مراجعة التصاميم المعمارية وابداء الملاحظات عليها (محدث)

[معماري قطري]

Lipping لها استخدامات وايد يامعماري

يعتمد وين تستخدم

الا سؤال يابش مهندس وين اقدر احصل مادة لاتكس latex اللي تستخدم لتقوية الإسمنت أو مادة الغراء لاصق البلاط

تدمر مايبيعها بروحها لازم تأخذ منهم مادة الغراء مع بعض يجيك عندهم لتر يتخلط مع كيس الغراء يوم طلبت منه يبيعني إياها رفض

رحت تاسكو عندهم بس نوع ثاني وسعره غالي الغالون ب ظ،ظ¨ظ* ريال

هذا عندك معلومات عن هالمادة تفيدنا لان خبرك هالهنود والبنغال مايعرف الخصائص بس يبي يبيعك اَي شي

تسأله تقول له هذا لاتكس مايعرف شنو لاتكس

هلا بو سعود .. انا تعرفت عليها من وثائق هندسية قديمة عندنا في الشغل وللحين راسخة في الذاكرة كلمة ليبينغ وأكيد لها استخدامات ثانية

اللاتيك أو لاتيج وما تننطق الإكس ما ادري ليش حاطينها هذي مادة إضافة لتقوية الإسمنت وبالنسبة للاصق الحين يجيك نوع خاص بمقادير خلط محددة ولو اضفت له مادة تختلف الخصائص وممكن ما ينفع .. خلك على طريقة خلط المادة ومقاديرها من المصنع أفضل .. وحاول تشوف أحمد المصري في العمودي ذاك خبرة الله يعطيه الصحة وبيدلك على المناسب من اللاصق أو الاسمنت المقوى للديكور وغيره

الإسمنت تقدر تسوي منه تشكيلات بخلطات معينة وتستغني عن الجي ار سي .. جاري باني بيوت حول عشرة له ولعياله ومسوي الأسقف مايلة وتبين من بعيد قرميد غريب ومتقن لكن في الأصل اسمنت مموج بتشكيلة وصبغ جيد ما ادري معمول مع خلطة الاسمنت

[سعود.]

[b]

lipping لها استخدامات وايد يامعماري

يعتمد وين تستخدم

الا سؤال يابش مهندس وين اقدر احصل مادة لاتكس latex اللي تستخدم لتقوية الإسمنت أو مادة الغراء لاصق البلاط

تدمر مايبيعها بروحها لازم تأخذ منهم مادة الغراء مع بعض يجيك عندهم لتر يتخلط مع كيس الغراء يوم طلبت منه يبيعني إياها رفض

رحت تاسكو عندهم بس نوع ثاني وسعره غالي الغالون ب ظ،ظ¨ظ* ريال

هذا عندك معلومات عن هالمادة تفيدنا لان خبرك هالهنود والبنغال مايعرف الخصائص بس يبي يبيعك اَي شي

تسأله تقول له هذا لاتكس مايعرف شنو لاتكس

برسل لك رقم واحد

له بهذي السوالف . علبة من مادتين تمزج نفس ( القراوت ) لمعالجه الخرسانه . ونوع اخر للبلاستر والكركات .

[Azizuk]

تسلمون يااخوان معماري و سعود على التوضيح

[معماري قطري]

[B]

برسل لك رقم واحد

له بهذي السوالف . علبة من مادتين تمزج نفس ( القراوت ) لمعالجه الخرسانه . ونوع اخر للبلاستر والكركات .

إخوي سعود حط المعلومات هنا حتى الكل يستفيد .. انا اعرف وجود هذي المواد بس وين تقريباً ما اعرف أكيد

[معماري قطري]

تسلمون يااخوان معماري و سعود على التوضيح

الله يسلمك اخوي بو سعود

[معماري قطري]

إحدى الأخوات طلبت تصميم مناسب حق أرضها وانا اقترحت الأخير لكن هي حبت الأول وبنشوف شيصير هذا النموذج عدلت على المدخل شوي ليكون المجلس بابه ينفتح من الخارج والمدخل في كسرة داخل البيت للتظليل والحماية وحتى يناسب وضعية الدوار جدام

الدوار بيكون في مستوى واحد مب مرتفع لسهولة اللفة عليه والوقوف والزراعة وسطها نافورة وفي نفس اللفل مع أرضية مرور السيارة بس تشطيب الوسط غير ومكان دوس السيارة مناسب وغير

[سعود.]

هلا بوعبدالله

اخبرك دائما تفضل وجود دوار في الفيلا لانة يعطى انطباع بالفخامة .

ملاحظتين فقط وراى لها ولك .
العامود الي في صالة الطعام العائلية + الجدار الي فية مكيف صالة الطعام العائلية .
لو ينشالون بيكون عندنا امتداد بصري اكبر واشرح .

[معماري قطري]

هلا بوعبدالله

اخبرك دائما تفضل وجود دوار في الفيلا لانة يعطى انطباع بالفخامة .

ملاحظتين فقط وراى لها ولك .
العامود الي في صالة الطعام العائلية + الجدار الي فية مكيف صالة الطعام العائلية .
لو ينشالون بيكون عندنا امتداد بصري اكبر واشرح .

الله يمسيك بالخير اخوي سعود

العمود هذا رئيسي ويحمل الدرج واحتمال فيه له حل انشائي بأن يتم التحميل على العمدان الجانبية .. بالنسبة لملاحظة الحائط ممكنة بعد وممكن نقلل الممر باسويها ان شاء الله .. المشكلة إحتياجات المالك غير مع إني جربت كم تصميم وباحطهم إن شاء الله لكن اشوف هذا أفضل لوضعية الارض

الدوار يطلع أحلى وممكن نلغيه هذا المسافة من السور لحايط البيت 13.5 انا عندي في بيتي 13 وطالع زين بسهولة تلف عليه السيارة واللي عندي مرتفع له رامب هذا فكرته غير بحيث يكون سيدة بسلوب بسيط حتى الزراعة في الوسط نفس المستوى ممكن عشب وفي الوسط نافورة

شورانا بنشوف اختيارات ثانية

لازم اطلع شوي وبارجع باحط المقترحات إن شاء الله

[معماري قطري]

هذا التصميم عجبني ويناسب للأرض .. ناقص غرفة حق فوق لأن المطلوب 5 غرف بس عندنا 4 ماسترز وثنتين منهم كبار وعندنا ثنتين في البنتهاوس ووحدة تحت بمجموع سبع غرف .. ممكن نسوي بيسمنت نفس البنتهاوس وهذي التفاصيل موجودة في الموضوع ولازم بنعدل فيها حسب الاحتياج

لو مضطرين نسوي مجلس خارجي ممكن بس بتضيع جمالية مدخل البيت والزراعة والدوار والنافورة .. هذا الدوار بس وهمي محددته الزراعة في الوسط وممكن حولها عشب وبعدين الحلقة الكبيرة اللي بنفس المستوى بس بأرضية حجر بازلتي واللي حولها ممكن انترلوك أو بلاط شعبي والزراعة نازلة عن الارضية بحدود 5 سم بس

[معماري قطري]

صاحبة التصميم أرسلت لي فيديو فيه لقطات ممكن تتطبق على هذا البيت مثل انفتاح الصالة فوق على تحت

وحوض السباحة وضحت مكانه بس لازم بنحتاج خدمات معاه والمفروض الغرفة القريبة منه تكون صالة تابعة لحوض السباحة