مساء الخير ( ابا عبدالله )
اعلاه في السطر الثاني قلت القبو عباره عن اساسات وطابوق بدون جدار خرساني !!!
ما الهدف من الجدار الخرساني لقبو هل لتقويه ام ماذا !!!!
|
مساء الخير ( ابا عبدالله )
اعلاه في السطر الثاني قلت القبو عباره عن اساسات وطابوق بدون جدار خرساني !!!
ما الهدف من الجدار الخرساني لقبو هل لتقويه ام ماذا !!!!
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
مساء الأنوار إخوي سعودالمشاركة الأصلية كتبت بواسطة سعود.
الله يسلمك شغل معتاد عندنا إن البيسمنت جدرانه خرسانة وأعتقد الفكرة يكون الجدار حامل وقوي وسميك حتى ما يسرب ويتناسون إن الخرسانة اسفنجية التكوين وبالمجهر تبين فجوات كثيرة مهما كانت صلبة وتسرب مياه لذلك نعزلها .. في دول كثيرة يستخدمون الطابوق المقوى بالحديد وشوية خرسانة في بعض الفجوات أو كلها
لاحظنا كثير إن الخرسانة تسرب ولو ما سربت السنة ممكن الجاية وممكن بعد انتهاء صلاحية العازل 10 سنين أو 15 سنة .. كما أن المياه الجوفية أو الأمطار المتسربة قرب الجدران تعتبر موسمية ومتغيرة وغير ثابتة وفي مناطق كثيرة في قطر ما كنا قبل نتوقعها .. الحل الأمثل في رأيي الصرف اللي قرب الأساسات ومنهول يجمع المياه .. لو تلاحظ حتى موقع المنهول يكون في فتحة الدرج اللي الكل يمر عليها ويلاحظ لو فيه خلل وطفح للمياه مثلاً وفي الغالب ما يستوي اي خلل ونظام الصرف هذا بسيط ومجرد حماية ممكن ما يشتغل معاك كلش والمضخة تبقى جديدة .. هو احتياط وضمان لعدم وجود رطوبة قرب الجدران أو الأساسات وتكلفته بحدود 10000 ريال لو انعمل من التأسيس وممكن اكون مبالغ في السعر ذيه
الجدران لو انعملت طابوق أكيد أوفر بكثير والبنيان يعتمد على الأساسات ورقاب الأعمدة والجسور الأرضية وفي حالتي الأرضيات فوق البيسمنت بتكون انشائية ومقواة وممكن اسوي للمساحات الكبيرة منها تدعيم بأعمدة طابوقية .. بيتي ذيه اللي ساكن فيه وقت الحفر نزلنا فوق مترين ونص ورا وكان كافي حق بيسمنت بس ما خططت له ولا اتفقت عليه وتعديل التخطيط والاتفاق كان بيترتب عليه وقت وتكلفة اضافية وتم دفنه على طبقات .. المقاول حاول يزين لي السالفة حتى يطلع ربح اضافي واصريت يتطبق العقد وبعدين قال الدفان طلع أكثر من اللي في حساب الكميات وطالب بمبلغ اضافي لكن الاستشاري رد عليه بأن حساب الكميات استرشادي ويرجع له وقت التعديل أو التغيير وإنه محسوب كحفرة لكل أساس بروحه مب حفر للأرض كاملة
في حالتي حتى لو فرضاً في أسوأ الأحوال سرب جدار وغالبية الجدران داخلية مغطاة من فوق ما يوصلها المطر .. ما عندي مشكلة وبيكون عندي تصريف داخلي يجمع المياه في نفس المنهول .. يعني ممكن غسيل الأرضيات والأرضيات ممكن تكون اسمنتية رخيصة أو بلاط شعبي .. البيسمنت بيكون ليس للمعيشة فقط لهذي الخدمات والستور اللي فيه احتياط لبعض الأغراض القديمة والسقف مفتوح بدون اي تشطيب مثبتة عليه بايبات المياه وبايبات الصرف وشوية انارة بس
كلام جميل
وتسلم لتوضيح الوافي
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
الدور الأرضي أسهل شيء نرسمه مع محيطه وانا حطيت صورة للحوش كامل مع الدور الأرضي معاه .. هذي شوي مكبرة للدور الأرضي والملحق وجزء من الحوش منطقة المدخل والدوار .. مداخل البيت من الحوش مكثرها هالمرة والهدف منها فتح مجال لرؤية الحديقة والخروج السهل لها كل وقت .. جهة حوض السباحة مدخل على الغرفة السفلية وواجهة زجاجية وجهة الحديقة الداخلية مدخل يودي للحوش الخلفي ولحوض السباحة .. جهة اليسار مدخل صوب ليوان الملحق اللي بيكون مغطى و فيه منور هرمي 1.5 في 1.5 متر .. الباب ممكن ما يقبلون به التخطيط بس ضروري اضيفه وقت لاحق وفيه باب غير يودي على غرفة الغسيل والحوش الخلفي ويوصل كذلك لحوض السباحة لسهولة خدمته .. مدخل ثاني للمطبخ وهذا بيكون عائلي لقربه من المواقف .. وأخيراً المدخل الرئيسي اللي بيكون في الغالب شرفي للضيافة .. أقدر اقول اجمالي ست مداخل
إجمالاً ما فيه تغيير عن قبل بس احتمال بيت الدرج والمصعد تتعدل مقاساته بعد تقرير حجم المصعد .. ألحين بصافي عرض 1.4 متر والدرج كذلك 1.4 .. الدرج ممكن انزل ل 1.2 متر ويزيد عندي عرض المصعد ل 1.8 والعمق عندي لبيت المصعد 3.15 متر متأكد بنحتاج لأقل واحتمال بكثير بيكون الباقي فاضي للتهوئة واحتمال مدخل لبير المصعد للصيانة وتبقى الجدران محددة للدرج .. لو تصغر الدرج شوي بيزيد طول بير المصعد بنفس النسبة
يااخي والله انت فنااااان ..
تُنسى ، كأنَّكَ لم تَكُنْ ..
إنتي فنانة اللي تقدرين تقرين التفاصيل وتعرفين محددات التصميم .. حاولت ابسط لسهولة البناء وحاولت أحط كل التفاصيل حتى ما انسى شيء ويكون التأسيس سهل وأي صيانة مستقبلية سريعة وسهلة بدون تكسير وازعاج .. والله يوفق الجميع وكل من يبني مغامرة البنيان مرة ثانية شيء مرهق بس بإذن الله يكون حتى لو طول صبري معاه طويل وساكن ومستقر غير عن قبل مستعجل .. ألحين حتى ما ودي اترك بيتي الحالييااخي والله انت فنااااان ..
معماري قطري
الله يعطيك العافيه
دائما تحب تعطي وتشرح من قلب
جزاك الله خير يالغالي
بعض الناس أفواههم اكبر من عقولهم
يتحدثون وكأنهُم حُكماء ولكن للأسف جهله
أطفال غير ملومين فالننظُر إليهم كأننا نشاهد
الطفل عندما يقول " لعبوني وإلا بخرب "
كفى بالمرء كذباً أن يحدّث بكل ما سمع .
الله يعافيك ويجزيك بما دعيت
إستوى إنتاجي قليل ومتابعتي قليلة والا المفروض مخلص من زمان .. ألحين الوقت بدأ يقصر لأن ودي ابدأ شهر 9 السنة الجاية حتى يكون صب الخرسانات في بدايات البرد والحفر بياخذ وقت .. مشكلتي سند الملكية يبي له تنقيب دورته ولا حصلته
اسكتي كل ما دخلت دورة المياه تذكرت المعصرة تعقدت خلاصيااخي والله انت فنااااان ..
الحمد لله خلصت تعديل الواجهة بما يتناسب مع طول الأرض في هذي الجهة ومثل ما ذكرت قبل كانت غلطة وبنيت عليها التصميم واضطريت اعدل .. الأرض بدال ما يكون طولها في العمق أصبح طولها في هذي الواجهة وهذا كثير أفضل لي .. إستوت عندي حول 10 متر اضافية حطيتها في الجهة اليمنى للبيت وفي ليوان ( دجة المجلس )
الليوان هذا بعمق 5.25 متر وطول 20.2 متر لحد غرفة القهوة جنب يسار مدخل المجلس المثمن .. طلعت لي فكرة أسوي مجلس يومي اقترحها ولدي خليفة الصغير يقول حق قعداته .. بيكون يمين في آخر زاوية بين عمود الزاوية والعمود اللي جنبه وواجهته زجاج جهة المشاهد اللي هي شرق وجهة يسار اللي تعادل جنوب .. 5 في 4 مساحته
هذا تعديل بإضافة المجلس اليومي وتقريب لجهة المجلس
ضوابط المشاركة
رد مع اقتباس
