مراجعة التصاميم المعمارية وابداء الملاحظات عليها (محدث)

[معماري قطري]

هذا بيكون التقسيم المعتمد لكل الجدران اللي فيها نوافذ

[Imgur](https://imgur.com/dpXRtiw)

وبيكون التوزيع المعتمد للمكان اللي فيه تكييف لأن التكييف بيكون بإذن الله اللي مثبت على الأرض خلف الكراسي 4 مكيفات ونفتك من مشاكل الدكتات والصيانة والرطوبة مثل ما ذكرت وممكن أخفيها بصندوق خشبي بفتحات من فوق للهواء

هذا مقاسه 24 في 110 سم مبالغ شوي في المقاس وهو المفروض أصغر اعتقد عرضه 15 وطوله 90 هذا موضح مكان الإكس

[معماري قطري]

80 سم فتحة الروشنة الطويلة بيكون عرضها 80 وارتفاعها قريب ال 4 متر مع الدرايش بس ارتفاع قاعدتها بيكون فوق المكيف بشوي أما الدرايش إرتفاع قاعدتها 20 سم فوق العتبة اللي وراء الكراسي اللي بيكون ارتفاعها 10 سم

[معماري قطري]

مهندسة سارة .. شرايج أفكر اسوي مخزن اضافي في حديقة حوض السباحة جنب دورة المياه اللي أضفتها حق الطاولات والكراسي لتهريهم الشمس

[معماري قطري]

هذا بيكون التقسيم المعتمد لكل الجدران اللي فيها نوافذ

[Imgur](https://imgur.com/dpXRtiw)

وبيكون التوزيع المعتمد للمكان اللي فيه تكييف لأن التكييف بيكون بإذن الله اللي مثبت على الأرض خلف الكراسي 4 مكيفات ونفتك من مشاكل الدكتات والصيانة والرطوبة مثل ما ذكرت وممكن أخفيها بصندوق خشبي بفتحات من فوق للهواء

هذا مقاسه 24 في 110 سم مبالغ شوي في المقاس وهو المفروض أصغر اعتقد عرضه 15 وطوله 90 هذا موضح مكان الإكس

حل ثاني للتكييف ممكن أسوي له تجويف خاص في الحائط تحت الروشنة .. الحائط 40 سم والتجويف سهل عمله أثناء البناء

[سعود.]

مكيف ( كاسيت ) حل اخر

[معماري قطري]

مكيف ( كاسيت ) حل اخر

هو تقريباً نفسه اللي مثبت على الأرض والله ما اعرف الإسم .. مب الطويل مال المخازن لا ذيه اللي يدفع الهواء فوق

مثل اللي في هذا الرابط

https://www.archiexpo.com/prod/mitsu...4-2253069.html

[سعود.]

ممتاز بتوفيق

[معماري قطري]

ممتاز بتوفيق

الله يوفقك .. المسوقين يبرزون جميع مميزات المنتج ولا يتكلمون عن العيوب .. عندك جبس ودكتات بارتفاع 5 متر ورطوبة من الجو ولو تكثف الماي مشكلة ,, السبلت بروحه مشكلة يخرب الجدران .. هذا حل عملي ومناسب والتكييف تطور وايد ولا تسمع له صوت وبعدين لو بنتكلم عن الشكل شكل الكرسي بعد ممكن ننتقده وشكل الباب وكل شيء ثاني .. بعد لو أحصل مروحة اللي ريشها طوال وتدور خفيف تحرك الهواء يمكن أركب وحدة معلقة من المنور أو ثنتين أصغر شوي على كل جنب

[sara jsm]

بالنسبة للتلفزيون أما اخليه متنقل ممكن ينشال وقت المناسبات والاجتماعات الكبيرة أو ينحط وقت الجلسات البسيطة .. الحل الثاني بيكون على الضلع بين البابين هذا وراه مخزن والدرايش اللي فيه مزيفة وبيكون فكرة حلوة لكسر التناظر بس مشكلته بيكون البعد عنه من المشاهد 9 متر وشوي أقل حسب مكان جلوسه

بعد مخزن !!!؟
في مجلسكم اللي بالمعمورة حاطين كسوة باب الكعبه بشكل جميل ..
روح بوقه من هناك وغطي فيه المخزن اللي بتسويه هني ..
وترى مب ضروري كل مجلس يكون فيه تلفزيون حط راديو
:

مهندسة سارة .. شرايج أفكر اسوي مخزن اضافي في حديقة حوض السباحة جنب دورة المياه اللي أضفتها حق الطاولات والكراسي لتهريهم الشمس

طبعا انتو فلوسكم وايد عشان تبنون ..
اما الفقاره اللي مثلنا يفصلون طربال يغطي هالاثاث

[معماري قطري]

بعد مخزن !!!؟
في مجلسكم اللي بالمعمورة حاطين كسوة باب الكعبه بشكل جميل ..
روح بوقه من هناك وغطي فيه المخزن اللي بتسويه هني ..
وترى مب ضروري كل مجلس يكون فيه تلفزيون حط راديو
:



طبعا انتو فلوسكم وايد عشان تبنون ..
اما الفقاره اللي مثلنا يفصلون طربال يغطي هالاثاث

إنتي شريرة تبين توصلين الفكرة بطريقة المعلم الزعلان من التلميذ .. فاهمها وبعد فوق هذا بيكون فيه لوازم كثيرة ومفارش تحتاج تخزين .. مجلس المعمورة الله يجزي راعيه خير هذا تحفة ما شاء الله وتناقشت مع راعيه كم مرة في البناء وأفكاره موزونة ومطلع وفاهم كثير بعدين بنيان هالقطع الصغيرة ما يأثر في شيء تنظيمي بس وخلاص ألغيت الفكرة باكتفي بالموجود