طوله 1.70 ممتاز ويعتبر كبير .
عرضه 70 حيل ضيق . يعني تقريبا 3 شبر ونص
|
طوله 1.70 ممتاز ويعتبر كبير .
عرضه 70 حيل ضيق . يعني تقريبا 3 شبر ونص
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
هذا التعديل بإزالة الزاوية وارجاع البانيو شوي للخلف واضافة بعض النباتات
النبتة عبارة عن بلوك والبلوك في الاوتوكاد هو عبارة عن رسمة مسبقة تعتبر وحدة كاملة شيء واحد مثلها مثل النقطة والخط والدائرة مجموعة أشياء نجمعها تحت شيء واحد له مسمى مختلف نقدر نسحبه من رسمة لرسمة ونستخدمه للتوضيح ويكون بمقياس رسم .. مثل سرير أو قطعة أثاث بمكوناتها وغالبية الموجود 2 دي وفيه 3 دي .. هذي كانت بدون ألوان أضفت لها الألوان بسهولة وبسرعة وحفظتها تحت اسم نبتة عندي واللي يحب البلوكات هذي مستعد أمده بها ممكن يكون يشتغل شغل هندسي يقدر يستعملها
مايصلح حق المتانالمشاركة الأصلية كتبت بواسطة سعود.
تُنسى ، كأنَّكَ لم تَكُنْ ..
أكيد اللي يلهطون 10 سندويشات كيما ويكثرون الفلفل
مايصلح حق المتان
القصد من ذكر المقاس هو المقاس السابق كان 1.8 في 1.1 للعرض وهذا قليل متوفر وما بيصير شيء لو نزلنا المقاس شوي واشترينا واحد مناسب .. فيه قريب من ال 2 في 2 متر كأنه سرير ولين يتعبى ماي ياخذ وقت ويكفي حق الجيران يجون يسبحون مع بو دبة .. فيه وسط فيه 1.7 في 80 سم أو 85 وفيه أطول شوي مع ديكور وكلهم مناسبين بس كلما كان صغير يكون البق ويمشي
فيه المتصل بالأرضية سهل الدخول له وفيه اللي له ارجل ومرتفع هذا يبي له واحد لايق ينقز ويطب فيه مثلي يمشي 10 خطوات في الساعة وضعه صعب .. عاد أتخيلج حاطه بدال الصابون والشامبو سندويشات كيما وقرشة الفلفل على جنب على الرف المعلق وسط البانيو ودي أسوي الرسمة بس شغلة وبترفعين علي قضية
بالعكس اخوي سعود وايد البانيوهات هذا عرضهم بين 70 - 80 وقليل ال 80 متوفر .. الزاوية يجيك في الغالب تحت المتر ونص 1.40 وتحتها أوقات كطول وعرض عندهم حرية أكثر يسوونه حول 80 وحتى 90 .. تقدرون تسوون بحث في النت والا حتى تسئلون على الطبيعة في المحلات اللي حولنا
إشتغلت على التكييف حق بيتي والفكرة إني أحصل النوع اللي يكون داخل كسرة في الحائط وبباب واقف يكون وعلى قاعدة في الأرض حتى لو سرب ماي فيه مجرى يودي الماي للحمام ويتجمع الماي قبل في قطعة مثل الصحن الحديد
هي سكتشات مبدئية ممكن تتغير حسب التصميم من شركة التكييف بس هذا اللي احبه .. سويت الدكتات بعرض متر وهي ممكن تكون أقل الا مؤكد أقل .. الراجع بالأسود والأزرق للبارد
فكرة إن المكيفات بعيدة شوي وممكن الباب يكون مبطن كذلك بعازل عن الصوت
باركز على كل غرفة بروحها وزين إن كل المكيفات سيدة تحتها الوحدة الخارجية اللي بتكون في البيسمنت الخدمي
هذا المجلس والتكييف رقمه 3 موضح .. الجبس بيكون بسيط طبقة وحدة بس فراغ قرب الحايط 40 سم هذا بتكون فيه فتحات التكييف مقابلة الحائط الراجع في جهة والصادر في جهة مقابلة
في حال ما حصلت الواقف باخذ المعلق في السقف وأمري لله
تكييف الغرفة الرئيسية تحت
الصالة بيكون مكيفها داخل الستور وكذلك غرفة الطعام وممكن نضيف لهم المجلس بدال ما يكون مكان الوحدة مطل على الصالة .. وبياخذون جزء بسيط
هذا البيسمنت الخدمي وموضح مكان الوحدات الخارجية وكلها رأسياً تحت موقع الوحدة الداخلية لسهولة التمديد .. التصريف لمياه التكييف بيكون ينزل ويتعلق في سقف البيسمنت ومنه للجوانب يتصل مع بايب صرف المطر اللي بيكون مدفون تحت الأرض ويودي الماي للزراعة
المساحة كافية وفيه سهولة للتمديد وللشغل وللغسيل والاستبدال وشغل الصيانة تحت مكان مظلل ومهوى زين ومحمي
ضوابط المشاركة
رد مع اقتباس
