التصميم للحوش كامل شامل المداخل وتوزيع البيت الأرضي والملحق المجلس تفاصيله سهلة وموجودة بس غرفة السايق ما فيه لها تفصيل عندي .. سويت لها ليوان خاص داخلي وزراعة ومعاها تانكي الماي والمفروض يسوي له وصلة لتمديد الماي مع السور للتانكي فوق السطح
التشجير قرب المدخل ممكن يكون النخيل الملكية وهي قليلة في قطر وتحتاج عناية خاصة وأظن تربة خاصة وسعفها كبار .. اللي ورا الواشنطونيا وهي أصغر وتستوي طويلة والباقي ممكن أي نوع شجر سدر أو قرط أو غيره
ننتقل لآخر دور اللي هو البنتهاوس وهو مهم ومناسب كشقة متكاملة وكبيرة ما شاء الله بس بعد يحتاج ترتيب بسيط .. والمالك ما بناه ناوي يأجل وانا من رايي يبني مرة وحدة حتى لو فيها تأخير بيكون أفضل وأسهل وما هو شرط يشطبه تشطيب غالي
هذا مقترح الاستشاري
مقترحي تركز على تعديل مكان بعض الأبواب والحوائط كلها مكانها بس عمل بعض البارتشنات ممكن تكون جبسية أو خشبية وتوزيع القطع والأثاث توزيع يتناسب والحيز الموجود
الغرفتين متشابهات والطول غالب وإشتغلت على وحدة منهم بتفصيل أكثر والثانية نقدر نسويها مشابهة .. تم عمل كبت للتلفزيون بعرض 50 سم وممكن نسويه ب 40 أو حتى 30 لو نحب بس المساحة تكفي والخمسين القوسين حول التلفزيون الفاصلين لمنطقة مدخل الغرفة ومنطقة السرير يكونون عراض يعطون فخامة أكبر .. وممكن عملهم بالخشب أو الجبس أوبديل الخشب أو بديل الجبس أو ببلايوود رخيص ملبس بورسلان
الدريشة الوحيدة قسمتها لثنتين طوال بكامل الإرتفاع لأنهم يطلون على السطح وبيكونون مقابلين للأبواب
والله حلو لو مثل مافهمته هو مسوي بابين للسطح ..
واحد عالدرامات حق العمال والثاني من الصاله عالسطح ..
فممكن يسوي قعده عالسطح مستقبلا نفس اللي هابين فيها هالايام ..
تُنسى ، كأنَّكَ لم تَكُنْ ..
إتصال الغرفة مع غرفة مكياج .. حيز مناسب جداً ومع غرفة ملابس مغلقة ومع وجود كبت في كتف الباب مثل ما شفنا في الصورة المكبرة للغرفة يعطينا سهولة استخدام وخصوصية وتأمين على أغراضنا الثمينة والخاصة .. بعدين يجينا تكرمون الحمام ومساحته كبيرة سهل نرتبة بقطع اضافية ولا مثل اقتراح الاستشاري 3 قطع ضايعة في المساحة .. أشوف التكلفة ولا شيء لو سوينا التمديدات صح من البداية ونقدر نركب مغاسل عادية بدون كاونتر رخام بيطلعون وايد أرخص والمغاسل بعضها معلقة متوفرة حتى ب 150 ريال .. الشور كله تبليط والجكوزي ممكن نجهز مكانه وما نركبه الا وقت الحاجة
كنت أتمنى لو يوجد قانون في رخص المباني يسمح بتجهيز مباني السقف بدون القطع يعني غرف وأبواب ونوافذ وتمديدات بس بدون توصيل فعلي الا وقت الحاجة ويكون كل شيء سهل وسريع وبدون وجع راس وممكن هالشيء يمشي أتوقع للرخصة حتى بيتي وبيت ولدي باطالب بعمل هالشيء لأننا ما نحتاج للبنتهاوس أول سنتين بعد سكننا لكن نحتاج تجهيزه يكون سهل
صح بعد شيصير لو نقل غرفة التانكي فوق وخلى الباب قزاز يفتح على حوش صغير جدام الغرفة مفتوح من فوق ممكن يفتك من الضجيج ويوصله نور من الباب .. وكذلك ممكن يسوي درج خدمة مثل اللي سويته حق بيتي كإضافة من الحوش للسقف مباشر بدون ما يدخل البيت ومحاط بالطابوق حتى ما يطل الراكب على بيوت الجيرانالمشاركة الأصلية كتبت بواسطة sara jsm
البانتري بهالطريقة استوى موزع أفضل ولازم نحط مكان لثلاجة أو ثنتين لأن بيكون مثل مطبخ صغير لأحد الأبناء بكرة يكبر ويشغل هذا الدور هو وزوجته وعياله فترة معينةإتصال الغرفة مع غرفة مكياج .. حيز مناسب جداً ومع غرفة ملابس مغلقة ومع وجود كبت في كتف الباب مثل ما شفنا في الصورة المكبرة للغرفة يعطينا سهولة استخدام وخصوصية وتأمين على أغراضنا الثمينة والخاصة .. بعدين يجينا تكرمون الحمام ومساحته كبيرة سهل نرتبة بقطع اضافية ولا مثل اقتراح الاستشاري 3 قطع ضايعة في المساحة .. أشوف التكلفة ولا شيء لو سوينا التمديدات صح من البداية ونقدر نركب مغاسل عادية بدون كاونتر رخام بيطلعون وايد أرخص والمغاسل بعضها معلقة متوفرة حتى ب 150 ريال .. الشور كله تبليط والجكوزي ممكن نجهز مكانه وما نركبه الا وقت الحاجة
كنت أتمنى لو يوجد قانون في رخص المباني يسمح بتجهيز مباني السقف بدون القطع يعني غرف وأبواب ونوافذ وتمديدات بس بدون توصيل فعلي الا وقت الحاجة ويكون كل شيء سهل وسريع وبدون وجع راس وممكن هالشيء يمشي أتوقع للرخصة حتى بيتي وبيت ولدي باطالب بعمل هالشيء لأننا ما نحتاج للبنتهاوس أول سنتين بعد سكننا لكن نحتاج تجهيزه يكون سهل
سارة ما نسيتج سويت ستور صغيرون والغرفة اليمين المفروض توزيعها مشابه للغرفة الثانية بس عندنا دورة المياه ممكن هذا التوزيع وغرفة الملابس توزيعها مقارب
فكرت في مكان لوحات الكهرباء DPs وشفت يكونون تقريباً فوق بعض يمكن أفضل مكان لهم الأرضي يكون ينعمل له تجويف في الحائط المقابل للمغاسل صوب المجلس والأول قرب مدخل غرفة الزاوية يسار والبنتهاوس بيكون قرب الباب اللي يطلع على غرفة التانكي ومنهم يطلع دي بي فرعي صوب المصعد
الحمدلله الحين ارتحت عبالي تغيرت وماتبي تسوي ستور ههههههههسارة ما نسيتج سويت ستور صغيرون والغرفة اليمين المفروض توزيعها مشابه للغرفة الثانية بس عندنا دورة المياه ممكن هذا التوزيع وغرفة الملابس توزيعها مقارب
تُنسى ، كأنَّكَ لم تَكُنْ ..
ضوابط المشاركة
رد مع اقتباس
