الخرسانة واستخدام الهزاز مثل ماذكر اخوي المعماري ما دخل الهزاز الى اخر شي وترى بعد الحدايد الاعمدة بعد تصعب الامر في دخول الهزاز ودخول الصبة الخرسانية اذا الاعمدة طويلة.
هذي باسئل فيها مهندس مدني مشرف ومتعمق في هذي التفاصيل .. أتوقع لو الارتفاع كبير لازم يحطون جسر وسطي ويوقفون عنده وبعدين يكملون صب .. وكله حسب التفاصيل الانشائية وصحيح كلما كان الارتفاع كبير مشكلة صب العمود وضعفه والعناية بصبه كبيرة .. بس بعد ما ننسى الصب بنفس الوقت يعطي تجانس في الخلطة الخرسانية وما يخلي جزء يابس ومفصول يجي جزء جديد عليه كأنه مقطوع من هشكل ضروري صب السقف دفعة وحدة بدون توقف
خلني اشوف مستشاري الانشائي انا مب متعمق في الانشائي ولو فيه شيء حسب الكود أكيد بيفيدني وبافيدكم