مراجعة التصاميم المعمارية وابداء الملاحظات عليها (محدث)

[معماري قطري]

من المميزات الحلوة واللي تسهل العمل في الاوتوكاد هو القدرة على أخذ عنصر معين مثلاً جدار وأي شيء ثاني نبغيه ونعمل له عزل .. يطلع لنا بروحه وسهل وايد نتعامل معاه خصوصاً في الثري دي .. هذا كله عرفته من اليوتيوب ولا كان موجود في الإصدارات القديمة .. مثلاً عندي تصميم البيت تعقد كثير واستويت أشوف خطوط متداخلة ما أعرف من وين جاية لكن بهذي الخاصة قدرت أعزل اللي ابغيه بس يطلع لي .. إشتغلت على المجلس داخلياً وباحط صورة للأرضية مع الأثاث وممكن الجدران .. صورة داخلية للتوزيع الداخلي للمجلس المثمن

ألحين الكمبيوتر يطحن له حول 10 دقايق يخلص صورة الباربيكيو الخارجي .. يحن يذكرني بحنة الكبسولة لين عطيتها واحد في راس الطعس ومكينتها خلاص بتسلم الروح .. حلو يعتبر تحدي وكنت قبل من أشوف صور تصميم تطلع كأنها حقيقية أتمنى أوصل لمستوى قريب من هذا

يحن له حول ساعة والمشكلة ما فيه عداد يوضح نسبة الإنجاز

طولت السالفة ألحين قريب ساعتين بارجع له وقت ثاني أفضل

[sara jsm]

الله يعطيك العافيه ويقويك دايما تدخل السوالف في بعض

متابعة ..

[معماري قطري]

الله يعطيك العافيه ويقويك دايما تدخل السوالف في بعض

متابعة ..

للحين يحن شكله بيكمل الصبح .. بس الزين مواصل ما يعلق أقدر اشتغل شغلات ثانية

[معماري قطري]

فيه شيء غلط باحاول اعرف وين .. بعد ما طحن الكمبيوتر طلع هذي النتيجة وأكيد إستخدامي للضوء الصناعي غلط بس ما ادري شلون اتراجع عنه يبي لي تعمق أكثر



الصورة طلعت سوداء بس زدت الإضاءة وهذا اللي حصلت عليه للباربيكيو النازل عن مستوى أرضية الحديقة .. هذا ممكن تتركب له أعمدة في الزوايا وممكن تكون قابلة للإزالة وتنعمل تغطية وممكن تنعمل نوافذ ويكون السقف زجاجي وقابلة النوافذ للفتح ومع تكييف وتدفئة

[sara jsm]

باسئلك بوعبدالله هالباربيكيو اللي مسويه هل راح يستخدم ؟
ولا منظر بس ؟ اذا راح يستخدم اكثر من عشر مرات في السنة فهذا جيد ..
لان اغلب الناس تسويه ولا يستخدمونه وتالي تلقاهم في الشتاء اما في العزب او المخيمات ..

[معماري قطري]

باسئلك بوعبدالله هالباربيكيو اللي مسويه هل راح يستخدم ؟
ولا منظر بس ؟ اذا راح يستخدم اكثر من عشر مرات في السنة فهذا جيد ..
لان اغلب الناس تسويه ولا يستخدمونه وتالي تلقاهم في الشتاء اما في العزب او المخيمات ..

والله يا اختي نفس تفكيرج مفكر بس تدرين هذي إضافة بسيطة وكله شغل طابوق .. بيكون مقابل المطبخ وفكرته مثل ما ذكرت حفرة نازلة وفيها كاونتر الشواية ممكن بكبت ألمنيوم لتخزين الغاز تحت والفحم .. فيه الباربيكيو أو خلي نقول المطبخ الخارجي صوب حوض السباحة هذاك غير .. هذا مثل جلسة وسط الحديقة كلها من الطابوق والتبليط وممكن تنحط عليها مفارش .. المخزن واحد خارجي في طبيلة السيارات القريبة وفيه الداخلي كم مخزن وفيه مخزن في البيسمنت لمثل هذي المواد .. حتى تمديد ماي ما له داعي المطبخ وايد قريب .. الثاني قرب حوض السباحة بتكون فيه ثلاجة وفيه مغسلة وإحتمال أخلي له باب قزاز ممكن ينفتح وقت الإستعمال والا يغلق

بيكون فوق في أعلى الصورة في الواقع شماليه مكان حق خيمة تننصب وقت الشتاء للجلسات الخارجية وبتكون تنفتح جنوب عليه تخيلي الجلسة شلون تكون وجهة اليسار حديقة مفتوحة وفيها بيت زراعي محمي وفوق البيت المحمي مظلة وشبك لبعض الحيوانات غزلان وبط ودجاج ( دياي بالقطري )

[sara jsm]

شكرا ماابي اتخيل ..
اشكره تصميم عزبه في قلب المنزل بابلغ عنك ..

[معماري قطري]

شكرا ماابي اتخيل ..
اشكره تصميم عزبه في قلب المنزل بابلغ عنك ..

كان المفروض أكتب لج كلمة وحدة عزبة ما ادري ليش لفيت ودرت

الأرض اللي جنبي حق ولدي وكل البنيان فيها مؤقت وبسيط وزراعة ولا حد حولنا من شمالينا بيت ابوي صوب بيتي بيكون وبيت ثاني لنا مؤجر روضة جهة أرض ولدي .. فكرة لين بنينا نفتح باب بيننا وبين الروضة نسوي زيارات لل ( عزبة )

[sara jsm]

الله يعينك على أذان الديج

[معماري قطري]

الله يعينك على أذان الديج

الديج سهل ينربط حلجه ويسكت