شغالين ألحين على توسعة الشوارع ويمين البيت ما ادري شبيصير بس شكلهم بيقللون الإرتداد بين الشارع والبيت وبيمددون خدمات الصرف الصحي وتصريف المطر المياه والكهرباء واصلة وحتى إطفاء الحريق
|
شغالين ألحين على توسعة الشوارع ويمين البيت ما ادري شبيصير بس شكلهم بيقللون الإرتداد بين الشارع والبيت وبيمددون خدمات الصرف الصحي وتصريف المطر المياه والكهرباء واصلة وحتى إطفاء الحريق
موقع الباب الصغير بين بيتي وبيت ابوي الله يغفر له الخط الأحمر من الحوش للباب ويمر بين ميلس بيت ابوي الخارجي اللي بيكون جنب ميلس بيتي والميلس الداخلي .. حظي جاء التصميم متجانس للبيتين .. البيت اليسار فوق تأجر لروضة
شغال على المجسم ثلاثي الأبعاد لتصميم بيتي وشبه خلصت هذي المظلة والمجلس ككتلة باقي تفاصيل الدرايش .. البيت باقي فيه وايد والبوابة .. ما أضفت مواد مناسبة للإظهار باضيفها بعدين بحيث تبين الصورة واضحة وطبيعية أكثر وباضيف الإضاءة الشمسية والكهربية الليلية
هذي جهة المجلس بس طلعت مظلمة مع إنها في الكمبيوتر تبين أوضح .. بدايات وبإذن الله لو خلصت بيكون غير باضيف الإضاءة والظلال وبيبين قريب للواقع حسب الوقت في اليوم واتجاه الشمس
وفقك الله يبو عبدالله.. عقبال ما نشوف الشرح ع الواقع بإذن الله
اللهــــــم ارحم أخي فايز واسكنه فسيح جناتك وسائر أموات المسلمين
اللهم آمينالمشاركة الأصلية كتبت بواسطة سالم الزهران
الله يجزاك خير ويوفقنا واياك
لازم أعدل الدقة والإضاءة العملية بسيطة بس يبغي لي أدل طريقي مع البرنامج الجديد اللي يمكن تحدث عشر مرات بعد شغلي عليه ثري دي
اخوي معماري ي سؤال محيرني .. ليش الغالبية الساحقة من بيوت قطر مبنية على النمط الكلاسيكي؟؟؟
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
غالبيتها يا اخوي بنيان حديث ممكن نعتبره كلاسيكي حسب الموجود عندنا
إذا قصدك عن بعض العناصر الكلاسيكية في التصميم الأخير أو خل نقول التراثية هذي بعد محدثة ومحدثة كثير .. الزاوية المسماة القمرية وكانت كتداخل مراحل القمر الوسط كامل أو شبه كامل والأطراف أصغر .. قطعة التاج وسط الدريشة والباب هذي نفس الشيء ومعروفة قديماً وفيه منها نوعيات كثيرة محدثة .. القمرية تسمى Corbel ولها تشكيلات لا تحصى ويستعملونها حتى الأجانب وكانت أساساً تعتبر قطعة إنشائية تحمل ما فوقها ألحين قطعة زينة
ما ابغي ألجأ للحجر وأغير التصميم الخارجي بس الحجر ضروري عندي في أرضيات الرصيف وحواجز الزراعة ويمكن كحماية في أسفل الجدران لكن الباقي باخليه بلاستر وصبغ مع التشكيلات حول الدرايش جي ار سي أو حجر ولو سويت البيت حجر كله بيكون بدون تفاصيل كثيرة وفي غالبيته سادة مع الكتل والكسرات الأساسية هذي مهمة عندي وتستوي حجر أو بلاستر
بعدين حتى ما تحتار هذي المواد المتوفرة والموجودة والمقاومة لطبيعة الجو والسهلة للبنيان والكل يعرفها ليش نروح لأشياء غريبة
شيء مهم التصميم أساسه المساحات والفراغات وعلاقتها ببعض وتفاصيل التنفيذ آخر شيء يجيك الشكل الخارجي
ما كنت أتوقع شغلة الثري دي ممتعة هالشكل والشكر لسارة اللي شجعتني أواصل ومواصلتي قليلة وأوقات ألخبط في بعض الأشياء .. هذي صورة للموقع للذكرى قبل ليكتمل وفيه خرابيط يمين ويسار خليت بعضها وكأنه موقع بناء طبيعي
الحين علقوا تعليقات محبطة عادي حطيت هالتصميم في راسي وإن ما كملته ألحين باكمله بعد السفر
هذي رؤية الطائر من جهة الغرب
تفاصيل البيت كتلة ألحين ما حطيت أشياء وايد
ضوابط المشاركة
رد مع اقتباس
