إشتغلت البارحة على الرندر ( الإظهار ) بعد متابعتي لدرس على اليوتيوب والحمد لله بدت تضبط العملية بس للخارج لأن الشمس تنور المكان للداخل ما عرفت اضبط الإنارة .. بخصوص الشمس عرفت شلون أحط الموقع حسب الإحداثيات والإتجاه والساعة واليوم .. هذا اتجاه الظلال الساعة 3 يوم 21 / 9 تكون شوي مايلة جهة الجنوب بالضبط مثل ما توقعت
وهذي صورة مقربة أكثر والمرة الجاية بانزل شدة الإضاءة .. حصلت خيارات للرندر وطبيعي يبقى 12 ساعة لو نبغيه واضح
كان يبغي لي أخلي أرضية المحيط الخارجي لون شوي أغمق حتى تبين الجدران أوضح
سويت رندر مطول وللحين خذ يومين وزود من 91 مستوى توه مخلص 20 يعني حتى يخلص فعلاً يبغي له حول 10 أيام .. إستعجلت كان المفروض ارتب كل شيء واحط نوعيات المواد وأعدل الألوان شوي .. بس هذي النتيجة مع الظلال هذا حسب الاحداثيات الجغرافية واتجاه البيت والوقت 3 العصر يوم 21 / 9 .. وباسوي ملف أصغر شوي للظلال أول الصبح والمغرب
ميزة إن التفاصيل واضحة لو قربت الصورة على نقطة معينة وأكيد مع انتهاء الإظهار بتستوي أوضح
غلطت إن لون جدران الحوض غامقة لو كانت قريبة للأبيض زين بس حبيت اسوي تباين وافرق المباني لكن في الواقع كلها بتكون بلون متقارب
عرفت اسوي تصوير أنيميشن الكيمرة تتحرك وتدور أفلام مقاطع 10 ثواني وحولها وإن شاء الله تستوي مع هذا الفايل الكبير باجربها بعد انتهاء الرندر هذا
قربت وزدت السطوع شوي حتى يبين الداخل وراء حوض السباحة .. بس قطعة الزجاج فوق اللي ينزل منها الماء ما بينت ولا خطوط الماي والظاهر مع استمرار الإظهار ممكن تطلع صورة أوضح
اتفق معاك!المشاركة الأصلية كتبت بواسطة معماري قطري
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
عدلتها في الرندر الأخير بس باقي له وايد وينتهي شكلي باوقفه .. وصل 23 من 92 وألحين له 3 أيام و 22 ساعة .. ما توقعت ياخذ كل هالوقت وهالمرة باسوي كل شيء في الرسمة وباخلي عدد المستويات أقل ممكن 30 مثلاً بس أقلل الرزليوشن وحجم الصورة هذي a3 واتوقع وايد كبيرة من هشكل تحتاج وقت
شوف تصوير عادي هنيه تبين غير لكن في الرندر المفروض تبين أوضح
أكيد بالرندر فرق تطلع الصورة وباحسن المجسم باعدل الألوان وباضيف مواد .. التصميم واضح لي ومن هذي الصورة واضح شعاع الشمس العصر بيوصل طبيلة السيارات ذي من هشكل باغطي الخشب فوق ببولي كاربونيت أزرق اللي يجي طبقتين وهذا موجود ورخيص بيفكني بعد من الطيور بيكونون على الجزء الممتد فوق الزراعة
بالنسبة للإنارة عندي أفكار وايد ابغي ارتبها صح .. لهذا المكان الطبيلة وجدامها بيكون فيه شريط انارة مخفي في قص أسفل الحائط مع التقاء الحائط مع الأرضية .. إحتمال اسويه من البلاستر يعني اسوي البلاستر فوق 2 سم وتحت أخليه بدون بلاستر وأشوف نوع لاصق أو اللي يسمونه ( Thin set grout ) هذا يجي قوي وممكن يكون 2 ملم تبقى 18 ملم بنخفي فيها شريط الإل اي دي وبيكون ارتفاع الكسرة 20 أو 25 سم .. هذا النوع من البلاستر يقاوم المياه والرطوبة ما تبقع اسفل الجدار وينصبغ بصبغ ايبوكسي أبيض عاكس بعد يخلي النور يبين واضح .. نفس الشيء بيكون في جهة سور الزراعة المرتفع حول 30 سم شريط طويل جاي مع القوس اللي جنب الدوار وباشوف اضاءة متغيرة وحديثة بنظام تشغيل ذكي وعن بعد
هذي الإضاءة التجميلية المحيطية بتكون بعد جهة الزراعة وعلى أسفل جدار البيت .. الإضاءة الثانية بتكون سبوتات في الخشب وفي سقف الطبيلة
سويت فيديو أنيميشن لداخل المجلس بدقة بسيطة وبدون إضاءة ومواد بياخذ وقت طويل واحتمال ما يطلع عدل
سويت وحدة من الدرايش نازلة شوي حتى يبين الفرق
ضوابط المشاركة
رد مع اقتباس
